Nayanthara Next Movie: நயன்தாராவின் புதிய படத்தின் போஸ்டர் வெளியீடு..! மனைவி பிறந்தநாளில் அப்டேட் தந்த விக்னேஷ் சிவன்..

Nayanthara Next Movie:எதிர் நீச்சல் படத்தை இயக்கி சினிமா ரசிகர்களிடையே அறிமுகமான இயக்குனர் துரை செந்தில்குமார் இயக்கத்தில் நயன்தாரா நடிக்கும் NT-81 படத்தின் போஸ்டர் வெளியாகியுள்ளது.

நயன்தாராவின் புதிய படத்தின் போஸ்டர்

பிரபல இயக்குனர் துரை செந்தில்குமார் இயக்கத்தில் நடிகை நயன்தாரா NT-81  என்ற படத்தில் நடிக்கிறார். இப்படத்தின் போஸ்டரை இயக்குனர் விக்னேஷ் சிவன், தனது ட்விட்டர் பக்கத்தில் வெளியிட்டுள்ளார். 

நயன்தாரா நடிக்கும் NT-81:

தமிழ் சினிமாவில் முத்திரை பதிக்கும வகையில் பல இயக்குனர்கள் உள்ளனர். அவர்கள் வரிசையில் ஒருவர் துரை செந்தில் குமார். இவர், எதிர் நீச்சல், காக்சி சட்டை, கொடி, பட்டாஸ் உள்ளிட்ட படங்களை இயக்கி ரசிகர்கள் மத்தியில் பிரபலமானவர். இவர், நயன்தாரா அடுத்து நடிக்கும் படத்தை இயக்குகிறார். இப்படத்திற்கு NT-81 என்று பெயரிடப்பட்டுள்ளது. இது குறித்து, இயக்குனர் விக்னேஷ் சிவன் ஒரு ட்விட்டர் பதிவை வெளியிட்டுள்ளார்.

Proud To associate with one of the sought after directors #DuraiSenthilKumar @Dir_dsk

After churning out some awesome commercial movies😇💐

First time he’s joining hands with us @Rowdy_Pictures with a brilliant script that will be loved by families & kids ❤️😇 #HBDNayanthara pic.twitter.com/SDrCWcGKMR

— Vignesh Shivan (@VigneshShivN) November 18, 2022

அவரது ட்விட்டர் பதிவில், “துரை செந்தில் குமாருடன் இப்படத்தில் முதன் முறை இணைவது மகிழ்ச்சியளிக்கிறது” என விக்கி குறிப்பிட்டுள்ளார். மேலும், “குடும்பம் மற்றும் குழந்தைகளுக்கு பிடித்த கதையாக இப்படம் இருக்கும் எனவும் விக்னேஷ் சிவன் குறிப்பிட்டுள்ளார். இப்படத்தை, விக்னேஷ் சிவனின் ரெளடி பிக்சர்ஸ் தயாரித்து வழங்கவுள்ளது. நயன்தாராவின் பிறந்தநாளையொட்டி வெளியிடப்பட்டுள்ள இந்த அப்டேட் பலரையும் மகிழ்ச்சியில் ஆழ்த்தியுள்ளது.

கனெக்ட் படத்தின் டீசர்:

இயக்குநர் அஸ்வின் சரவணன் இயக்கத்தில் நயன்தாரா நடித்துள்ள 'கனெக்ட்’ படத்தின் டீசர் இன்று வெளியாகி உள்ளது. விக்னேஷ் சிவனுடனான திருமணத்துக்குப் பிறகு நயன்தாரா வரிசைகட்டி தமிழ், தெலுங்கு, இந்தி, மலையாளம் என அனைத்து மொழிகளிலும் நடித்து வருகிறார்.

அந்த வகையில் 2015-ஆம் ஆண்டு தன் நடிப்பில் வெளியான சூப்பர்ஹிட் ஹாரரான ’மாயா’ படத்தின் இயக்குநர் அஸ்வின் சரவணன் உடன் மீண்டும் கைக்கோர்த்துள்ளார் நயன்தாரா.  மாயா வரிசையில் கனெக்ட் படமும் ஹாரர் படமாகவே உருவாகியுள்ளது. முன்னதாக நயன்தாரா நடித்த O2 படம் நேரடியாக ஓடிடி தளத்தில் வெளியான நிலையில், திரையரங்குகளில் ’கனெக்ட்’ வெளியாக உள்ளதால் ரசிகர்களின் எதிர்பார்ப்பு எகிறியுள்ளது.

விக்னேஷ் சிவனின் ரவுடி பிக்சர்ஸ் நிறுவனம் தயாரித்துள்ள இப்படத்தில் நடிகர் சத்யராஜ் முக்கியக் கதாபாத்திரத்தில் நடித்துள்ளார். நீண்ட இடைவெளிக்குப் பிறகு இப்படத்தின் மூலம் தமிழ் சினிமாவில் அனுபம் கெர் ரீ எண்ட்ரி கொடுத்துள்ளார். கடந்த செப்டெம்பர் மாதமே கனெக்ட் படம் பார்த்து ரசித்த இயக்குநர் விக்னேஷ் சிவன், ”இப்படி ஒரு அசாதாரணமான ஹாரர் படத்தை இயக்கிய அஸ்வின் சரவணனுக்கும், மொத்த குழுவினருக்கும் நன்றி” என தனது இன்ஸ்டாகிராம் பக்கத்தில் பகிர்ந்தது குறிப்பிடத்தக்கது.

நயன்தாராவின் புகைப்படங்களை பதிவிட்ட விக்கி:

நயன்தாராவின் பிறந்தநாளை முன்னிட்டு விக்னேஷ் சிவன், மனைவி நயன்தாராவுக்கு வாழ்த்து கூறி சமூக வலைதளங்களில் இந்த புகைப்படங்களை பதிவிட்டுள்ளார். புகைப்படங்களுடன் ''என் வாழ்க்கை நிறைவடைந்ததாக நான் உணர்கிறேன். வாழ்க்கை மிகவும் அழகாகவும், நிறைவாகவும் காணப்படுகிறது.நமது குழந்தைகளுடன் நாம் இதே போல் சந்தோஷமாக இருக்க நான் வாழ்த்துகிறேன்.

நாம் அனைவரும் வாழ்க்கையின் சவால்களை எதிர்கொள்ள கற்றுக் கொண்டுள்ளோம். கடவுளின் அருளோடும், பிரபஞ்சத்தின் அறிவோடும்; ஒரு அழகான வாழ்க்கையை நாம் உருவாக்குவோம்! என்றென்றும் உன்னை காதலிக்கிறேன்’’ என வாழ்த்தியுள்ளார் விக்னேஷ் சிவன்.