Poove Unakkaga Serial: ‘லவ் யூ டூ ஆல்’ சீரியலில் இருந்து விலகுகிறேன்...ரசிகர்களுக்கு அதிர்ச்சி கொடுத்த ராதிகா...!
தமிழில் ‘எம்பிரான்’ என்ற படத்தின் கதாநாயகியாக நடித்துள்ளார். கன்னடத்தில் இரண்டு திரைப்படங்களிலும், தமிழில் ஒரு படத்திலும் நடித்துள்ளார்.
சன் டிவியில் ஒளிபரப்பாகிக்கொண்டிருக்கும் ‘பூவே உனக்காக’ சீரியலில் இருந்து விலகுவதாக அந்த சீரியலின் ஹீரோயின் ராதிகா ப்ரீத்தி அறிவித்து. அவரின் இந்த அறிவிப்பு அந்த சீரியலின் ரசிகர்களுக்கு அதிர்ச்சி ஏற்படுத்தியுள்ளது.
இதுதொடர்பாக ராதிகா ப்ரீத்தி தனது இன்ஸ்டாகிராம் பக்கத்தில், அன்பான இன்ஸ்டா குடும்பத்தினருக்கு. கனத்த இதயத்துடன் நான் ‘பூவே உனக்காக’ சீரியலில் இருந்து விலகுகிறேன் என்பதை உங்கள் அனைவருக்கும் தெரிவித்துக் கொள்கிறேன். எனக்கு வாய்ப்பளித்த சன் டிவிக்கும், தயாரிப்பு நிறுவனத்தும் நன்றியை தெரிவித்து கொள்கிறேன். என் ரசிகர்கள் அனைவருக்கும் நான் என்றென்றும் நன்றி தெரிவித்துக் கொள்கிறேன். நிலையான அன்பும் ஆதரவும், நீங்கள் இல்லாமல் நான் எதையும் செய்திருக்க மாட்டேன். என் வாழ்க்கையின் ஒவ்வொரு அடியிலும் நீங்கள் எனக்காக இருப்பீர்கள் என்று எனக்குத் தெரியும். லவ் யூ டூ ஆல்.. மீண்டும் ஒருமுறை அனைவருக்கும் நன்றி..என்றும் உங்கள் அன்பு பூவரசி’ எனப் பதிவிட்டுள்ளார்.
View this post on Instagram
கன்னட படம் மூலம் அறிமுகமான ராதிகா ப்ரீத்தி கர்நாடக மாநிலம் பெங்களூருவில் 1997ஆம் பிறந்தவர். சினிமா மீது கொண்ட ஆர்வத்தால் கன்னட படம் மூலம் கதாநாயகியாக அறிமுகமானார். தமிழில் ‘எம்பிரான்’ என்ற படத்தின் கதாநாயகியாக நடித்துள்ளார். கன்னடத்தில் இரண்டு திரைப்படங்களிலும், தமிழில் ஒரு படத்திலும் நடித்துள்ளார். ‘பூவே உனக்காக’ சீரியல் மூலம் பிரபலமடைந்த அவர், அதன் மூலம் அதிக ரசிகர்களை பெற்றுள்ளார். அவர் சீரியலில் இருந்து விலகியது ரசிகர்களுக்கு பெரும் அதிர்ச்சியை கொடுத்துள்ளது. ‘ பூவே உனக்காக’ சீரியலில் அடிக்கடி நடிகர்கள் மாறி வந்த நிலையில், எந்த வித மாற்றமும் இல்லாமல் சீரியல் டிஆர்பியில் கலக்கிக் கொண்டிருந்த நிலையில் ஹீரோயின் விலகியிருப்பது சீரியலுக்கு சற்று சறுக்கலை ஏற்படுத்த வாய்ப்புள்ளதாக கூறப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
