அடுத்த வாரிசு நடிகை..! சங்கர் மகளுக்கு அடுத்ததாக களமிறங்கும் மற்றொரு இயக்குநரின் மகள்!

ஒளிப்பதிவாளரும், இயக்குநருமான ராஜீவ் மேனனின் மகள் சரஸ்வதி நடிக்கவிருப்பதாக தகவல் வெளியாகியுள்ளது.

ராஜீவ் மேனன், சரஸ்வதி

இயக்குநர் சங்கரின் மகள் அதிதி. மருத்துவரான இவர் இயக்குநர் முத்தையாவின் இயக்கத்தில் கார்த்தி கதாநாயகனாக நடிக்கும் விருமன் படத்தில் அறிமுகமாக இருக்கிறார். படத்திற்கான வேலைகள் தொடங்கி விறுவிறுப்பாக நடந்துவருகிறது. சங்கரின் மகள் கமிட்டாகி இருப்பதால் படத்திற்கான எதிர்பார்ப்பு ரசிகர்களிடையே அதிகரித்துள்ளது.

இந்நிலையில் ஒளிப்பதிவாளரும், இயக்குநருமான ராஜீவ் மேனனின் மகளும் சினிமாவில் அறிமுகமாக இருக்கிறார். இயக்குநர் ராமின் இயக்கத்தில் வெளியான தரமணி படம் மூலம் நாயகனாக அறிமுகமான வசந்த ரவி இயக்குநர் அருண் மாதேஸ்வரன் இயக்கத்தில் நடிக்கும் புதிய படத்தில் சரஸ்வதி கதாநாயகியாக ஒப்பந்தமாகியுள்ளார் என தகவல் வெளியாகியுள்ளது. 

ராஜீவ் மேனன் இயக்கத்தில் ஜி.வி. பிரகாஷ் நடிப்பில் வெளியான சர்வம் தாளமயம் படத்தில் அவர் ஒரு பாடலுக்கு நடனமாடியிருக்கிறார் என்பது குறிப்பிடத்தக்கது.

இந்திய சினிமாவில் வாரிசுகள் அறிமுகம் ஆவது புதிதான விஷயம் இல்லை. தமிழ் சினிமாவைப் பொறுத்தவரை முத்துராமனின் மகன் கார்த்திக் அவரது மகன் கௌதம் கார்த்திக், ராதாவின் மகள்களான கார்த்திகா, துளசி, சிவாஜியின் மகன் பிரபு அவரது மகன் விக்ரம் பிரபு, ராம்குமாரின் மகன் துஷ்யந்த், விக்ரமின் மகன் துருவ் ஆகியோரும் அறிமுகமாகியுள்ளனர்.

அதேபோல் கமலின் மகள்களான ஸ்ருதி ஹாசன், அக்‌ஷ்ரா ஹாசன், ஸ்ரீதேவியின் மகள் ஜான்வி கபூர், எம்.எஸ். பாஸ்கரின் மகன் ஆதித்யா பாஸ்கர்,  இயக்குநர் மணிவண்ணனின்  மகன், பாரதிராஜாவின் மகன் உள்ளிட்டோரும் சினிமாவில் நடித்துள்ளனர். 

வாரிசுகளாக அறிமுகமானாலும் அது மட்டுமே சினிமாவுக்கு தகுதி இல்லை. திறமை இருந்தால் மட்டும்தான் கோலிவுட்டில் நிலைக்க முடியும் என்பதற்கு விஜய், சூர்யா, கார்த்தி போன்றோர் பெரிய உதாரணம். அதேசமயம் வாரிசுகளாக அறிமுகமான பலர் சினிமாவிலிருந்து காணாமல் போயிருக்கிறார்கள் என்பதற்கும் பலர் உதாரணங்களாக இருக்கிறார்கள்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

மேலும் வாசிக்க: Rashmika Mandanna | டேட்டிங்குக்கு வயசா முக்கியம்..? ராஷ்மிகாவின் ஓபன் டாக்.!!