![ABP Premium](https://cdn.abplive.com/imagebank/Premium-ad-Icon.png)
Fight Club Teaser: சண்டை, சண்டை, சண்டை.. லோகேஷ் கனகராஜ் தயாரிக்கும் ‘ஃபைட் கிளப்’ பட டீசர் வெளியீடு!
லோகேஷ் கனகராஜ் தயாரிப்பில், உறியடி விஜயகுமார் நடித்துள்ள ஃபைட் கிளப் படத்தின் டீசர் வெளியாகி உள்ளது.
![Fight Club Teaser: சண்டை, சண்டை, சண்டை.. லோகேஷ் கனகராஜ் தயாரிக்கும் ‘ஃபைட் கிளப்’ பட டீசர் வெளியீடு! lokesh kanagaraj g squad productions fight club movie teaser released Fight Club Teaser: சண்டை, சண்டை, சண்டை.. லோகேஷ் கனகராஜ் தயாரிக்கும் ‘ஃபைட் கிளப்’ பட டீசர் வெளியீடு!](https://feeds.abplive.com/onecms/images/uploaded-images/2023/12/02/799c8b1883743ac31393a731026e127b1701521047393572_original.jpg?impolicy=abp_cdn&imwidth=1200&height=675)
இயக்குநர் லோகேஷ் கனகராஜின் ‘ஜி ஸ்குவாட்’ நிறுவனம் வழங்கும் 'உறியடி' விஜய் குமார் நடிப்பில் உருவாகியுள்ள FIGHT CLUB திரைப்படம் வரும் 15ஆம் தேதி திரைக்கு வருகிறது. இந்நிலையில் FIGHT CLUB படத்தின் செய்தியாளர் சந்திப்பு சென்னை, ஈக்காட்டுதாங்கலில் உள்ள நட்சத்திர விடுதியில் நடைபெற்றது. இந்த விழாவில் லோகேஷ் கனகராஜ், 'உறியடி' விஜய் குமார், நடிகை மோனிஷா மேனன், இயக்குநர் அப்பாஸ் ஏ.ரஹ்மத், தயாரிப்பாளர் ஆதித்யா ஆகியோர் கலந்து கொண்டனர். ஃபைட் கிளப் படத்தின் டீசர் வெளியாகி ரசிகர்களின் கவனத்தை ஈர்த்துள்ளது.
ஃபைட் கிளப்
டேவிட் ஃபின்சர் இயக்கத்தில் ஆங்கிலத்தில் வெளியான ஃபைட் கிளப் திரைப்படத்தின் டைட்டிலை இந்தப் படத்திற்கு படக்குழு வைத்துள்ளார்கள். இதனால் ஆங்கிலப் படத்தின் ரீமேக் ஆக இந்தப் படம் இருக்கும் என்கிற எதிர்பார்ப்பு அனைவரிடமும் இருந்து வந்தது. இதனைத் தொடர்ந்து இன்று நடைபெற்ற செய்தியாளர் சந்திப்பில் இந்தக் குழப்பத்தை இயக்குநர் நடிகர் விஜயகுமார் தெளிவுபடுத்தினார்.
"இந்தப் படத்துக்கு intenseஆன டைட்டில் இருந்தால் நன்றாக இருக்கும் என்று யோசித்து இது முடிவானது. இது ஆங்கிலப் படத்தின் டைட்டில். அது வேறு... இது வேறு... இந்தப் படத்துக்கு அதன் தலைப்பு பொருத்தமாக இருக்கும். கெடுத்துவிட மாட்டோம் என்று முடிவு செய்து ஃபைட் கிளப் எனப் பெயரிட்டோம். “ என்று கூறியிருந்தார்.
டீசர் எப்படி
#FightClubTeaser - Step into the world of raw, rustic, and intractable battles! 👊https://t.co/GawzHVoznI
— GSquad (@GSquadOffl) December 2, 2023
Coming to theatres from December 15th! 💥@Dir_Lokesh @Vijay_B_Kumar @reelgood_adi @Abbas_A_Rahmath @reel_good_films @GSquadOffl@mytrimonisha #GovindVasantha pic.twitter.com/FwYAQ80Uj0
தற்போது வெளியாகி இருக்கும் இப்படத்தின் டீசர் படத்தின் டைட்டிலுக்கு ஏற்ற வகையில் முழுக்க முழுக்க சண்டைக் காட்சிகளாக கொட்டிக் கிடக்கிறது. விஜயகுமார் நடித்த உறியடி படத்தைப் போலவே கல்லூரி மாணவர்களுக்கு இடையில் பல்வேறு காரணங்களால் ஏற்படும் குழு மோதல், சாதிய மோதல்களை மையமாக வைத்து இந்தப் படம் எடுக்கப்பட்டிருக்கலாம் என்று எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)