Raayan: தனுஷ் அண்ணா எனக்கு ஒரு குரு மாதிரி...ராயன் ஆடியோ லாஞ்சில் நடிகர் சந்தீப் கிஷன்
நடிகர் தனுஷ் தனக்கு ஒரு குருவைப் போன்றவர் என்று ராயன் ஆடியோ லாஞ்சில் நடிகர் சந்தீப் கிஷன் தெரிவித்துள்ளார்.
ராயன் ஆடியோ லாஞ்ச்
தனுஷ் இயக்கி நடித்துள்ள ராயன் திரைப்படம் வரும் ஜூலை 26 ஆம் தேதி வெளியாக இருக்கிறது . சன் பிக்ச்சர்ஸ் தயாரித்துள்ள இப்படத்திற்கு ஏ.ஆர் ரஹ்மான் இப்படத்திற்கு இசையமைத்துள்ளார். செல்வராகவன் , சந்தீப் கிஷன் , காலிதாஸ் ஜெயராம் , பிரகாஷ் ராஜ் , எஸ்.ஜே.சூர்யா, துஷாரா விஜயன் , அபர்ணா பாலமுரளி , வரலட்சுமி சரத்குமார் உள்ளிட்டவர்கள் இப்படத்தில் நடித்துள்ளார்கள். ஓம் பிரகாஷ் ஒளிப்பதிவு செய்துள்ளார். ஜாக்கி கலை வடிவமைப்பாளராக பணியாற்றியுள்ளார். ராயன் படத்தின் இசை வெளியீடு இன்று சென்னை நேரு உள்விளையாட்டு அரங்கத்தில் நடைபெற்று வருகிறது.
இந்த நிகழ்வில் படத்தின் நடிகர்கள் அனைவரும் கலந்து கொண்டிருக்கிறார்கள். முன்னதாக பேசிய நடிகர் பிரகாஷ் ராஜ் , துஷாரா , காலிதாஸ் ஜெயராம் ஆகியவர்கள் தனுஷ் பற்றி பாராட்டி பேசினார்கள்.
இவர்களைத் தொடர்ந்து நிகழ்வில் நடிகர் சந்தீப் கிஷன் தனுஷ் பற்றி பேசியுள்ளது ரசிகர்களை கவர்ந்துள்ளது.
தனுஷ் எனக்கு குரு மாதிரி
#RaayanAudioLaunch 🎥#SundeepKishan : This is my second Film with Dhanush anna.. He's my anna and my mentor.. This is the first film i didn't hear the story..
— Moview Points (@MoviewPoints) July 6, 2024
Dhanush anna is everyone's favourite and he's a good human being..⭐ He's an Identity for everyone who wants to…
முன்னதாக அருண் மாதேஸ்வரன் இயக்கத்தில் தனுஷ் நடித்த கேப்டன் மில்லர் படத்தில் சந்தீப் கிஷன் நடித்துள்ளார். நிகழ்ச்சியில் பேசிய சந்தீப் கிஷன் " தனுஷ் அண்ணாவோடு இது எனக்கு இரண்டாவது படம். தனுஷ் எனக்கு ஒரு அண்ணன் மற்றும் குரு. நான் கதை கேட்காமல் நடித்த ஒரே படம் இதுதான். தனுஷ் அண்ணா ஒரு நல்ல மனிதர் அவரை எல்லாருக்கும் பிடிக்கும் . பெரிதாக சாதிக்க வேண்டும் என்று நினைக்கும் ஒவ்வொருவருக்கும் தனுஷ் ஒரு பெரிய இன்ஸ்பிரேஷனாக இருக்கிறார். இந்த படத்தில் நான் நடித்திருப்பது ரொம்ப சாலிடான ஒரு கதாபாத்திரம். வேறு ஒரு நடிகர் என்றால் அவரே டபுள் ரோலில் என்னுடைய கேரக்டரையும் சேர்ந்தே நடித்திருப்பார். ஆனால் தனுஷ் இதை எனக்கு கொடுத்தார். என்மேல் நம்பிக்கை வைத்ததற்கு நன்றி " என்று சந்தீப் கிஷன் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
