Shabana Shajahan: செம்பருத்தி போயாச்சு... மிஸ்டர் மனைவி வந்தாச்சு... கம்பேக் தரும் பிரபல சீரியல் நடிகை ஷபானா!
ஷபானா வேறு எந்த சீரியலிலும் நடிக்காத நிலையில், தன் இன்ஸ்டா பக்கத்தில் தொடர்ந்து ஆக்டிவாக இயங்கி தன் ரசிகர்களை மகிழ்வித்து வந்தார்.
செம்பருத்தி சீரியல் புகழ் ஷபானா நடிக்கும் அடுத்த சீரியல் வரும் மார்ச் 6ஆம் தேதி முதல் சன் டிவியில் ஒளிபரப்பாகிறது. ஜீ தமிழ் தொலைக்காட்சியில் கட்ந்த 2017ஆம் ஆண்டு ஒளிபரப்பாகி பெரும் ரசிகர் பட்டாளத்தைக் கொண்ட சீரியல் செம்பருத்தி.
திங்கள் முதல் சனி வரை இரவு 9 மணிக்கு ஒளிபரப்பாகி வந்த இந்த சீரியல் பட்டி தொட்டியெல்லாம் ஹிட் அடித்த தனி ரசிகர் பட்டாளத்தைப் பெற்றது.
குறிப்பாக இந்த சீரியலில் பார்வதி எனும் கதாபாத்திரத்தில் நடித்த நடிகை ஷபானா பெரும் ரசிகர் பட்டாளத்தைப் பெற்றார். மேலும், கார்த்திக் - ஷபானா ஜோடியின் கெமிஸ்ட்ரி வேற லெவலில் ஒர்க் அவுட் ஆக இந்த சீரியல் ஜீ தமிழ் தொலைக்காட்சியின் ஆல்டைம் சூப்பர் ஹிட் சீரியலாக உருவெடுத்தது.
ஆனால் கார்த்திக் ராஜ் இடையிலேயே இந்த சீரியலில் இருந்து விலக, வி.ஜே. அக்னி அவருக்கு பதிலாக நடிக்கத் தொடங்கினார். ஆனால் அதன் பிறகு சீரியல் பெரிதாக வரவேற்பைப் பெறாத நிலையில், சென்ற ஆண்டு ஜூலை மாதம் செம்பருத்தி சீரியல் முடிவுக்கு வந்தது.
அதன் பிறகு ஷபானா வேறு எந்த சீரியலிலும் நடிக்காத நிலையில், தன் இன்ஸ்டா பக்கத்தில் தொடர்ந்து ஆக்டிவாக இயங்கி தன் ரசிகர்களை மகிழ்வித்து வந்தார்.
இந்நிலையில், தற்போது ஷபானா, மிஸ்டர் மனைவி எனும் சன் டிவி சீரியலில் மீண்டும் கம்பேக் தர உள்ளார். வேலையில் சின்சியராக இருக்கும், வேலை ஒன்றையே தன் உயிர்மூச்சாகக் கொண்டிருக்கும் பெண்ணாக ஷபானா இந்த சீரியலில் நடித்துள்ள நிலையில், வரும் மார்ச் 6ஆம் தேதி முதல் சன் டிவியில் இந்த சீரியல் ஒளிபரப்பாக உள்ளது. இதனால் ஷபானா ரசிகர்கள் உற்சாகத்தில் ஆழ்ந்துள்ளனர்.
View this post on Instagram
மலையாளம், தமிழ் என இரு மொழி சீரியல்களிலும் நடித்து வந்துள்ள ஷபானா, மும்பை, மகாராஷ்டிராவில் பிறந்தவர். சென்ற 2021ஆம் ஆண்டு தன் நீண்ட நாள் காதலரான திகரி ஆர்யன் என்பவரை நவம்பர் 11ஆம் தேதி திருமணம் செய்து கொண்டார்.
மேலும் படிக்க: Nora Fatehi: தவறான எண்ணத்தில் தொட நினைத்த சக நடிகர்: ஓங்கி அறைந்த பிரபல நடிகை - நேர்காணலில் வெளியான பரபரப்பு தகவல்
தலைப்பு செய்திகள்
ட்ரெண்டிங் செய்திகள்
