Kamal Haasan : ஆண்டவருக்கு இதெல்லாம் அல்வா மாதிரி...பிறந்தநாளில் வெளியான கல்கி படத்தின் மேக்கிங் வீடியோ

உலகநாயகன் கமல்ஹாசனின் 70 ஆவது பிறந்தநாளை முன்னிட்டு அவர் நடித்த கல்கி படத்தின் மேக்கிங் வீடியோவை படக்குழு வெளியிட்டுள்ளது

கமல்ஹாசன் , தக் லைஃப் , கல்கி

Source : Twitter

கமல்ஹாசன் 

உலகநாயகன் கமல்ஹாசன் இன்று தனது 70 ஆவது பிறந்தநாளைக் கொண்டாடுகிறார். வயது என்பது வெறும் எண் தான் என்கிற சொல்லாடலுக்கு உதாரணம் என்றால் அது கமல்தான். வயது கூடினாலும் தனது ஐந்து வயதில் சினிமாவில் அடியெடுத்து வைத்த அதே ஆர்வத்துடன் இன்றும் இருக்கிறார். தன்னை எப்போதும் ஒரு மாணவனாகவே கமல் குறிப்பிட்டு வருகிறார். இன்றைய சூழலில் சினிமாவில் அறிமுகமாகியிருக்கும் புதிய தொழில்நுட்பங்களை பற்றி தெரிந்துகொள்கிறார். ஒரு சில வருட இடைவெளிக்குப் பின் தற்போது மீண்டும் கமர்ஷியல் சினிமா மார்கெட்டில் மற்ற நடிகர்களுக்கு வலுவான போட்டியாளராக திகழ்கிறார் கமல். 

கல்கி படத்தின் மேக்கிங் வீடியோ

கமல்ஹாசன் இந்த ஆண்டு பிரபாஸ் நடிப்பில் வெளியான கல்கி திரைப்படத்தில் வில்லனாக நடித்திருந்தார். இப்படத்தில் அவருக்கு சில நிமிட காட்சிகளே இருந்தாலும் தனது தோற்றத்தால் ரசிகர்களை கவர்ந்தார். இன்று கமலின் பிறந்தநாளை முன்னிட்டு கல்கி படத்தில் கமலின் தோற்றம் உருவான வீடியோ ஒன்றை படக்குழு வெளியிட்டுள்ளது. முகமெல்லாம் சாயத்தை ஊற்றி கமல் தனது கதாபாத்திரத்திற்கு ரெடியாகும் இந்த வீடியோ பலரை ஆச்சரியத்தில் ஆழ்த்தியுள்ளது. ஆனால் நீண்ட கால கமல் ரசிகர்களுக்கு தெரியும்  கமல் திரையுலகில் செய்த சாதனைகளோடு ஒப்பிடுகளை இதெல்லாம் அவருக்கு அவ்வளவு பெரிய மேட்டர் இல்லை என்று.

Birthday wishes to our SUPREME, the one and only Ulaganayagan @ikamalhaasan sir.
A universal phenomenon who breathes cinema.#Kalki2898AD pic.twitter.com/zCu3lxFD79

— Vyjayanthi Movies (@VyjayanthiFilms) November 7, 2024

தக் லைஃப்

கமல் தற்போது மணிரத்னம் இயக்கத்தில் தக் லைஃப் படத்தில் நடித்துள்ளார். ராஜ்கமல் ஃபிலிம்ஸ் மற்றும் மெட்ராஸ் டாக்கீஸ் இணைந்து இப்படத்தை தயாரித்துள்ளார்கள். சிலம்பரசன் , த்ரிஷா , அசோக் செல்வன் , ஐஸ்வர்யா லக்‌ஷ்மி , ஜோஜு ஜார்ஜ் , அபிராமி உள்ளிட்டவர்கள் இப்படத்தில் நடித்துள்ளார்கள். ஏஆர் ரஹ்மான் படத்திற்கு இசையமைத்துள்ளார். தக் லைஃப் திரைப்படம் வரும் 2025 ஆம் ஆண்டு ஜூன் 5 ஆம் தேதி வெளியாக இருப்பதாக படக்குழு அதிகாரப்பூர்வ தகவலை இன்று வெளியிட்டுள்ளது. 

---

மேலும் படிக்க : Robo Shankar : "ஒன்ஸ்மோர் கேட்டு கலவரம் பண்ணேன்..கமல் ஓங்கி அடிச்சுட்டார்..." ரோபோ சங்கர் ஓப்பன் டாக்