காதலர் தினத்திற்கு வேட்டு வைத்த அஜித்...விடாமுயற்சி படத்தால் எல்லாமே சொதப்பல்

அஜித் நடித்துள்ள விடாமுயற்சி படம் பிப்ரவரி 6 ஆம் தேதி வெளியாக இருப்பதால் தனுஷ் இயக்கியுள்ள நிலவுக்கு என்மேல் என்னடி கோபம் படம் முன்னதாகவே ரிலீஸ் ஆக வாய்ப்புள்ளதாக தகவல் வெளியாகியுள்ளது

அஜித் , விடாமுயற்சி,

Source : Twitter

விடாமுயற்சி

அஜித் நடித்துள்ள விடாமுயற்சி திரைப்படம் டிரைலர் வெளியாகி பெரியளவில் வரவேற்பைப் பெற்றுள்ளது. வரும் பிப்ரவரி 6 ஆம் தேதி இப்படத்தின் ரிலீஸ் தேதி முடிவு செய்துள்ளது படக்குழு. முன்னதாக விடாமுயற்சி திரைப்படம் ஜனவரி 10 ஆம் தேதி வெளியாக இருந்தது. பின் கடைசி நேரத்தில் படத்தின் ரிலீஸ் தேதி ஒத்திவைக்கப்பட்டது. இதனால் பிப்ரவரி 14 ஆம் தேதி காதலர் தினத்திற்கு வெளியாக காத்திருந்த இரு படங்கள் பொங்கலை முன்னிட்டு வெளியாகின.

காதலர் தினத்திற்கு வேட்டு வைத்த அஜித்

ஜெயம் ரவி நடித்துள்ள காதலர் தினம், ஆகாஷ் முரளி அதிதி ஷங்கர் நடித்துள்ள நேசிப்பாயா ஆகிய இரு படங்கள் காதலர் தினத்தை முன்னிட்டு வெளியாக இருந்தன . விடாமுயற்சி படத்தின் ரிலீஸ் ஒத்திவைக்கப்பட்டதால் பொங்கல் விடுமுறையை சரியாக பயன்படுத்திக் கொள்ள இந்த படங்கல் முன்னதாக வெளியிடப்பட்டன.  

நிலவுக்கு என்மேல் என்னடி கோபம்

இந்த படங்கள் தவிர்த்து காதலர் தினத்திற்கு நடிகர் தனுஷ் இயக்கத்தில் உருவாகியுள்ள நிலவுக்கு என்மேல் என்னடி கோபம் திரைப்படம் வெளியாக இருந்தது. தற்போது தனுஷ் இட்லி கடை மற்றும் நிலவுக்கு என்மேல் என்னடிகோபம் ஆகிய இரு படங்களை இயக்கிவருகிறார். இட்லி கடை படத்தின் இறுதிகட்ட வேலைகளில் தனுஷ் ஈடுபட்டிருந்தார். அஜித் நடித்துள்ள குட் பேட் அக்லி படம் இட்லி கடை படத்துடன் களமிறங்க இருக்கிறது. தற்போது  விடாமுயற்சி படத்தின் ரிலீஸ் பிப்ரவரி 6 ஆம் தேதி முடிவு செய்யப்பட்டிருப்பதால் தனது தனது படத்தை முன்னதாகவே வெளியிட முடிவு செய்திருக்கிறார். நிலவுக்கு என்மேல் என்னடி கோபம் படத்தை ஜனவரி மாதத்தின் இறுதிக்குள் வெளியிட தனுஷ் முடிவு செய்திருப்பதாக தகவல்கள் வெளியாகியுள்ளன

ஆக மொத்தத்தில் இந்த காதலர் தினத்தில் வெளியாக இருந்த எல்லா படத்தின் ரிலீஸும் அஜித்தின் விடாமுயற்சி படத்தினால் முன்னதாகவே வெளியாகின்றன. இந்த முறை எல்லா காதலர்களும் விடாமுயற்சி படத்தை பார்த்துதான் கொண்டாட வேண்டும் .