![ABP Premium](https://cdn.abplive.com/imagebank/Premium-ad-Icon.png)
LEO New Poster: முதல்ல பனி... இப்போ நெருப்புடன் வந்த விஜய்... கேம் ஆஃப் த்ரோன்ஸை நியாபகப்படுத்தும் ‘லியோ’ போஸ்டர்!
லியோ படத்தின் போஸ்டர்கள் அடுத்தடுத்து வெளியாகி வரும் நிலையில், அனல் தெறிக்க விஜய் இடம்பெற்றுள்ள புதிய போஸ்டர் வெளியாகி கவனமீர்த்துள்ளது.
![LEO New Poster: முதல்ல பனி... இப்போ நெருப்புடன் வந்த விஜய்... கேம் ஆஃப் த்ரோன்ஸை நியாபகப்படுத்தும் ‘லியோ’ போஸ்டர்! LEO New Poster Out Lokesh Kanagaraj Shared on Social Media Keep calm and prepare for battle Actor Vijay Leo Tamil Poster LEO New Poster: முதல்ல பனி... இப்போ நெருப்புடன் வந்த விஜய்... கேம் ஆஃப் த்ரோன்ஸை நியாபகப்படுத்தும் ‘லியோ’ போஸ்டர்!](https://feeds.abplive.com/onecms/images/uploaded-images/2023/09/20/f646ae2c7b431c2fe3ac482859c7804c1695214434994574_original.jpg?impolicy=abp_cdn&imwidth=1200&height=675)
நடிகர் விஜய் - லோகேஷ் கனகராஜ் இரண்டாம் முறையாக கூட்டணி வைத்துள்ள லியோ படத்தின் ரிலீஸுக்கு இன்னும் சரியாக ஒரு மாத காலமே உள்ளது.
போருக்கு தயாராகும் விஜய்!
இந்நிலையில், கடந்த ஞாயிற்றுக்க் கிழமை தொடங்கி விஜய் ரசிகர்களை மகிழ்விக்கும் வகையில் லியோ படத்தின் போஸ்டர்களை படக்குழு பகிர்ந்து வருகிறது. செப்.17, 18 ஆகிய இரு தினங்கள் விஜய்யின் போஸ்டர்கள் வெளியான நிலையில், நேற்று நடிகர் விஜய் ஆண்டனியின் மகள் மரணம் காரணமாக போஸ்டர் வெளியீடு ஒத்திவைக்கப்பட்டது.
இந்நிலையில் இன்று திட்டமிட்டபடி லியோ படத்தின் புதிய போஸ்டர் தற்போது வெளியாகியுள்ளது. நடிகர் விஜய் அனல் பறக்க சக்கரத்தை தயார் செய்து கொண்டிருப்பது போன்ற இந்த போஸ்டர் இணையத்தில் லைக்ஸ் அள்ளி வருகிறது.
Keep calm and prepare for battle 🔥#LeoTamilPoster#LEO 🔥🧊 pic.twitter.com/J39jSyTbVa
— Lokesh Kanagaraj (@Dir_Lokesh) September 20, 2023
பனியும் நெருப்பும்
மேலும் பனி, நெருப்பு என கேம் ஆஃப் த்ரான்ஸின் தீமான ‘எ சாங் ஆஃப் ஐஸ் அண்ட் ஃபயர்’ என்பதை நினைவுப்படுத்தும் வகையில் இந்த போஸ்டர்கள் அமைந்துள்ளதாக ரசிகர்கள் கருத்து தெரிவித்து வருகின்றனர்.
இதேபோல் நேற்று துப்பாக்கியின் மத்தியில் விஜய் புகைப்படம் இடம்பெற்றிருப்பது போன்ற போஸ்டர் வெளியாகி ரசிகர்களின் கவனத்தை ஈர்த்தது.
கதை சொல்லும் போஸ்டர்கள்
மேலும் முதல் போஸ்டரில் “அமைதியாக இரு... போரைத் தவிர்” எனும் வாசகமும், இரண்டாம் போஸ்டரில் “அமைதியாக இரு , தப்பிக்க திட்டமிடு” எனும் வாசகமும் இடம்பெற்றிருந்தன.
அந்த வரிசையில் தற்போது வெளியாகி மூன்றாம் போஸ்டரில், “அமைதியாக இரு, போருக்குத் தயாராகு” எனும் வாசகம் இடம்பெற்றுள்ளது.
இந்நிலையில், ஏற்கெனவே செவன் ஸ்க்ரீன் நிறுவனம் போஸ்டர்கள் வழி கதைகள் வெளிவரும் என அறிவித்தது போல் அடுத்தடுத்து வெளியாகி வரும் இந்த போஸ்டர்கள் ஒரு ஒரு ஹிண்ட் கொடுப்பது போல் அமைந்து ரசிகர்கள் மத்தியில் பேசுபொருளாகி உள்ளது.
ஏதோ ஒரு மோசமான ஃப்ளாஷ்பேக்கை கொண்ட ஹீரோ அமைதியாக இருந்து பின் சரியான நேரம் பார்த்து காத்திருந்து கொஞ்சம் கொஞ்சமாக பழிவாங்க தயாராவது போல் இந்தக் கதை அமைந்திருக்கும் என போஸ்டர்களின் வழி தெரிய வருகிறது.
அடுத்த அப்டேட் என்ன?
நாளை மற்றுமொரு போஸ்டர் வெளியாகும் என எதிர்பார்க்கப்படும் நிலையில், லியோ போஸ்டர் திருவிழா என விஜய் ரசிகர்கள் சமூக வலைதளங்களில் இதனைக் கொண்டாடி வருகின்றனர். இந்த போஸ்டர் வெளியீட்டைத் தொடர்ந்து அடுத்ததாக லியோ இரண்டாவது சிங்கிள் பாடல் வெளியாகும் என எதிர்பார்க்கப்படுகிறது.
வரும் அக்டோபர் 19ஆம் தேதி லியோ திரைப்படம் வெளியாக உள்ளது. விஜய், த்ரிஷா இருவரும் கிட்டத்தட்ட 16 ஆண்டுகளுக்குப் பிறகு இப்படத்தில் இணையும் நிலையில், இப்படத்தின் மீது இருவரது ரசிகர்களுக்கும் எதிர்பார்ப்புகள் எகிறியுள்ளன.
மேலும் பிரபல பாலிவுட் நடிகர் சஞ்சய் தத், நடிகர் அர்ஜூன், இயக்குநர்கள் கௌதம் மேனன், மிஸ்கின், நடிகர்கள் மன்சூல் அலிகான், ஜோஜூ ஜார்ஜ், மேத்யூ தாமஸ், கொரியோகிராஃபர் சாண்டி என மிகப்பெரும் நட்சத்திரப் பட்டாளமே இப்படத்தில் நடித்துள்ளது. அனிருத் இப்படத்துக்கு இசையமைத்துள்ளார். வரும் செப்டெம்பர் 30ஆம் தேதி இப்படத்தின் இசை வெளியீட்டு விழா சென்னை, நேரு உள் விளையாட்டு அரங்கில் நடைபெறும் என எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)