Thalaivar 171: சூப்பர் ஸ்டாரின் 171-வது திரைப்படத்தை இயக்குகிறாரா ஐஷ்வர்யா ரஜினிகாந்த்?

ஜெயிலர் திரைப்படம் 2023 கோடை ஸ்பெஷலாக களமிறங்கும்  என எதிர்பார்க்கப்படுகிறது. இந்த நிலையில் சூப்பர் ஸ்டாரின் அடுத்தடுத்த படங்கள் குறித்த அப்டேட் வெளியாகியுள்ளது

மகள் ஐஸ்வர்யா உடன் ரஜினிகாந்த்

சூப்பர் ஸ்டார் ரஜினிகாந்தின் ஜெயிலர் திரைப்படத்திற்காக அவரது ரசிகர்கள் மிக ஆவலுடன் காத்திருக்கின்றனர். இயக்குநர் நெல்சன் திலிப்குமார் இயக்கத்தில் சூப்பர் ஸ்டார் நடிப்பில் உருவாகி வரும் ஜெயிலர் திரைப்படம் 2023 கோடை ஸ்பெஷலாக களமிறங்கும்  என எதிர்பார்க்கப்படுகிறது. இந்த நிலையில் சூப்பர் ஸ்டாரின் அடுத்தடுத்த படங்கள் குறித்த அப்டேட் வெளியாகியுள்ளது. 

மீண்டும் மகளின் இயக்கத்தில் சூப்பர் ஸ்டார் !

சூப்பர் ஸ்டார் ரஜினிகாந்த் அடுத்ததாக இரண்டு படங்களில் ஒப்பந்தம் ஆகிவிட்டதாக தகவல் வெளியாகியுள்ளது. லைக்கா ப்ரொடக்ஷன்ஸ் தயாரிக்க இருக்கும் இந்த திரைப்படங்களில் முதல் படத்தை டான் திரைப்படத்தின் இயக்குநர் சிபி சக்கரவர்த்தி இயக்குவதாகவும் இரண்டாவது திரைப்படத்தை ரஜினியின் மகள் ஐஸ்வர்யா ரஜினிகாந்த் இயக்க உள்ளதாகவும் தகவல் வெளியாகியுள்ளது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aishwaryaa Rajinikanth (@aishwaryarajini)

இந்த திரைப்படம் ரஜினியின் 171 வது திரைப்படமாக அமையும் என்று கூறப்படுகிறது. மேலும் ரஜினிகாந்த் முன்னதாக தனது இளைய மகள் சௌந்தர்யாவின் இயக்கத்தில் கோச்சடையான் என்ற திரைப்படத்தில் நடித்திருந்தார். 2014 ஆம் ஆண்டு வெளிவந்த இந்த திரைப்படம் கலவையான விமர்சனங்கள் பெற்றிருந்தது குறிப்பிடத்தக்கது. தற்போது மூத்த மகள் ஐஸ்வர்யாவின் இயக்கத்தில் சூப்பர் ஸ்டார் ரஜினிகாந்த் நடிக்க உள்ளதாக தகவல் வெளியாகியுள்ளது.

ஜெயிலர்:

#JailerTheme music now streaming! 🔥

🎵 https://t.co/C3W5imlfDn@rajinikanth @anirudhofficial @Nelsondilpkumar #Jailer pic.twitter.com/fkExez3dg3

— Sun Pictures (@sunpictures) September 7, 2022

ஜெயிலர் திரைப்படத்தின் ஷூட்டிங் விறுவிறுப்பாக நடந்து வருவதாகவும், இந்த திரைப்படத்தில் நடிகர் ரஜினிகாந்த் ஒரு வயதானவர் கதாபாத்திரத்தில் நடிப்பதாகவும் கூறப்படுகிறது. மேலும் தற்போது சென்னையில் ஷூட்டிங் நடந்து வரும் நிலையில், அடுத்ததாக படக்குழுவினர் ஹைதராபாத்தில் ஷூட்டிங் எடுக்கப்போவதாக தகவல்கள் வெளியாகி உள்ளது. மேலும் இந்த திரைப்படத்தில் நடிகை ஐஸ்வர்யா ராயும் ரஜினியுடன் இணைந்து நடிக்கப் போவதாக செய்திகள் பரவி வருகிறது.

இந்த செய்தி அதிகாரப்பூர்வமாக அறிவிக்கப்படவில்லை. இந்த செய்தி உண்மையானால் ரஜினியும் ஐஸ்வர்யா ராயும் இணைந்து நடிப்பது இது இரண்டாம் முறையாகும். ஏற்கனவே 2010 இல் வெளிவந்த எந்திரன் படத்தில் ரஜினிக்கு ஜோடியாக நடிகை ஐஸ்வர்யா ராய் நடித்திருந்தார். மேலும் சிவா ராஜ்குமார், வசந்த் ரவி, யோகி பாபு, ரம்யா கிருஷ்ணன், விநாயகன் ஆகியோர் துணை கதாபாத்திரங்களில் இந்த திரைப்படத்தில் நடிக்க உள்ளதாக கூறப்படுகிறது‌‌. சன் பிக்சர்ஸ் இந்த திரைப்படத்தை தயாரிக்கின்றனர். இந்த படத்திற்கு அனிருத்  இசையில் விஜய் கார்த்திக் கண்ணனின் ஒளிப்பதிவில் நிர்மலின் படத்தொகுப்பில் உருவாகி வருகிறது ஜெயிலர். இந்த திரைப்படம் 2023 கோடையில் திரையரங்குகளில் வெளியாகும் என எதிர்பார்க்கப்படுகிறது.