RRR Global Box Office: மாஸ்.! மாஸ்.! இந்திய சினிமாவை அலறவைத்த ராஜமெளலி! அடுத்த லெவலுக்கு சென்ற ஆர்ஆர்ஆர் வசூல்!!

எஸ்.எஸ். ராஜமெளலி இயக்கத்தில் வெளியான ஆர்.ஆர்.ஆர் திரைப்படம், படம் வெளியான 16 நாட்களில் 1000 கோடி ரூபாய் வசுலித்து உள்ளது. 

ஆர்.ஆர்.ஆர்

எஸ்.எஸ். ராஜமெளலி இயக்கத்தில் வெளியான ஆர்.ஆர்.ஆர் திரைப்படம் படம் வெளியான 16 நாட்களில் 1000 கோடி ரூபாய் வசூலித்து புதிய சாதனையை படைத்திருக்கிறது. முன்னதாக பாகுபலி 2 மற்றும் தங்கல் ஆகிய இரண்டு படங்கள் மட்டும் 1000 கோடி ரூபாயை தாண்டிய நிலையில், அந்த வரிசையில் ஆர்.ஆர்.ஆர் படமும் இணைந்திருக்கிறது. இந்த சாதனையின் மூலம், பஜ்ரங்கி பைஜான், சீக்ரெட் சூப்பர் ஸ்டார், பிகே உள்ளிட்ட படங்கள் வசூலித்த வசூலை முந்தி, அதிகம் வசூலித்த மூன்றாவது இந்தியப்படம் என்ற சாதனையையும் படைத்திருக்கிறது ஆர்.ஆர்.ஆர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by DVV Entertainment (@dvvmovies)

பாகுபலி என்னும் பிரம்மாண்ட படைப்பிற்கு பிறகு அதன் இயக்குநர் ராஜமௌலி இயக்கத்தில் உருவான ஆர்.ஆர்.ஆர்(RRR) திரைப்படம் திரையரங்குகளில் வெற்றிகரமாக ஓடிக்கொண்டிருக்கிறது. 1920-ஆம் காலக்கட்டத்தில் வாழ்ந்த அல்லுரி சீதா ராமராஜூ மற்றும் கொமரம் பீம் ஆகிய இரண்டு சுதந்திர போராட்ட வீரர்களின் வாழ்க்கையை அடிப்படையாக கொண்டு  இந்தப்படம் உருவாகியுள்ளது. படத்தில் பிரபல தெலுங்கு நடிகர்கள் ராம் சரண், ஜூனியர் என்.டி.ஆர் இருவரும் கதாநாயகர்களாக நடித்துள்ளனர்.

இவர்களுடன் ஆலியா பட், ஸ்ரேயா சரண், அஜய் தேவ்கன், சமுத்திரக்கனி உள்ளிட்ட பலர் முக்கிய கதாபாத்திரங்களில் நடித்துள்ளனர். தமிழ், தெலுங்கு, ஹிந்தி, கன்னடம், மலையாளம் உள்ளிட்ட ஐந்து மொழிகளில் இப்படம் வெளியானது. இந்நிலையில், கடந்த மார்ச் 25-ம் தேதி வெளியான இப்படம் இன்று வரை பல நூறு கோடிகள் வசூலை குவித்து வருகிறது. முன்னதாக, படம் வெளியான 6 நாட்களில் 700 கோடி ரூபாய் வசூலை எட்டி இருந்தது. அந்தச் சாதனையின் மூலம் இந்திய சினிமா வரலாற்றில், 700 கோடி ரூபாய் வசூலை எட்டி இருக்கும் ஆறாவது படம் என்ற சாதனையைப் படைத்திருந்தது குறிப்பிடத்தக்கது.