Farina Azad | சீக்கிரமா திரும்பி வருவேன்.. குழந்தை பிறந்த பிறகு, பாரதி கண்ணம்மா வெண்பா போட்ட முதல் போஸ்ட்..
பாரதி கண்ணம்மா தொலைக்காட்சி தொடரில் வெண்பா கதாபாத்திரத்தில் நடித்து வரும் பரீனா ஆசாத்திற்கு சுகப்பிரசவத்தில் ஆண் குழந்தை பிறந்துள்ளது.
தமிழ்நாட்டில் வெள்ளித்திரைக்கு என்று ரசிகர்கள் பட்டாளம் இருப்பது போல, சின்னத்திரைக்கும் மிகப்பெரிய ரசிகர்கள் பட்டாளங்கள் உள்ளது. அதுவும் தற்போது முன்னணி தொலைக்காட்சிகளில் ஒளிபரப்பாகும் தொடர்களில் நடிப்பவர்களுக்கென்று இளைஞர்கள், பெரியவர்கள் என்று அனைத்து தரப்பினரும் ரசிகர்களாக உள்ளனர்.
இந்த நிலையில், தமிழ்நாட்டில் டாப் 5 தொலைக்காட்சி தொடர்களில் ஒன்றாக வலம் வருவது பாரதி கண்ணம்மா தொடர். இந்த தொடருக்கென்று ஏகப்பட்ட ரசிகர்கள் பட்டாளங்கள் உள்ளது. இந்த தொடரின் முக்கிய வில்லி கதாபாத்திரம் வெண்பா. வெண்பாவின் வில்லத்தனம் பாரதி கண்ணம்மா தொடரின் பிரதான அங்கமாகும். இந்த கதாபாத்திரத்தில் நடித்து வரும் பரீனா ஆசாத், வெண்பா கதாபாத்திரம் மூலம் மிகவும் பிரபலம் அடைந்தார்.
வெண்பா கதாபாத்திரத்தில் நடித்து வந்த பரீனாஆசாத் கடந்த சில மாதங்களுக்கு முன்பு கர்ப்பம் அடைந்தார். இதனால், கடந்த சில வாரங்களாக அவருக்கான காட்சிகள் குறைக்கப்பட்டிருந்தது. இந்த நிலையில், பரீனா ஆசாத் கடந்த சில தினங்களுக்கு முன்பு தனது இன்ஸ்டாகிராம் பக்கத்தில் பதிவொன்றை பதிவிட்டுள்ளார். அதில் தனக்கு ஆண் குழந்தை பிறந்துள்ளதாக அவர் கூறினார்
தற்போது, மருத்துவமனையில் அனுமதிக்கப்பட்டுள்ள நிலையில் புகைப்படம் ஒன்றை பரீனா ஆசாத் இன்ஸ்டாகிராம் ஸ்டோரியில் பதிவிட்டுள்ளார். அதில், அவர் தானும், மகனும் நலமாக இருப்பதாகவும், தனக்கு சுகப்பிரசவம் என்றும் குறிப்பிட்டுள்ளார். இதுமட்டுமின்றி தான் விரைவில் திரும்பி வருவேன் என்றும் பதிவிட்டுள்ளார்.
பரீனா ஆசாத்திற்கு சுகப்பிரசவம் மூலம் ஆண் குழந்தை பிறந்ததற்கு ரசிகர்கள் பலரும் வாழ்த்து தெரிவித்து வருகின்றனர். அதே சமயத்தில், பரீனா ஆசாத் தான் விரைவில் திரும்பி வருவேன் என்று கூறியிருப்பதால் அவர் மீண்டும் பாரதி கண்ணம்மா படப்பிடிப்பில் பங்கேற்பார் என்றும், வெண்பாவின் வில்லத்தனம் மீண்டும் தொடரும் என்றும் எதிர்பார்க்கப்படுகிறது.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
and tablets
