கார்த்தி முதல் தனுஷ் வரை..நடிகை சரண்யா பொன்வண்ணன் மகள் திருவன வரவேற்பில் பிரபலங்கள்

நடிகை சரண்யா பொன்வண்ணன் மகள் திருமண வரவேற்பு நிகழ்ச்சியில் தமிழ் திரையுலகின் முன்னணி நட்சத்திரங்கள் பலர் கலந்துகொண்டனர்

தனுஷ் , சரண்யா பொன்வண்ணன் , கார்த்தி

Source : X

நடிகர் தனுஷ் , நடிகர் கார்த்தி உள்ளிட்டவர் இந்த நிகழ்ச்சியில் கலந்துகொண்ட புகைப்படங்கள் சமூக வலைதளத்தில் வைரலாகி வருகின்றன. 

தமிழ் படங்களில் ரசிகர்களின் மனம் கவர்ந்த அம்மா கதாபாத்திரங்களில் நடித்தவர் சரண்யா பொன்வண்ணன். அஜித் , விஜய்  , தனுஷ் , கார்த்தி என கிட்டதட்ட தமிழ் சினிமாவின் அத்தனை நடிகர்களுக்கும் அண்ணையாக இவர் நடித்துள்ளார். இவர் பிரபல நடிகர் மற்றும் ஓவியர் பொன்வண்ணனை திருமணம் செய்துகொண்டார். இந்த தம்பதிக்கு பிரியதர்ஷினி மற்றும் சாந்தினி ஆகிய இரு மகள்கள் உள்ளனர். இதில் சாந்தினி என்பவருக்கு அண்மையில் டான் ஃபிலிப் என்பவருக்கும் திருமணம் நடைபெற்றது. டான் ஃபிலிப் என்பவரை காதலித்து திருமணம் செய்து கொண்டார் சாந்தினி. நீலகிரியில் திருமணத்தைத் தொடர்ந்து நேற்று சென்னையில் வரவேற்பு நிகழ்ச்சி கோலாகலமாக நடைபெற்றது. தமிழ் சினிமாவைச் சேர்ந்த பல்வேறு பிரபலங்கள் இந்த நிகழ்ச்சியில் கலந்துகொண்டு மனமக்களுக்கு வாழ்த்து தெரிவித்தனர்

தனுஷ் , கார்த்தி வருகை 

அந்த வகையில் நடிகர்  தனுஷ் மற்றும் நடிகர் கார்த்தி இந்த திருமண வரவேற்பில் கலந்துகொண்டு சிறப்பித்தனர். தனுஷூடன் திருவிளையாடல் ஆரம்பம் , கொடி  வேலையில்லா பட்டதாரி ஆகிய படங்களில் சரண்யா பொன்வண்ணன் நடித்துள்ளார். தனுஷ் இயக்கிய நிலவுக்கு என் மேல் என்னடி கோபம் படத்திலும் நடித்திருந்தார். இருவருக்கும் இடையில் மிக நெருக்கமான பந்தம் இருந்து வருகிறது. அதே போல் கார்த்தி நடித்த ஆல் இன் ஆல் அழகுராஜா , விருமன் , சுல்தான் ஆகிய படங்களில் சரண்யா பொன்வண்ணன் இணைந்து நடித்துள்ளார். 

Karthi at Saranya Ponvannan’s daughter marriage reception.💥

pic.twitter.com/aWA2Ag3hN4

— Christopher Kanagaraj (@Chrissuccess) February 7, 2026