Kaaduvetty: ரசிகர்கள் போற்றும் காடுவெட்டி படம்.. முதல் நாள் வசூலே இவ்வளவு தானா?

சமூக வலைத்தளங்களிலும் காடுவெட்டி படம் தொடர்ந்து ட்ரெண்டிங்கில் இருந்து வருகிறது.படம் பார்த்த பலரும் அதில் புல்லரிக்க வைத்த காட்சிகளை பதிவிட்டு வருகின்றனர்.

காடுவெட்டி படத்தில் ஆர்.கே.சுரேஷ்

நடிகர் ஆர்.கே.சுரேஷ் நடித்துள்ள காடுவெட்டி படத்தின் முதல் நாள் வசூல் குறித்த த்கவல்கள் வெளியாகியுள்ளது. 

காடுவெட்டி படம்

பாமக கட்சியின் முக்கிய வேராக இருந்தவர்களில் ஒருவர் மறைந்த காடுவெட்டி குரு. இவரின் வாழ்க்கை வரலாற்றை மையமாக வைத்து “காடுவெட்டி” என்ற படம் எடுக்கப்பட்டுள்ளது. இயக்குநர் சோலை ஆறுமுகம் இயக்கியுள்ள இப்படத்தில் ஆர்.கே.சுரேஷ் காடுவெட்டி குரு கேரக்டரில் நடித்துள்ளார். அதுமட்டுமல்லாமல் சங்கீர்த்தனா, விஷ்மியா ஆகிய இருவரும் ஹீரோயின்களாக நடித்துள்ளனர். மேலும் சுப்பிரமணிய சிவா, ஆடுகளம் முருகதாஸ், ஆதிரா, சுப்பிரமணியன் உள்ளிட்ட பலரும் நடித்திருக்கின்றனர். 

@studio9_suresh அண்ணே படம் வெறித்தனமா இருக்கு வாழ்த்துக்கள் 🔥💐💐💐#காடுவெட்டி #kaaduvetty pic.twitter.com/VE0nkpAegw

— Aadhi Shiva (@aadhi_shiva1718) March 15, 2024

மஞ்சள் ஸ்க்ரீன்ஸ் தயாரித்துள்ள இப்படத்திற்கு வணக்கம் தமிழா சாதிக் பாடல்களுக்கும், ஸ்ரீகாந்த் தேவா பின்னணி இசையும் அமைத்துள்ளார். இந்த படம் சென்சார் போர்ட்டில் மிகப்பெரிய சர்ச்சைகளை சந்தித்தது. குறிப்பாக 31 இடங்களில் கட் செய்யப்பட்டு பல இடங்களில் வசனங்கள் மியூட் செய்யப்பட்டது. மேலும் டைட்டில் முதற்கொண்டு சிக்கலில் மாட்ட பின்னர் இயக்குநர் சோலை ஆறுமுகம் விளக்கம் கொடுத்து டைட்டில் காடுவெட்டி வைக்க அனுமதி பெற்றார். 

கொண்டாடி தீர்த்த ரசிகர்கள் 

காடுவெட்டி குரு வன்னிய சமுதாய மக்கள் மட்டுமின்றி வட மாவட்டங்களில் அனைவராலும் மதிக்கத்தக்க நபராகவும் வலம் வந்தார். இதனால் அவரின் வாழ்க்கை வரலாற்று படத்துக்கு மிகப்பெரிய எதிர்பார்ப்பு இருந்தது. இப்படத்தின் விழாவில், காடுவெட்டி படம் குருவின் வாழ்க்கையை பெருமைப்படுத்தும் வகையில் இருக்கும் என ஆர்.கே.சுரேஷ் தெரிவித்திருந்தார். மேலும் நாடகக்காதல் குறித்தும் இப்படத்தில் காட்சிகள் இடம் பெற்றிருந்தது. இதனால் படம் நேற்று ரிலீசான நிலையில் தமிழ்நாடு மட்டுமல்லாமல் உலகம் முழுவதுமுள்ள ரசிகர்கள் கொண்டாடி தீர்த்தனர். 

மேலும் படிக்க: Kaaduvetti Movie Review: ஆர்.கே.சுரேஷின் காடுவெட்டி நடுநாட்டுக்கதை படம் எப்படி இருக்கு? விமர்சனம் இதோ

தொடர்ந்து ட்ரெண்டிங்

சமூக வலைத்தளங்களிலும் காடுவெட்டி படம் தொடர்ந்து ட்ரெண்டிங்கில் இருந்து வருகிறது.படம் பார்த்த பலரும் அதில் புல்லரிக்க வைத்த காட்சிகளை பதிவிட்டு வருகின்றனர். இதனால் அந்த படத்துக்கு காட்சிகள் தொடர்ந்து அதிகரிக்கப்பட்டு வருகிறது. இப்படியான நிலையில் காடுவெட்டி படத்தின் முதல் நாள் வசூல் நிலவரம் பற்றிய தகவல் வெளியாகியுள்ளது. அதன்படி இப்படம் ரூ.17 லட்சம் மட்டுமே வசூல் செய்துள்ளதாக கூறப்படுகிறது. படம் பாராட்டைப் பெற்றுள்ள நிலையில் இனிமேல் தான் வசூல் எகிறும் என காடுவெட்டி படம் பார்த்த ரசிகர்கள் தெரிவித்துள்ளனர்.