இந்தியா முழுவதும் உள்ள ஊழலுக்கு எதிரான திரைப்படம் ‘இந்தியன் 2’ - ரோபோ சங்கர்

ரூ.10  லட்சம்  முதல் பல கோடி வரை தமிழகத்தில் நடைபெறும் ஊழலுக்கு எதிரான திரைப்படம் இந்தியன் 2 . நாடு முழுவதும் உள்ள ஊழலுக்கு எதிரான திரைப்படம் - நடிகர் ரோபோ சங்கர்

இந்தியன் 2 படம் பார்க்க திரையரங்கு சென்ற ரோபோ சங்கர்

Source : Other

 

திண்டுக்கல்லில் உள்ள திரையரங்கில் நகைச்சுவை நடிகர் ரோபோ சங்கர், கமல்ஹாசன் நடிப்பில் வெளியாகியுள்ள இந்தியன் 2 திரைப்படத்தை பொதுமக்களுடன் சேர்ந்து பார்வையிட்டார். பின் செய்தியாளர்களை சந்தித்து பேசும்போது, "உலகம் முழுவதும் இந்தியன் 2 படம் இன்று வெளியாகி உள்ளது. 6 வருட போராட்டத்திற்குப் பின்பு இந்த படம் வெளியாகி உள்ளது.

பல பேரின் உழைப்பு இதில் உள்ளது. ஷங்கர் இயக்கத்தில், கமல்ஹாசன் நடிப்பில் பிரம்மாண்டமாக படம் உருவாகியுள்ளது. 28 வருடத்திற்கு முன்பு இந்தியன் திரைப்படம் எவ்வளவு எதிர்பார்ப்புடன் வெளியிடப்பட்டதோ, அதைவிட பல மடங்கு எதிர்பார்ப்புடன் இப்படம் வெளியிடப்பட்டுள்ளது. நடிகர் கமல்ஹாசன், பாபிசிம்ஹா ஆகியோர் சிறப்பாக நடித்துள்ளனர். நாங்கள் நடிகர் கமல்ஹாசன் ரசிகர்கள் என சொல்வதை விட பக்தர்கள் என சொல்லிக் கொள்வதில் பெருமைப்படுகிறேன். 45 வருடங்களாக கமல்ஹாசன் நடிப்பிற்கு நாங்கள் அடிமைகள்.

நடிகர் கமல்ஹாசனின் கோடான கோடி ரசிகர்களில் நானும் ஒருவன். ரசிகர்கள் இந்தியன் 2 படத்தினை கொண்டாடுகின்றனர். படம் மிகவும் நன்றாக வந்துள்ளது. கமல்ஹாசனின் அடுத்த திரைப்படமாக தக் லைஃப், இந்தியன் 3 பாகம் வர உள்ளது. அவரது ரசிகர்களுக்கு ட்ரீட் மேல ட்ரீட் கொடுத்துக் கொண்டே இருப்பார். அதனை நாங்கள் கொண்டாடிக் கொண்டே இருப்போம். கண்டிப்பாக பிரம்மாண்டமான வசூலாக தான் இருக்கும். அதில் எந்த சந்தேகமும் வேண்டாம். சண்டைக் காட்சிகளில் தற்போது வரை எனர்ஜி குறையாமல் நடித்துக் கொண்டிருக்கிறார்.

இந்தியன் திரைப்படம், ரூ.10 முதல் லட்சம் வரை தமிழகத்தில் நடைபெறும் ஊழலுக்கு எதிரான திரைப்படம். இந்தியன் 2 திரைப்படம் இந்தியா முழுவதும் உள்ள ஊழலுக்கு எதிரான திரைப்படமாக மிகப் பிரமாண்டமாக கதைக்களம் அமைக்கப்பட்டு எடுக்கப்பட்டுள்ளது. இந்த திரைப்படத்தில் அனிருத் சிறப்பாக இசையமைத்து உள்ளார். அனைத்து பாடல்களும் சிறப்பாக அமைந்துள்ளது" எனத் தெரிவித்தார்.