Ponniyin Selvan: நினைச்சதுபடி நடக்கல! ப்ளானை கேன்சல் செய்த பொன்னியின் செல்வன் படக்குழு!?

பொன்னியின் செல்வன் படம் தொடர்பான தகவல் வெளியாகியுள்ளது.

பொன்னியின் செல்வன்

பொன்னியின் செல்வன்..

தெலுங்குக்கு பாகுபலி, ஆர் ஆர் ஆர், கன்னடத்துக்கு கேஜிஎப் என பிரம்மாண்ட மாஸ் படங்கள் வந்து வசூலை வாரிக் குவித்து இந்தியாவையே திரும்பி பார்க்க வைத்தன. அப்படியான ஒரு பிரம்மாண்ட படமும், வசூலும் தமிழில் வரவில்லை. விக்ரம் படம் வசூலில் மிரட்டினாலும் உலகமே வியந்து பாராட்டும் பிரமாண்டம் அதில் இல்லை. இப்படி தமிழ் சினிமாவின் குறையை போக்குமா என்ற எதிர்பார்ப்பில் இருக்கும் படம்தான் பொன்னியின் செல்வன்.

மணிரத்னம் இயக்கத்தில் பிரம்மாண்ட பொருட் செலவில் உருவாகி வரும் இந்த திரைப்படம். கல்கியின் நாவலை தழுவி இந்த படம் எடுக்கப்படுகிறது. இந்த படத்தில் ஜெயம் ரவி, விக்ரம், சரத்குமார், கார்த்தி, பார்த்திபன், த்ரிஷா, ஐஸ்வர்யா ராய் உள்ளிட்ட மிகப்பெரும் நட்சத்திர பட்டாளமே இந்த படத்தில் நடித்துள்ளது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Karthi Sivakumar (@karthi_offl)

பொன்னியின் செல்வன் படத்தில், சுந்தர சோழராக, பிரகாஷ் ராஜ் நடிக்க, சின்ன பழுவேட்டரையராக பார்த்திபன், கார்த்தி, வந்தியத்தேவனாக, ஆதித்த கரிகாலனாக விக்ரம், பெரிய பழுவேட்டரையராக சரத்குமார் நடித்து வருகிறார். அதேபோல் குந்தவையாக, த்ரிஷாவும், பூங்குழலியாக ஐஸ்வர்யா லட்சுமி, ஆழ்வார்க்கடியான் நம்பியாக ஜெயராம் நடித்துள்ளனர். தமிழ், தெலுங்கு ஆகிய மொழிகளில் இந்த படத்தின் படப்பிடிப்பு உருவாகி வருகின்றது. எடிட்டிங் பணியை ஸ்ரீதர் பிரசாத் மேற்கொள்கிறார்.  ரவி வர்மன் படத்திற்கு ஒளிப்பதிவு செய்திருக்கிறார்

டீசர்..

வேகமாக படப்பிடிப்பு நடந்து வரும் நிலையில் வரும் செப்டம்பரின் படம் வெளியாகும் என தெரிவிக்கப்பட்டுள்ளது. தற்போது அடுத்தக்கட்ட வேலைகளுக்கும் படக்குழு தயாராகிவிட்டது. அதன்படி பொன்னியின் செல்வன் படத்தின் டீசரை வெறித்தனமாக படக்குழு தயார் செய்து வருவதாகவும் ஜூலை முதல் வாரத்தில் டீசர் வெளியிடப்படும் எனவும் தகவல் வெளியானது. அதுமட்டுமின்றி பிரம்மாண்ட படம் என்பதால் டீசர் வெளியீட்டையே பிரம்மாண்டமாக நடத்த படக்குழு திட்டமிட்டிருப்பதாகவும், இதற்காக தஞ்சாவூரை படக்குழு தேர்வு செய்திருப்பதாகவும் கூறப்பட்டது.

பொன்னியின் செல்வன் படத்துக்கும் தஞ்சாவூருக்கும் மிக நெருக்கமான தொடர்பு இருப்பதால் தஞ்சையில் இந்த நிகழ்ச்சி நடத்தப்படும் எனக் கூறப்பட்ட நிலையில் தற்போது அந்த ப்ளானில் மாற்றம் வந்துள்ளதாக தகவல் வெளியாகியுள்ளது. டீசருக்கான கிராபிக்ஸ் பணியில் வேலைபாக்கி இருப்பதால் ஜூலை மாத முதல்வார பிளானை படக்குழு தள்ளி வைத்துள்ளதாக தெரிகிறது. அதேபோல தஞ்சாவூர் என்ற திட்டமும் கைவிடப்பட்டதாகவும், எங்கே டீசர் வெளியீடு என்பது விரைவில் வெளியாகும் எனவும் கூறப்படுகிறது.