Today Release: "கொட்டுக்காளி முதல் அதர்மக்கதைகைள் வரை" இன்று தியேட்டருக்கு வரும் புதுப்படங்கள் இதுதான்!

வெள்ளிக்கிழமையான இன்று தமிழில் என்னென்ன படங்கள் ரிலீசாகிறது என்பதை கீழே விரிவாக காணலாம்.

இன்று வெளியாகும் திரைப்படங்கள்

Source : twitter

தமிழ் திரையுலகில் ஒவ்வொரு வெள்ளிக்கிழமையும் கோலிவுட்டிற்கு கொண்டாட்டமன நாள் ஆகும். இன்று என்னென்ன படங்கள் ரிலீசாகிறது என்பதை கீழே காணலாம்.

கொட்டுக்காளி:

நகைச்சுவை நடிகராக இருந்து கதையின் நாயகனாக உயர்ந்துள்ள சூரி நாயகனாக நடித்துள்ள திரைப்படம் கொட்டுக்காளி. பல்வேறு சர்வதேச திரைப்பட விழாக்களில் பங்கேற்ற இந்த படத்தின் மீது மிகுந்த எதிர்பார்ப்பு ஏற்பட்டுள்ளது. வினோத்ராஜ் இயக்கியுள்ள இந்த படத்தில் மலையாள நடிகை அன்னா பென் நாயகியாக நடித்துள்ளார்.

வாழை:

பரியேறும் பெருமாள் படம் மூலமாக தமிழில் இயக்குனராக அறிமுகமான மாரி செல்வராஜ் இயக்கியுள்ள திரைப்படம் வாழை. திருநெல்வேலியில் நடந்த உண்மை சம்பவத்தை அடிப்படையாக கொண்டு இவர் இயக்கியுள்ள திரைப்படம் இன்று ரிலீசாகிறது. திரை பிரபலங்கள் பலரும் பாராட்டியுள்ள இந்த படத்திற்கு சந்தோஷ் நாராயணன் இசையமைத்துள்ளார். கலையரசன், நிகிலா விமல் முக்கிய கதாபாத்திரத்தில் நடித்துள்ளனர்.

போகுமிடம் வெகுதூரமில்லை:

தமிழ் திரையுலகின் வளர்ந்து வரும் நாயகர்களில் ஒருவர் விமல். இவரது நடிப்பில் உருவாகியுள்ள திரைப்படம் போகுமிடம் வெகுதூரமில்லை. மைக்கேல் ராஜா இயக்கியுள்ள இந்த படத்தில் கருணாஸ் முக்கிய கதாபாத்திரத்தில் நடித்துள்ளார். என்.ஆர்.ரகுநாதன் இசையமைத்துள்ளார். சிவா கலரி தயாரித்துள்ள இந்த படம் இன்று ரிலீசாகிறது.

சாலா:

பீபூள் மீடியா பேக்டரி தயாரித்துள்ள திரைப்படம் சாலா. மதுபான கூடத்தை மையப்படுத்தி இருவர் மத்தியில் நடக்கும் மோதலே சாலாவாக படமாக்கப்பட்டுள்ளது. இந்த படத்தை அறிமுக இயக்குனர் எஸ்.டி.மணிபால் இயக்கியுள்ளார். இந்த படத்திற்கு தீசன் இசையமைத்துள்ளார்.

அதர்மக் கதைகள்:

எட்டு தோட்டாக்கள் படம் மூலமாக நாயகனாக அறிமுகமான வெற்றி நடித்துள்ள படம் அதர்மக் கதைகள். காமராஜ் வேல் இயக்கியுள்ள இந்த படத்தில் சாக்‌ஷி அகர்வால், அம்மு அபிராமி, திவ்யா துரைசாமி ஆகியோர் முக்கிய கதாபாத்திரத்தில் நடித்துள்ளனர். சரண்குமார் இசையமைத்துள்ள இந்த படம் இன்று ரிலீசாகிறது.

இதில் கொட்டுக்காளி மற்றும் வாழை படங்களே ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.