ரெஸார்ட் சீரிஸ் எரும சாணி விஜய் மீதான குற்றச்சாட்டு எல்லாமே பப்ளிசிட்டி விளையாட்டா ?

ரெஸார்ட் சீரிஸை ப்ரோமோட் செய்வதற்காகவே படக்குழு திட்டமிட்டு சர்ச்சையை கிளப்பி வருவதாக சமூக வலைதளத்தில் நெட்டிசன்கள் கூறி வருகிறார்கள்

எரும சாணி

Source : X

இளம் நடிகை அனுகிரஹா எரும சாணி புகழ் விஜய் மீது உழைப்பு சுரண்டல் செய்ததாக பரபரப்பான குற்றச்சாட்டை வைத்தார். இதனைத் தொடர்ந்து விஜய் மற்றும் அவரது மனைவி நக்‌ஷத்ரா இருவரும் தங்கள் தரப்பை விளக்கி வீடியோ வெளியிட்டனர்.  நாளுக்கு நாள் இந்த சர்ச்சை பெரிதாகி வரும் நிலையில் ரெஸார்ட் என்கிற தங்களது வெப் சீரிஸை ப்ரோமோட் செய்யவே இந்த சர்ச்சையை படக்குழு உருவாக்கியுள்ளதாக மற்றொரு குற்றச்சாட்டு எழுந்துள்ளது. 

ஜியோஸ்டாரில் ஸ்ட்ரீம் ஆகி கவனமீர்த்து வரும் தொடர் ரெஸார்ட். எரும சாணி யூடியும் சேனல் மூலமாக பிரபலமாகிய விஜய் , தலைவாசல் விஜய் உள்ளிட்ட பலர் இந்த தொடரில் நடித்துள்ளார்கள். இந்த தொடரில் நடித்த இளம் மலையாள நடிகை அனுகிரஹா அண்மையில் படக்குழு மீது குற்றச்சாட்டு வைத்து வீடியோ வெளியிட்டார். இந்த சீரிஸில் தன்னை விஜய் குமார் நடிக்க அழைத்து ஒப்பந்தம் போட்டு 8 மாதங்கள் வேலையும் சம்பளமும் இல்லாமல் தன்னை உழைப்பு சுரண்டல் செய்ததாக நடிகை குற்றம்சாட்டியிருந்தார். இந்த வீடியோ சமூக வலைதளம் மற்றும் செய்தியாக பரவிய நிலையில் எரும சாணி மற்றும் அவரது மனைவி நக்‌ஷத்ரா இருவரும் தனித்தனியாக விளக்கமளித்து வீடியோ வெளியிட்டனர்.  

நடிகை அனுகிரஹாவின் குற்றச்சாட்டுகளுக்கு மாறான தகவல்களை நடிகர் விஜய் தனது வீடியோவில் பேசியுள்ளார். அனுகிரஹா இதுவரை நடித்ததற்கான சம்பளம் அவருக்கு கொடுக்கப்பட்டுள்ளதாகவும் . படப்பிடிப்பில் இருந்தபோதே மற்றொரு படத்திற்கு ஆடிஷனுக்கு போய் தாமதமாக அவர் வந்ததாகவும் விஜய் குமார் தெரிவித்துள்ளார். அனுகிரஹா மருத்துவமனையில் அனுமதிக்கப்பட்டது தங்களது தெரியாது அவரது பாய்பிரண்ட் என்று சொல்லி ஒருவர் எல்லாருக்கும் போன் போட்டு சண்டை போட்டதாக விஜய்குமார் கூறியுள்ளார். 

வெறும் பப்ளிசிட்டியா ?

ஒருபக்கம் அனுகிரஹா இன்னொரு பக்கம் விஜய் என இதுதரப்பினரும் மாற்றி மாற்றி குற்றச்சாட்டுகள் வைத்து வரும் நிலையில் இதில் எது உண்மை என ரசிகர்கள் குழம்மபடைந்துள்ளார்கள். ரெஸார்ட் சீரில் எதிர்பார்த்த வரவேற்பைப் பெறவில்லை என்பதற்காக இந்த சீரிஸை ப்ரோமோட் செய்யவே  படக்குழு இந்த மாதிரியான சர்ச்சைகளை திட்டம்போட்டு அரங்கேற்றுவதாகவும் சிலர் கூறி வருகிறார்கள்.