Cool Suresh: பிக்பாஸ் வீட்டில் இருந்து சுவர் ஏறி குதித்து தப்ப முயன்ற கூல் சுரேஷ்! வெளியான அதிர்ச்சி வீடியோ!

கூல் சுரேஷ் பிக்பாஸ் வீட்டில் இருந்து சுவர் ஏறி குதித்து தப்ப முயன்றது தொடர்பான வீடியோ வெளியாகி உள்ளது

கூல் சுரேஷ்

பிக்பாஸ் 7-வது சீசன் தற்போது வெற்றிகரமாக ஒளிபரப்பாகி வருகிறது. இந்த சீசன் 70 நாட்களைக் கடந்து இறுதிக்கட்டத்தை நோக்கி நகர்ந்து வருகிறது. தற்போது 13 போட்டியாளர்கள் எஞ்சி உள்ளதால் அவர்களுக்கு இடையே கடும் போட்டி நிலவி வருகிறது. இதில் கடந்த வாரம் எவிக்‌ஷன் நடக்காததால் இந்த வாரம் டபுள் எவிக்‌ஷன் இருக்கும் என எதிர்பார்க்கப்படுகிறது. 

தப்ப முயன்ற கூல் சுரேஷ்:

இந்த சீசனில் நடிகர் கூல் சுரேஷும் ஒரு போட்டியாளராக பங்கேற்றுள்ளார். இவர் 10 வாரங்களாக எவிக்‌ஷனில் இருந்து தப்பி வந்துள்ளார்.  இந்நிலையில் தற்போது பிக்பாஸ் வீட்டை விட்டு அவர் வெளியேற முடிவெடுத்து சுவர் ஏறி குதிக்க முயன்ற சம்பவம் பரபரப்பை ஏற்படுத்தி உள்ளது. 

இவ்வார தொடக்கத்தில் இருந்தே வீட்டின் நியாபகமாக இருப்பதாக கூறி வந்த கூல் சுரேஷ், சக போட்டியாளர்களிடம் தன்னை நாமினேட் செய்துவிடுமாறு வேண்டுகோள் விடுத்து வந்தார். அவரின் விருப்பப்படியே பெரும்பாலானோர் அவரை நாமினேட் செய்தனர். இந்நிலையில் இந்த வார நாமினேஷன் லிஸ்டிலும் அவர் இடம் பிடித்துள்ளார். இந்த வாரம் டபுள் எவிக்‌ஷன் நடந்தால் கூல் சுரேஷும் வெளியேற்றப்பட வாய்ப்பிருக்கும் என எதிர்பார்க்கப்படுகிறது.

கண்ணீர் விட்டு கதறி அழுகை:

இந்த நிலையில், அவர்  சுவர் ஏறி குதித்து பிக்பாஸ் வீட்டை விட்டு வெளியேற முயன்றது பரபரப்பை ஏற்படுத்தி உள்ளது. கூல்சுரேஷ் சேர் ஒன்றை கொண்டு சென்று அதன் உதவியுடன் பிக் பாஸ் வீட்டின் சுவர் மீது ஏறி தப்ப முயன்றார். ஆனால் அவரால் ஓரளவுக்கு மேல் ஏற முடியாததால் மணி உதவியுடன் மீண்டும் கீழே இறங்கிவிட்டார். இதையடுத்து கூல் சுரேஷை கன்பெஷன் ரூமுக்கு அழைத்து அவரின் செயலை கண்டித்த பிக்பாஸ், அவருக்கு அறிவுரை கூறினார். சிறிது நேரம் கதறி அழுத கூல் சுரேஷ், இனி இதுபோன்ற செயல்களில் ஈடுபட மாட்டேன் என உறுதி அளித்தார்.

#CoolSuresh try to escape .this week no elimination cool suresh self eviction. pic.twitter.com/hZqh8RDuwP

— Jin (@Jin49486319) December 13, 2023

பிக்பாஸ் வரலாற்றில் இதற்கு முன் முதல் சீசனில் பரணி இதுபோன்று சுவர் ஏறி குதித்து தப்ப முயன்றார். மேலும் நடிகர் ஸ்ரீ , ஜி.பி முத்து உள்ளிட்டோர் சுய விருப்பத்தின் பேரில் பிக் பாஸ் நிகழ்ச்சியில் இருந்து வெளியேறினர். 

மேலும் படிக்க: