Rajinikanth Birthday: ”அன்பு தலைவா! அலப்பறை கிளப்புங்க”.. நடிகர் ரஜினிகாந்துக்கு வாழ்த்து தெரிவித்த ஹர்பஜன் சிங்!

73வது பிறந்தநாளை முன்னிட்டு சூப்பர் ஸ்டார் ரஜினிகாந்துக்கு பலரும் பிறந்தநாள் வாழ்த்துகளை தெரிவித்து வருகின்றனர்.

முன்னாள் இந்திய கிரிக்கெட் வீரர் ஹர்பஜன் சிங் - ரஜினிகாந்த்

சூப்பர் ஸ்டார் ரஜினிகாந்தின் பிறந்தநாளை முன்னிட்டு உலகம் முழுவதும் கொண்டாட்டங்கள் களைகட்டி வருகின்றன. ‘சூப்பர் ஸ்டார்’, ‘தலைவர்’ என்று ரசிகர்களால் செல்லமாக அழைக்கப்படும் ரஜினிகாந்த் இன்று தனது 73வது பிறந்தநாளை கொண்டாடுகிறார். ரஜினின் பிறந்தநாளை முன்னிட்டு 1995ம் ஆண்டு மெகா ஹிட்டான ‘முத்து’ திரைப்படம் பிறந்தநாள் ஸ்பெஷலாக தமிழகம் முழுவதும் திரையரங்குகளில் மீண்டும் வெளியிடப்பட்டுள்ளது. 

இந்தநிலையில், சூப்பர் ஸ்டார் ரஜினிகாந்துக்கு பலரும் பிறந்தநாள் வாழ்த்துகளை தெரிவித்து வருகின்றனர். அந்த வகையில் தற்போது முன்னாள் இந்திய கிரிக்கெட் வீரர் ஹர்பஜன் சிங் தனது ட்விட்டர் பக்கத்தில் வாழ்த்துகளை தெரிவித்துள்ளார்.

அன்பு தலைவா!
நீங்கள் முகநரையை மை கொண்டு மறைக்காதவர்.,அதே போல் உங்கள் மன அறையை பொய் கொண்டு நிறைக்காதவவர்.
செப்பு கலந்து இருக்கும் தங்கம் அல்ல! மாசற்ற மாணிக்கம்!
பிளாக்பஸ்டர் பிறந்தநாள் வாழ்த்துகள்.அலப்பறை
கிளப்புங்க சார் @rajinikanth#HBDSuperstarRajinikanth #SuperstarRajinikanth pic.twitter.com/hYhoBebeBH

— Harbhajan Turbanator (@harbhajan_singh) December 12, 2023

அதில், “அன்பு தலைவா! நீங்கள் முகநரையை மை கொண்டு மறைக்காதவர்.,அதே போல் உங்கள் மன அறையை பொய் கொண்டு நிறைக்காதவவர். செப்பு கலந்து இருக்கும் தங்கம் அல்ல! மாசற்ற மாணிக்கம்! பிளாக்பஸ்டர் பிறந்தநாள் வாழ்த்துகள். அலப்பறை கிளப்புங்க சார்" என பதிவிட்டுள்ளார். 

நடிகர் கமல்ஹாசன் வாழ்த்து:

அருமை நண்பர் சூப்பர் ஸ்டார் @rajinikanth அவர்களுக்கு இனிய பிறந்தநாள் வாழ்த்துகள். இன்றும் என்றும் வெற்றிகளை அறுவடை செய்தபடி உற்சாகமாக வாழ மனதார வாழ்த்துகிறேன்.

— Kamal Haasan (@ikamalhaasan) December 12, 2023

அருமை நண்பர் சூப்பர் ஸ்டார் ரஜினிகாந்த் அவர்களுக்கு இனிய பிறந்தநாள் வாழ்த்துகள். இன்றும் என்றும் வெற்றிகளை அறுவடை செய்தபடி உற்சாகமாக வாழ மனதார வாழ்த்துகிறேன்.

மத்திய இணை அமைச்சர் எம்.முருகன் வாழ்த்து: 

"அபூர்வ ராகங்கள்" திரைப்படத்தின் மூலம் திரைப்பயணத்தை துவங்கி பத்மபூஷன், பத்ம விபூஷன் மற்றும் தாதாசாகிப் பால்கே என பல விருதுகளைப் பெற்று, நம் தமிழ் மக்களின் நெஞ்சங்களில் நீங்கா இடம் பெற்றிருக்கும் சூப்பர் ஸ்டார் திரு.@rajinikanth அவர்களுக்கு என் இனிய பிறந்தநாள் நல்வாழ்த்துக்கள். pic.twitter.com/HGioLrEF7d

— Dr.L.Murugan (@Murugan_MoS) December 12, 2023

"அபூர்வ ராகங்கள்" திரைப்படத்தின் மூலம் திரைப்பயணத்தை துவங்கி பத்மபூஷன், பத்ம விபூஷன் மற்றும் தாதாசாகிப் பால்கே என பல விருதுகளைப் பெற்று, நம் தமிழ் மக்களின் நெஞ்சங்களில் நீங்கா இடம் பெற்றிருக்கும் சூப்பர் ஸ்டார் ரஜினிகாந்த்  அவர்களுக்கு என் இனிய பிறந்தநாள் நல்வாழ்த்துக்கள்.

பாஜக தலைவர் அண்ணாமலை வாழ்த்து:

இன்று பிறந்தநாள் கொண்டாடும் சூப்பர் ஸ்டார் திரு @rajinikanth அவர்களுக்கு, @BJP4Tamilnadu சார்பாக இனிய வாழ்த்துக்களைத் தெரிவித்துக் கொள்கிறேன்.

சிறந்த தேசியவாதியும், பண்பாளருமான திரு @rajinikanth அவர்கள், நல்ல உடல் நலத்துடன், நீண்ட ஆயுளுடன் நலமுடன் வாழவும் குழந்தைகள் முதல்… pic.twitter.com/DHB613EpfJ

— K.Annamalai (@annamalai_k) December 12, 2023

இன்று பிறந்தநாள் கொண்டாடும் சூப்பர் ஸ்டார் ரஜினிகாந்த் அவர்களுக்கு, தமிழ்நாடு பாஜக சார்பாக இனிய வாழ்த்துக்களைத் தெரிவித்துக் கொள்கிறேன். சிறந்த தேசியவாதியும், பண்பாளருமான ரஜினிகாந்த் அவர்கள், நல்ல உடல் நலத்துடன், நீண்ட ஆயுளுடன் நலமுடன் வாழவும் குழந்தைகள் முதல் பெரியவர்கள் வரை உங்கள் மீது வைத்திருக்கும் மட்டற்ற அன்பும் நிலைத்திருக்க இறைவனை வேண்டிக் கொள்கிறேன்.

இவ்வாறு பல்வேறு அரசியல் கட்சி தலைவர்களும், பிரபலங்களும் நடிகர் ரஜினிகாந்துக்கு வாழ்த்து தெரிவித்து வருகின்றனர்.