Bigg Boss 6 Tamil : அஸிமிற்கு கொடுக்கப்பட்ட ரெட் கார்டு...கமல் முன் போட்டு கொடுத்த பிக்பாஸ் போட்டியாளர்கள்..!

பிக்பாஸ் வீடு இந்த முறை கொஞ்சம் அப்டேட்டாக தினம் தினம் பஞ்சாயத்துடன் தான் விடிகிறது. எபிசோடு ப்ரோமோ வந்தாலே யார் யாருக்கு சண்டை என்ற ஆர்வத்திலே பலபேர் பார்க்கும் அளவுக்கு இருக்கும். 

அஸிம் - கமல்ஹாசன்

பிக்பாஸ் நிகழ்ச்சியில் 2வது ப்ரோமோ வெளியாகியுள்ள நிலையில் அஸிமிற்கு எதிராக கமல்ஹாசன் என்ன நடவடிக்கை எடுக்கப் போகிறார் என்ற எதிர்பார்ப்பு ஏற்பட்டுள்ளது. 

விஜய் டிவியின் பிரபலமான நிகழ்ச்சியான பிக்பாஸ் நிகழ்ச்சியின்  6வது சீசன் கடந்த அக்டோபர் 9 ஆம் தேதி தொடங்கியது. இதில் ஜி.பி.முத்து, பாடகர் அசல் கோலார், ராபர்ட் மாஸ்டர், திருநங்கை ஷிவின் கணேசன் , சாந்தி அரவிந்த், சீரியல் நடிகர் முகம்மது அஸீம், சீரியல் நடிகை ஆயிஷா, ஷெரின் ஷாம், மணிகண்ட ராஜேஷ், சரவணன் மீனாட்சி ரக்‌ஷிதா, ராம் ராமசாமி, பாடகர் தினேஷ் கனகரத்தினம் , விஜே மகேஸ்வரி, அமுதவாணன், நடனக் கலைஞர் மணிச்சந்திரா, விஜே கதிரவன், நடிகை குயின்ஸி, சிங்கப்பூர் மாடல் நிவாசினி, டிக்டாக் பிரபலம் தனலட்சுமி, விசிக மாநில செய்தி தொடர்பாளர் விக்ரமன்,மைனா நந்தினி ஆகியோர் பங்கெடுத்துள்ளனர். 

பிக்பாஸ் வீடு இந்த முறை கொஞ்சம் அப்டேட்டாக தினம் தினம் பஞ்சாயத்துடன் தான் விடிகிறது. எபிசோடு ப்ரோமோ வந்தாலே யார் யாருக்கு சண்டை என்ற ஆர்வத்திலே பலபேர் பார்க்கும் அளவுக்கு இருக்கும்.  அந்த வகையில் இந்த வாரம் தனலட்சுமி - அசல் கோலார், விக்ரமன் - அஸிம், விக்ரமன் -ஜிபி முத்து, அஸிம் - ஆயிஷா என ஜோராக சென்றது. இதில் அஸிம் போடி என மரியாதை இல்லாமல் பேசியதால் ஆயிஷா செருப்பை காட்ட பார்க்கும் பார்வையாளர்களே ஒரு கணம் அதிர்ந்தனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Television (@vijaytelevision)

இதனால் இந்த பஞ்சாயத்துக்கு கமல் என்ன தீர்ப்பு சொல்லப் போகிறார் என்ற கேள்வி எழுந்தது. அதற்கேற்றாற்போல் வெளியான முதல் ப்ரோமோவில் தப்பு பண்றவங்களுக்கு தான் செய்யறது தப்புனே தெரியாம போவது எப்ப தெரியுமா..? நீ செய்யறது தப்புனே சொல்லறதுக்கு ஆளே இல்லாம போறப்பதான். தப்பை தட்டி கேக்குறதுதான் நம்ம வேலை. அதுக்குதான நாம இருக்கோம். கேட்டுடுவோமா? என்று நடிகர் கமல் காட்டமாக பேசியிருந்தார். 

இந்நிலையில் தற்போது 2வது ப்ரோமோ வெளியாகியுள்ளது. அதில் போட்டியாளர்கள் முன்னால் ரெட் கார்டுகள் வைக்கப்பட்டுள்ளது. கமல் இந்த ரெட் கார்டுக்கு தகுதியானவர் என யாருக்கு கொடுப்பீர்கள் என கேட்க, பல பேர் அஸிமை தேர்வு செய்து கொடுக்கிறார்கள். இதனால் அவர் நிகழ்ச்சியில் இருந்து வெளியேற்றப்படுவாரா அல்லது கமலின் எச்சரிக்கையை பெற்று நிகழ்ச்சியில் தொடர்வாரா என்ற கேள்வி எழுந்துள்ளது.