Maamannan: உண்மையான ‘மாமன்னன்’ இவர்தானா? - மாரி செல்வராஜ் கையில் எடுத்தது முன்னாள் சபாநாயகர் தனபால் கதையா?

மாரி செல்வராஜ் இயக்கத்தில் வெளியாகியுள்ள மாமன்னன் படத்தில் இடம் பெற்றுள்ள வடிவேலுவின் கேரக்டர் அரசியல் வட்டாரத்தில் பேசுபொருளாக மாறியுள்ளது. 

சபாநாயகர் தனபால் - வடிவேலு

மாரி செல்வராஜ் இயக்கத்தில் வெளியாகியுள்ள மாமன்னன் படத்தில் இடம் பெற்றுள்ள வடிவேலுவின் கேரக்டர் அரசியல் வட்டாரத்தில் பேசுபொருளாக மாறியுள்ளது. 

பெரும் எதிர்பார்ப்புகளுக்கிடையே மாரி செல்வராஜ் இயக்கத்தில் உதயநிதி ஸ்டாலின், வடிவேலு, பகத் பாசில், கீர்த்தி சுரேஷ், லால்  என பலரும் நடித்துள்ள மாமன்னன் படம் நேற்று தியேட்டரில் வெளியானது. ஏ.ஆர்.ரஹ்மான் இசையமைத்துள்ள இப்படம் ரசிகர்களிடையே கலவையான விமர்சனத்தைப் பெற்றுள்ளது. இந்த படம் உதயநிதியின் கடைசிப்படம் என்பதால் ஒட்டுமொத்த திரையுலகமும், ரசிகர்களும் பெரிய எதிர்ப்பார்ப்புடன் தியேட்டருக்கு படையெடுத்து வருகின்றனர். 

மாமன்னன் படம் பட்டியலின மக்களின் அடையாளத்தையும், அரசியலையும், ஆதிக்க வர்க்கம் எப்படி தங்களுக்கு சாதகமாக பயன்படுத்தி வருகின்றனர் என்பதை வெளிச்சம் போட்டு காட்டியுள்ளது. படம் பார்த்த பலரும் தங்களை பாதித்த வசனங்கள், காட்சிகள் குறித்த பல தகவல்களை சமூக வலைத்தளங்களில் பதிவிட்டு வருகின்றனர். இந்த படம் நடிகர் வடிவேலுவின் ஆளுமைக்கு மற்றுமொரு சான்று என பாராட்டுகள் குவிந்து வருகிறது. 

இப்படியான நிலையில் மாமன்னன் படம் பார்த்த பலரும் வடிவேலுவின் கேரக்டர் முந்தைய அதிமுக ஆட்சியில் சபாநாயகராக இருந்த தனபாலை நியாபகப்படுத்துவதாக குறிப்பிட்டு சமூக வலைத்தளங்களில் பதிவிட்டு வருகின்றனர். 

அதற்கு முதல் காரணம் கொங்கு மண்டலத்தில் இந்த கதையானது அமைக்கப்பட்டுள்ளது. பட்டியலின சமூகத்தைச் சேர்ந்த தனபால் அதிமுக சார்பில் 1977 ஆம் ஆண்டு முதல் 2021 ஆம் ஆண்டு வரை காலக்கட்டத்தில் நடந்த சட்டமன்ற தேர்தல்களில் 7 முறை போட்டியிட்டு வெற்றி பெற்றுள்ளார். நாமக்கல், சேலம், திருப்பூர் சங்ககிரி, ராசிபுரம் , அவிநாசி  தொகுதியில் இருந்தும் சட்டமன்ற உறுப்பினராக தேர்வு செய்யப்பட்டுள்ளார். 

2012 ஆம் ஆண்டு அப்போதைய அதிமுக ஆட்சியில் மறைந்த முன்னாள் முதலமைச்சர் ஜெயலலிதாவால் சபாநாயகராக நியமிக்கப்பட்டவர். மாமன்னன் படத்திலும் எம்.எல்.ஏ.வாக இருக்கும் வடிவேலு, மீண்டும் தேர்தலில் வெற்றி பெற்று சபாநாயகராக பதவியேற்பது போன்ற காட்சிகள் அமைக்கப்பட்டிருக்கிறது. சேலம் மாவட்ட அரசியல் பற்றி பேசுவதால் மாமன்னன் படம் பேசுவதால் இந்த படம் தனபாலின் கதை தான் என பலரும் சமூக வலைத்தளங்களில் பகிர்ந்து வருகின்றனர்.

மேலும் படிக்க: மாமன்னன்.. இவன் மக்களின் மன்னன்...சம்பவம் செய்த மாரி செல்வராஜ்.. முழு விமர்சனம் இதோ...!