மீண்டும் வருகிறான் லக்கி பாஸ்கர்? பார்ட் 2 எப்போது? வெங்கி அட்லூரி சூப்பர் அப்டேட்

லக்கி பாஸ்கர் படத்தின் 2ம் பாகம் எப்போது உருவாகும்? என்று படத்தின் இயக்குனர் வெங்கி அட்லூரி தெரிவித்துள்ளார்.

துல்கர் சல்மானுடன் வெங்கி அட்லூரி

Source : twitter

தமிழ் மற்றும் மலையாள திரையுலகின் மிகவும் பிரபலமான நடிகராக திகழ்பவர் துல்கர் சல்மான். தென்னிந்தியாவில் மிகவும் முக்கியமான நடிகரான இவர். இவரது நடிப்பில் வெளியாகி மாபெரும் வெற்றி பெற்ற திரைப்படம் லக்கி பாஸ்கர். 

லக்கி பாஸ்கர் 2 எப்போது?

பங்குச்சந்தை முறைகேட்டை மையமாக கொண்டு உருவாக்கப்பட்ட இந்த படம் மிகப்பெரிய வரவேற்பை பெற்றது. பங்குச்சந்தை மிகவும் சிக்கலான ஒன்று என்ற சூழலில், அனைவருக்கும் மிகவும் எளிதாக புரியும் வகையில் திரைக்கதை எழுதியிருப்பார் வெங்கி அட்லூரி. 

இந்த படத்தின் இயக்குனர் சமீபத்தில் அளித்த பேட்டியில் கூறியிருப்பதாவது, லக்கிபாஸ்கர் படத்தின் அடுத்த பாகம் என்னுடைய திட்டத்தில் உள்ளது. ஆனால், அதற்கு முன்பு 2 படங்கள் ஒப்பந்தம் உள்ளது. லக்கி பாஸ்கரின் 2ம் பாகம் என்பது மிகப்பெரிய பொறுப்பு ஆகும். அதற்கு நான் பல வழிகளில் கற்றுக்கொள்ள வேண்டும்.  அதற்கு இன்னும் 2 வருடங்கள் ஆகும். அதற்கு முன்பாக தனுஷின் திரைப்படம் ஒன்று உள்ளது. அதில் காவல்துறை அதிகாரியாக நடிக்கிறார். மற்றொரு படம் முழுக்க முழுக்க குழந்தைகளுக்கான படம் இவ்வாறு அவர் கூறினார்.

#VenkiAtluri:
"#LuckyBaskar sequel is there in my Line-ups. I need couple of years for that as I have another 2 commitments before that. #LuckyBaskar2 is a huge responsibility, which i have to explore in many ways🔥. It'll start it in 2 Years. Before that I'll do #Dhanush sir… pic.twitter.com/L56HpXNeeL

— AmuthaBharathi (@CinemaWithAB) July 30, 2026

லக்கி பாஸ்கர் படத்தின் 2ம் பாகம் வெளியாக உள்ளது என்ற தகவல் ரசிகர்கள் மத்தியில் பெரும் மகிழ்ச்சியை உண்டாக்கியுள்ளது. வெங்கி அட்லூரி இயக்கிய இந்த படத்தில் துல்கர் சல்மானுடன் மீனாட்சி செளத்ரி நடித்திருப்பார். நிமிஷ் ரவி ஒளிப்பதிவு செய்திருப்பார். நவீன் நூலி படத்தொகுப்பு செய்திருப்பார். ஜிவி பிரகாஷ் இசையமைத்திருப்பார். 

வசூல் வேட்டை:

சித்தாரா என்டர்டெயின்மென்ட்ஸ் ஃபார்ச்சுன் ஃபாேர் சினிமாஸ் ஸ்ரீகாரா ஸ்டூடியோஸ் தயாரித்த இந்த படம் 50 கோடி பட்ஜெட்டில் உருவாகி 111 கோடி ரூபாய் வருவாயை ஈட்டித் தந்தது. சாய்குமார், ராம்கி, ரகுபாபு, சர்வதாமன் பானர்ஜி, சச்சின் கடேகர் உள்ளிட்ட பலரும் நடித்துள்ளனர். நேரடி தெலுங்கு படமாக உருவாகிய இந்த படம் தமிழ், மலையாளம் மற்றும் இந்தி ஆகிய மொழிகளில் வெளியாகியது. 

வெங்கி அட்லூரி இயக்கத்தில் தற்போது விஸ்வநாத் சன்ஸ் திரைப்படம் உருவாகியுள்ளது. இந்த படம் விரைவில் அறிமுகமாக உள்ளது. லக்கி பாஸ்கர் படம் 1990 முதல் 2000 காலகட்டங்களில் நடப்பது போல எடுக்கப்பட்டிருக்கும். அடுத்து உருவாக உள்ள லக்கி பாஸ்கர் 2 படம் முந்தைய பாகத்தின் தொடர்ச்சியாக அமையுமா? அல்லது வேறு திரைக்கதையாக அமையுமா? என்று மிகுந்த எதிர்பார்ப்பு உள்ளது.