1 year of JaiBhim: ஓங்கி ஒலித்த ஜெய்பீம்.. நிறைவான ஓராண்டு.. வீடியோ வெளியிட்டு நினைவுகூர்ந்த தயாரிப்புக்குழு!

ஜெய்பீம் திரைப்படம் வெளியாகி ஒரு வருடம் நிறைவடைந்திருக்கும் நிலையில், அதனை கொண்டாடும் விதமாக படக்குழு சார்பில் வீடியோ ஒன்று வெளியிடப்பட்டு இருக்கிறது.

ஜெய்பீம்

ஜெய்பீம்  திரைப்படம் வெளியாகி ஒரு வருடம் நிறைவடைந்திருக்கும் நிலையில், அதனை கொண்டாடும் விதமாக படக்குழு சார்பில் வீடியோ ஒன்று வெளியிடப்பட்டு இருக்கிறது. 

 

Happy to celebrate one year of #JaiBhim From script to execution this film kept getting stronger & stronger.. I thank my brother @tjgnan Gnanavel & Team for giving us this most meaningful film. Lawyer Chandru is a landmark role in my career! https://t.co/iSLn1Tj3ir

— Suriya Sivakumar (@Suriya_offl) November 2, 2022

த.செ. ஞானவேல் இயக்கத்தில் சூர்யா, மணிகண்டன்,  லிஜோமோல், பிரகாஷ் ராஜ் உள்ளிட்ட பலரது நடிப்பில் கடந்த ஆண்டு ஓடிடி தளத்தில் வெளியான திரைப்படம் ஜெய்பீம். ஏதும் அறியாத பழங்குடியினர்களை சித்ரவதை செய்து, செய்யாத தவறை ஒத்துக்கொள்ள செய்யும் காவல்துறையின் கோரமுகத்தை கிழிக்கும் வகையில் அமைந்திருந்த இந்தப்படம் மக்கள் மத்தியில் ஏகோபித்த வரவேற்பை பெற்றது. 

 

                                             

அத்துடன் சமூகத்தில் பல்வேறு விவாதங்களையும் எழுப்பியது. உண்மை சம்பவத்தை மையப்படுத்தி எடுக்கப்பட்ட இந்தப்படத்தில் நீதியரசர் சந்துரு பிரதிபலிக்கும் விதமாக வடிவமைக்கப்பட்டிருந்த கதாபாத்திரத்தில், நடிகர் சூர்யா நடித்து இருந்தார். காவல்துறையால், சித்ரவதை செய்யப்பட்டு உயிரிழக்கும் பழங்குடியின தொழிலாளியாக மணிகண்டன் நடித்து இருந்தார். அவரின் மனைவியாக லிஜோமோல் நடித்து இருந்தார். இவர்கள் இரண்டு பேரின் நடிப்பும் படத்தின் ஆணிவேராக அமைந்திருந்தது. குறிப்பாக, தனது கணவரின் உயிருக்கு நீதி கேட்டு போராடும் லிஜோமோலின் நடிப்பு பலராலும் பாராட்டப்பட்டது. 

தொடர்ந்து, உலக அளவிலும் மிகப்பெரிய கவனம் பெற்ற ஜெய்பீம், ஆஸ்கரின் அதிகாரப்பூர்வ யூ டியூப் சேனலில் இடம் பெற்றது.  தொடர்ந்து, 12வது தாதாசாகெப் பால்கே திரைப்பட விருதுகளில், ஜெய் பீம் திரைப்படம் இரண்டு விருதுகளை வென்றது. திரைத்துறையில் வெளியாகும் சிறந்த படைப்புகளுக்கு அளிக்கப்படும் இந்த விருது நிகழ்ச்சியில், ஜெய் பீம் படத்திற்கு சிறந்த திரைப்படத்திற்கான விருதும், சிறந்த துணை நடிகருக்கான விருதை ராஜாக்கண்ணு கதாப்பாத்திரத்தில் நடித்த மணிகண்டனுக்கும் அறிவிக்கப்பட்டது.

 

 

 

 

 

View this post on Instagram

 

 

 

 

 

 

 

 

 

 

 

A post shared by 2D_Entertainment (@2d_entertainment)

அதே போல ஐஎம்டிபி இணையதளத்தில் ஜெய் பீம் திரைப்படம் முதலிடம் பிடித்து புதிய சாதனையைப் படைத்தது. இதில், ஜெய் பீம் படம் 53,000 வாக்குகள் பெற்று, 9.6 புள்ளிகளுடன் முதல் இடம் பெற்றது. இப்படி உள்நாட்டிலும், சர்வதேச அரங்கங்களிலும் பல்வேறு வெற்றிகளைக் குவித்த திரைப்படத்தை, பீஜிங் சர்வதேச திரைப்பட விழாவில் பார்த்த பார்வையாளர்களும்  நெகிழ்ந்து பேசியிருந்தனர். இந்த நிலையில் இன்றைய தினம் ஜெய்பீம் திரைப்படம்  வெளியாகி ஓராண்டு நிறைவு அடைந்திருக்கும் நிலையில், அந்தப்படத்தை கொண்டாடும் விதமாக இந்த வீடியோ வெளியிடப்பட்டுள்ளது.