Baakiyalakshmi Serial: ராதிகாவுடன் கல்யாணம் கேக்குதோ...நடக்கவே விடமாட்டேன்...கோபியிடம் எகிறிய ஈஸ்வரி

இன்னொரு பக்கம் பாக்யா கல்யாண ஆர்டருக்காக வீட்டில் ஜெனி, செல்வியுடன் பேசிக் கொண்டிருக்கிறார். அப்போது அங்கு வரும் ஈஸ்வரி கோபியின் திருமணம் பற்றி மறைமுகமாக பேசுகிறார்.

பாக்கியலட்சுமி சீரியல்

பாக்கியலட்சுமி சீரியலில் ராதிகாவுடன் நடக்கப்போகும் கல்யாணம் குறித்து ஈஸ்வரியிடம் கோபி பேசும் காட்சிகள் இன்று இடம் பெறவுள்ளது. 

ரசிகர்களை கவரும் பாக்கியலட்சுமி 

விஜய் டிவி சீரியலில் ஒளிபரப்பாகும் சீரியல்களில் பாக்கியலட்சுமி சீரியல் ரசிகர்களின் ஆல்டைம் ஃபேவரைட்டாக உள்ளது. இந்த சீரியலின் ஹீரோ கோபி குடும்பத்திற்காக மனைவி பாக்யாவை பிடிக்காமல் அவரோடு சகித்து கொண்டு வாழ்த்து வருகிறார். அந்த சமயத்தில் தன்னை சந்திக்கும் முன்னாள் காதலி ராதிகா மீது அவருக்கு மீண்டும் காதல் துளிர்கிறது. இதற்காக கோபி செய்யும் ஒவ்வொரு தகிடு தத்தங்கள் என்னென்ன என்பதான திரைக்கதை சுவாரஸ்யமாக சென்ற நிலையில் கடந்த சில எபிசோட்கள் அடுத்தடுத்து எதிர்பாராத திருப்பங்களை ஏற்படுத்தியது.

இந்த சீரியலில் கோபியாக நடிகர் சதீஷ்குமார், பாக்யலட்சுமியாக நடிகை சுசித்ரா ஷெட்டி, ராதிகாவாக நடிகை ரேஷ்மா ஆகியோர் நடிக்கின்றனர். பாக்யாவுக்கு கோபிக்கும் ராதிகாவுக்கும் இடையேயான உறவு குறித்து தெரிந்தது முதலே இத்தொடர் மிகுந்த எதிர்பார்ப்புடன் செல்கிறது.கடந்த வாரங்களில் கோபிக்கு பாக்யா விவாகரத்து கொடுத்தது, கோபி வீட்டை விட்டு வெளியேறியது, . ராதிகா கோபியை திருமணம் செய்ய சம்மதித்த காட்சிகள் இடம் பெற்றது.  இனி இன்றைய எபிசோடில் என்ன நடக்கிறது என பார்க்கலாம். 

ஈஸ்வரியை அழைக்கும் கோபி 

ராதிகாவுடனான கல்யாணம் குறித்து தெரிவிக்க தனது அம்மா ஈஸ்வரியை கோபி கோவிலுக்கு அழைக்கிறார். அங்கு செல்லும் ஈஸ்வரியிடம் தான் வீட்டை விட்டு வெளியேறி, ரோட்டில் அலைந்தேன். சாப்பாடு சரியில்லாமல் கஷ்டப்பட்டேன். அதனால் எல்லாம் வெறுத்துவிட்டேன் என கூறி புலம்புகிறார். தொடர்ந்து நான் உங்களிடம் ஒரு விஷயம் பேச தான் வந்தேன் என கூறி தான் ராதிகாவை கல்யாணம் செய்ய போவதாக தெரிவிக்கிறார். இதைக் கேட்டு அதிர்ச்சியடையும் ஈஸ்வரி, விளையாடாத கோபி என சொல்கிறார். 

ஆனால் தான் கல்யாணம் பண்ண போறது உறுதி என சொல்ல ஈஸ்வரி என்ன சொல்வதென தெரியாமல் முழிக்கிறார். உடனே கோபி இந்த குடும்பத்துக்காக உழைத்தது ஒரு பக்கம் என்றால், பிடிக்காத பாக்யாவோடு குடும்பம் நடத்தியது இன்னொரு பக்கம். அதனால் இருக்க கொஞ்ச காலத்தை எனக்காக சந்தோஷமாக கழிக்க நினைக்கிறேன். அதனால் நான் ராதிகாவை கல்யாணம் பண்ணிக்கப் போறது உறுதி என சொல்கிறார். இதனால் ஆத்திரமடையும் ஈஸ்வரி, கல்யாணமான பையன், கல்யாண வயசுல ஒரு பையன், வயசுக்கு வந்த ஒரு பொண்ணு  இருக்குறப்ப தெல்லாம் தேவையா?..நீ வீட்டுக்கு வா என சொல்ல கோபி மறுக்கிறார். 

கோபியிடம் சவால் விடும் ஈஸ்வரி 

எனக்கு கல்யாணமானாலும் இனியாவுக்கும் இந்த குடும்பத்துக்கும் செய்ய வேண்டிய எல்லாத்தையும் சரியா செய்வேன் என சொல்ல, நீ வீட்டுக்குள்ள இருந்து செஞ்சா அது சரி..இப்படி வெளியே இருந்தா செஞ்சா அசிங்கம் என ஈஸ்வரி தெரிவிக்கிறார். அப்படிப்பட்ட அசிங்கமான பணம் எங்களுக்கு தேவையில்லை எனவும் கூறுகிறார். உடனே கோபி நீங்கள் கண்டிப்பாக கல்யாணத்துக்கு வந்து எங்கள ஆசீர்வாதம் பண்ணனும் என சொல்ல, நான் எப்படி இந்த கல்யாணம் நடக்குதுன்னு பாக்குறேன் என சவால் விட்டு ஈஸ்வரி கோபத்துடன் அங்கிருந்து செல்கிறார். ஈஸ்வரியின் பேச்சால் டென்ஷனாகும் கோபி, என்ன நடந்தா என்ன..நான் அம்மாவிடம் சொல்லிட்டேன் என தனக்குத்தானே சமாதானம் சொல்லி கொள்கிறார். 

இன்னொரு பக்கம் பாக்யா கல்யாண ஆர்டருக்காக வீட்டில் ஜெனி, செல்வியுடன் பேசிக் கொண்டிருக்கிறார். அப்போது அங்கு வரும் ஈஸ்வரி கோபியின் திருமணம் பற்றி மறைமுகமாக பேசுகிறார். ஆனால் பாக்யாவோ குடும்பத்துக்காக உழைக்க வேண்டி இருப்பதாக சொல்வதோடு இன்றைய எபிசோடு நிறைவடைகிறது.