Aamir Khan: லால் சிங் சத்தா தோல்வியை ஒப்புக்கொண்டதா தயாரிப்பு நிறுவனம்? வீடியோ திடீர் டெலிட்!
லால் சிங் சத்தா திரைப்படம் தோல்வியடைந்ததாக கூறி, அமீர்கான் புரொடக்ஷன் அமீர்கான் புரொடக்ஷன் சமூக வலைதளத்தில் இருந்து வீடியோ ஒன்று வெளியாகி பரபரப்பை ஏற்படுத்தியுள்ளது.
அமீர்கான் புரொடக்ஷன் சமூக வலைதளத்தில் லால் சிங் சத்தா திரைப்படம் தோல்வியடைந்ததாக கூறி மன்னிப்பு கேட்கப்பட்டு வீடியோ ஒன்று வெளியாகி பரபரப்பை ஏற்படுத்தியுள்ளது.
“ Michami Dukkada” ( எனது முறையற்ற செயல்கள் அனைத்து பயனற்றதாக போகட்டும்) என்ற வார்த்தையில் ஆரம்பமான அந்த வீடியோவின் பின்னணியில், “நாம் அனைவரும் மனிதர்கள், நாம் தவறுகளை மட்டுமே செய்கிறோம். சில சமயங்களில் நம் வார்த்தைகளாலும், சில நேரங்களில் நம் செயல்களாலும், சில சமயங்களில் நாம் அறியாமலும், சில நேரங்களில் கோபமாகவும் தவறுகளை செய்கிறோம்.
நாங்களும் எங்களுடைய நகைச்சுவைகளாலும், சில சமயங்களில் பேசாமலும் மக்களை காயப்படுத்துகிறோம். நான் உங்கள் உணர்வுகளை எப்போதாவது புண்படுத்தியிருந்தால், நான் ஆழ்மனதில் இருந்து மன்னிப்பு கேட்கிறேன்.” என்று குறிப்பிடப்பட்டிருந்தது. ஆனால் சிறுது நேரத்தில் அந்த வீடியோ டெலிட் செய்யப்பட்டது. இதைப்பார்த்த அமீர்கானின் ரசிகர்கள் கணக்கு ஹேக் செய்யப்பட்டு விட்டதாக ட்விட் செய்து வருகின்றனர்.
View this post on Instagram
ஹாலிவுட்டில் புகழ்பெற்ற நடிகர் டாம் ஹாங்ஸ் நடித்து பல விருதுகளைக் குவித்த ஃபாரஸ்ட் கம்ப் எனும் பிரபல திரைப்படத்தின் அதிகாரப்பூர்வ ரீமேக்காக லால் சிங் சத்தா படம் உருவாகி உள்ளது. அமீர் கான், கரீனா கபூர் நடிப்பில் வரும் ஆகஸ்ட் 11ஆம் தேதி இப்படம் உலகம் முழுவதும் வெளியானது. தமிழில் இப்படத்தை உதயநிதி ஸ்டாலினின் ரெட் ஜெயிண்ட் நிறுவனம் வெளியிட்டது.
இந்தப்படத்தில் நடிகர் நாகசைதன்யா இப்படத்தில் முக்கியக் கதாபாத்திரத்தில் நடித்திருந்தார். மேலும், Viacom 18 மோஷன் பிக்சர்ஸ் மற்றும் அமிர்கான் புரொடக்ஷன்ஸ் இணைந்து இந்தப் படத்தை தயாரித்து இருந்தனர். அத்வைத் சந்தன் இயக்கி இருந்தார். படம் வெளியாகி ஒரு பக்கம் கலவையான விமர்சனங்களை பெற, ஒரு சிலர் படத்தை புறக்கணிக்கும் வகையில் பாய் காட் லால்ம் சிங் சத்தா என்ற ஹேஷ்டேக்கை ட்ரெண்ட் செய்னர்.
சர்ச்சையான பேட்டி
முன்னதாக, கடந்த 2015 ஆம் ஆண்டு அமீர்கான் கொடுத்த பேட்டி ஒன்றில் ‘நாட்டில் சகிப்புத்தன்மை குறைந்து வருகிறது என்றும் சகிப்புத்தன்மை குறைந்து வருவதால் நாட்டை விட்டு வெளியேறி விடலாமா என்று அவரது முன்னாள் மனைவி கிரண் ராவ் தன்னிடம் கேட்டதாகவும் பேசினார். அவரது இந்தப்பேச்சு அப்போது பெரும் சர்ச்சையை கிளப்பி, ஆதரவு மற்றும் எதிர்ப்புகளை பெற்றது. அவர் பேசிய அந்தக்கருத்துக்கு எதிர்ப்பு தெரிவிக்கும் வகையில் லால் சிங் சத்தா படத்தை தடை செய்ய வேண்டும் என்ற நோக்கில் அண்மையில் ட்விட்டரில் பாய்காட் லால் சிங் சத்தா என்ற ஹேஷ்டேக் ட்ரெண்ட் ஆனது.
View this post on Instagram
இந்த நிலையில் அது குறித்து அமீர்கானிடம் கேட்கப்பட்டது. இதற்கு பதிலளித்த நடிகர் அமீர்கான், “ இது போன்ற பாய்காட் பாலிவுட்.. பாய்காட் அமீர்கான்.. பாய்காட் லால் சிங் சத்தா ஹேஷ்டேக்குகள் எனக்கு மிகவும் கவலையை அளிக்கிறது. காரணம், ஏராளமானோரின் இதயங்கள் எனக்கு இந்தியா பிடிக்காது என்று நம்பிக்கொண்டிருக்கிறது. ஆனால் அது உண்மையில்லை. நாட்டை நேசிக்கிறேன் நான் உண்மையில் இந்த நாட்டை நேசிக்கிறேன். நான் அப்படித்தான். சிலர் அப்படி உணர்ந்தால் அது துர்திஷ்டவசமானது. மேலும் தனது ரசிகர்களிடமும், பார்வையாளர்களையும் கேட்டுக்கொண்ட அமீர்கான், “ ஆனால் அது அப்படி இல்லை என்றும் தயவு செய்து எனது படத்தை புறக்கணிக்காதீர்கள் என்றும் தயவு செய்து என் படங்களை பாருங்கள்” என்று பேசினார்.
தலைப்பு செய்திகள்
ட்ரெண்டிங் செய்திகள்
