வாக்கு கொடுத்து ஏமாற்றிய ரஜினி..திட்டம்போட்டு பழிவாங்கிய ஷாருக் கான்..ஜெயிலர் 2 வில் நடிக்காததற்கு இதான் காரணமா!

ஜெயிலர் 2 படத்தில் ஷாருக் கான் கேமியோ ரோலில் நடிக்க இருந்து பின் படத்தில் இருந்து விலகியது புதிய சர்ச்சையை ஏற்படுத்தியுள்ளது

ரஜினிகாந்த் , ஜெயிலர் 2 , ஷாருக் கான்

Source : X

ரஜினி நடித்துள்ள ஜெயிலர் 2 படத்தில் பாலிவுட் நடிகர் ஷாருக் கான் கேமியோ ரோலில் நடிக்க இருந்தார். ஆனால் கடைசி நேரத்தில் தன்னால் இப்படத்தில் நடிக்க முடியாது என கூறி அவர் படத்தில் இருந்து விலகினார். முன்னதாக ஷாருக் கான் நடித்த ரா ஒன் படத்தில் ரஜினி கேமியோ ரோலில் நடிக்க மறுத்த காரணத்தினால் ஷாருக் கான் ஜெயிலர் 2 படத்தில் நடிக்க மறுத்ததாக தகவல்கள் பரவி வருகின்றன

நெல்சன் இயக்கத்தில் ரஜினிகாந்த் நடிக்கும் ஜெயிலர் 2 திரைப்படத்தின் படப்பிடிப்பு அண்மையில் நிறைவடைந்தது. சன் பிக்ச்சர்ஸ் இப்படத்தை தயாரித்துள்ளது . ஜெயிலர் 2 படத்தில் முதல் பாகத்தில் நடித்த மோகன்லால் , ஷிவராஜ்குமார் , ரம்யா கிருஷ்ணன் , மிர்னா , யோகிபாபு ஆகியோர் நடிக்கிறார்கள். இவர்கள் தவிர்த்து புதிய நடிகர்கள் பலர் இந்த படத்தில் கேமியோ ரோலில் நடித்துள்ளார்கள். அந்த வகையில் விஜய் சேதுபதி , வித்யா பாலன் , எஸ்.ஜே சூர்யா , பாலையா ஆகியோர் ஜெயிலர் 2 படத்தில் புதிதாக இணைந்துள்ளார்கள். படத்தின் க்ளைமேக்ஸ் காட்சியில் ஷாருக் கான் போலீஸ் வேடத்தில் நடிக்க இருந்தார். ஆனால் படப்பிடிப்பு தொடங்கும் நிலையில் ஷாருக் கான் படத்தில் இருந்து விலகி அவருக்கு பதிலாக பாலையா படத்தில் இணைந்துள்ளார். 

திட்டமிட்டு பழிவாங்கினாரா ஷாருக் கான் 

ஜெயிலர் 2 படத்தில் ஷாருக் கான் நடிக்க சம்மதித்து பின் படத்தில் இருந்து விலகியது தற்போது பேசுபொருளாகியுள்ளது. 2011 ஆம் ஆண்டு ஷாருக் கான் ரா ஒன் படத்தில் நடித்தார். இந்த படத்தில் ரஜினிகாந்த் எந்திரன் படத்தில் நடித்த சிட்டி கதாபாத்திரத்தில் கேமியோ ரோலில் நடிக்க முதலில் ஒப்புக்கொண்டார். ரஜினி படத்தில் நடிப்பதாக ஷாருக்கான் உலகத்திற்கே அறிவித்துவிட்டார். ரஜினி படப்பிடிப்பில் இணைவதற்காக படக்குழு ராமோஜி ஃபிலிம் சிட்டியில் பல மாத காலம் காத்திருந்தனர். ஆனால் ஏனோ ரஜினி இந்த படத்தில் நடிக்கவில்லை. இதன்பின் ரஜினிபோலவே டூப் ரெடி செய்து ரா ஒன் படத்தில் நடிக்க வைக்கப்பட்டது. ரஜினி தன் படத்தில் நடிக்க மறுத்ததாலேயே ஷாருக் கான் தற்போது ஜெயிலர் 2 படத்தில் நடிக்க மறுத்துள்ளதாக ரசிகர்களிடையே பேசப்படுகிறது. 

ரஜினி அடுத்தபடியாக சிபி சக்கரவர்த்தி இயக்கத்தில் தலைவர் 173 படத்தில் நடிக்க இருக்கிறார். ராஜ்கமல் ஃபிலிம்ஸ் இந்த படத்தை தயாரிக்க இருக்கிறது. அனிருத் இசையமைக்கிறார்.