Director Bala Divorce: இயக்குநர் பாலாவின் விவாகரத்து.. அதிகம் பேசிய பயில்வான்.. தொடரும் கண்டனங்கள்!!
பாலா ஏன் அவரது மனைவியை விவாகரத்து செய்தார் என்பது குறித்து பயில்வான் ரங்கன் பேசியுள்ளார்.
இந்த விவகாரம் குறித்து பிரபல யூடியூப் சேனலுக்கு பேட்டியளித்த பயில்வான் ரங்கன், “ கடந்த 4 ஆண்டுகளாக பாலாவும் அவரது மனைவி முத்துமலரும் பிரிந்து வாழ்ந்து வந்தனர். கவுன்சலிங் செய்யப்பட்டபோதும் அவர்கள் பிரியவே விருப்பப்பட்டதால் அவர்களுக்கு நீதிமன்றம் விவாகரத்து வழங்கியது. முத்துமலரின் பழைய காதல் விவகாரம் பிரச்னைக்கு தொடக்கமாக இருந்துள்ளது.
இதனிடையே பாலாவின் சில நடவடிக்கைகள், முத்துமலருக்கு பிடிக்கவில்லையாம். பாலாவுக்கு புகைப்பிடித்தல் பழக்கம், இன்னும் சில கெட்ட பழக்கங்கள் இருந்ததாக தெரிகிறது. பாலாவும் இரவு வீட்டிற்கு மிகவும் தாமதமாக செல்வதையும், சில சமயங்களில் அவர் வீட்டிற்கே செல்லாமல் இருப்பதையும் வழக்கமாக வைத்திருந்ததாகவும் சொல்லப்படுகிறது. பாலாவின் இந்த நடவடிக்கைகளும், மலருக்கு நியாபகம் வந்த பழைய காதலும் அவர்களுக்குள் கருத்துவேறுபாட்டை உண்டாக்கியது. இதுதான் பாலாவின் விவாகரத்துக்கு காரணம் என்று கூறுகிறார் பயில்வான் ரங்கன்.
இவரது இந்த பேச்சுக்கு, சமூக வலைதளங்களில் பலர் எப்படி இவர் மற்றவர் பர்சனல் வாழ்கையில் நடக்கும் விஷயங்களை பேசுகிறார். இவருக்கு அந்த அளவுக்கு அதிகாரம் கொடுத்தது யார் போன்ற கேள்விகளை எழுப்பி வருகின்றனர்.
தமிழ் சினிமாவில் முன்னணி இயக்குநராக இருப்பவர் பாலா. சேது படத்தின் மூலம் இயக்குநராக அறிமுகமானார். அதன்பிறகு, நந்தா, பிதாமகன், நான் கடவுள் என பல வெற்றிப்படங்களை கொடுத்து தமிழ் சினிமாவை அடுத்தக்கட்டத்திற்கு கொண்டு சென்றார். சூர்யா, விக்ரம், விஷால், ஆர்யா போன்றவர்களை நல்ல நடிகர்களாக மாற்றியவர் பாலா. இவரின், படங்களில் நடிக்க பல கதாநாயகர்களும் எதிர்பார்த்துக்கொண்டிருக்கின்றனர். தயாரிப்பாளர், இயக்குநர் என பல அவதாரங்களை கொண்டுள்ள பாலா. தனது உறவினர் பெண்ணான முத்துமலரை பாலா கடந்த 2004ஆம் ஆண்டு திருமணம் செய்து கொண்டார்.
இரண்டு பேரும் கடந்த நான்கு வருடங்களாக மனதளவில் பிரிந்திருந்தனர். தற்போது, சட்டப்பூர்வமாக பிரிந்துள்ளனர். இதன்மூலம், 17 வருடங்கள் தம்பதி வாழ்க்கை முடிவுக்கு வந்துள்ளது. இவர்களுக்கு பெண் குழந்தை ஒன்று உள்ளது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
