Kamala Kamesh: ”அம்மா கமலா காமேஷ் நலமாக இருக்கிறார்” அப்ப இறந்தது? மகள் உமா ரியாஸ் விளக்கம்
Kamala Kamesh: பிரபல நடிகையான கமலா காமேஷ் உடல்நலக்குறைவால் காலமானதாக வெளியான தகவலை அவரது மகள் மறுத்துள்ளார்.
Kamala Kamesh: பிரபல நடிகையான கமலா காமேஷ் வெளியான தகவல் வதந்தி என்பது உறுதியாகியுள்ளது.
நடிகை கமலா காமேஷ்:
தமிழ் சினிமாவில் 80-களில் மிகவும் பிரபலமான நடிகையான கமலா காமேஷ். அவருக்கு வயது 72. கடலோரக் கவிதைகள், அலைகள் ஓய்வதில்லை என சுமார் 480 படங்களில் அவர் நடித்துள்ளார். இயக்குனர் விசுவின் சம்சாரம் அது மின்சாரம் படத்தில் அவர் ஏற்று நடித்த, கோதாவரி எனும் கதாபாத்திரம் ரசிகர்கள் மத்தியில் மிகவும் பிரபலம். ஜெயபாரதி இயக்கிய குடிசை படத்தின் மூலம் அறிமுகமான கமலா, அதன் பிறகு மேடை நாடகங்களிலும் நடிக்க ஆரம்பித்தார். திரைப்படங்கள் மற்றும் மேடைநாடகங்கள் மட்டுமின்றி, சின்னத்திரையிலும் நடித்துள்ளார். பல முன்னணி நடிகர்களுக்கு தாய் கதாபாத்திரத்தில் நடித்துள்ளார். கடைசியாக ஆர்.ஜே. பாலாஜி இயக்கத்தில் வெளியான ”வீட்ல விசேஷம்” திரைப்படத்தில் அவர் நடித்து இருந்தார்.
கமலா காமேஷ் மரணம் என வதந்தி - உமா ரியாஸ்
இந்நிலையில் தான் கமலா காமேஸ் உயிரிழந்ததாக பல்வேறு தகவல்கள் வெளியாகின. இதுதொடர்பாக பேசிய அவரது மகள் உமா ரியாஸ், “தனது அம்ம இறக்கவில்லை. எனது கணவர் ரியாஸ் கானின் தாயார் ரஷீதா பானு, நீண்ட நாட்களாக உடல்நலக்குறைவால் அவதிப்பட்டு வந்த நிலையில் அவர் உயிரிழந்துள்ளார்” என விளக்கமளித்துள்ளார். இதன் மூலம், கமலா காமேஷ் இறக்கவில்லை என்பது, அவர் நலமுடன் இருக்கிறார் என்பதும் உறுதியாகியுள்ளது.
குடும்ப விவரம்:
கடந்த 1974ம் ஆண்டு இசையமைப்பாளர் காமேஷை திருமணம் செய்து கொண்டார். அவர் 1984ம் ஆண்டு காலமானார். இந்த தம்பதிக்கு உமா ரியாஸ் என்ற மகள் இருக்கிறார். இவரும் கார்த்திக் நடிப்பில் வெளியான பிரியாணி உட்பட, பல திரைப்படங்களில் நடித்துள்ளார். உமாவின் கணவரான ரியாஸும் தமிழ் மற்றும் மலையாளம் என பல படங்களில் நடித்துள்ளார். வின்னர் படத்தில் இடம்பெற்ற கட்டதுரை கதாபாத்திரம் மூலம் ரியாஸ் மிகவும் பிரபலமானது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
