![metaverse](https://cdn.abplive.com/imagebank/metaverse-top.png)
Losliya lijomol Jose Movie: ஜெய்பீம் லிஜோமோல் ஜோஸ் மற்றும் லாஸ்லியா இணைந்து நடிக்கும் ‘அன்னபூரணி’ - இயக்குநர் யாரு தெரியுமா?
பிக்பாஸ் புகழ் லாஸ்லியா மற்றும் ஜெய்பீம் படப்புகழ் லிஜோமோல் ஜோஸ் ஆகியோர் நடிப்பில் உருவாகியிருக்கிறது “அன்ன பூரணி” திரைப்படம்
![Losliya lijomol Jose Movie: ஜெய்பீம் லிஜோமோல் ஜோஸ் மற்றும் லாஸ்லியா இணைந்து நடிக்கும் ‘அன்னபூரணி’ - இயக்குநர் யாரு தெரியுமா? Annapoorani movie starring Bigg Boss fame Losliya Mariyanesanand lijomol jose Firstlook Revealed by vetrimaaran and jayam ravi Losliya lijomol Jose Movie: ஜெய்பீம் லிஜோமோல் ஜோஸ் மற்றும் லாஸ்லியா இணைந்து நடிக்கும் ‘அன்னபூரணி’ - இயக்குநர் யாரு தெரியுமா?](https://feeds.abplive.com/onecms/images/uploaded-images/2022/10/25/f926a901d0b55923b0a4c1abe357cf401666693766212570_original.jpg?impolicy=abp_cdn&imwidth=1200&height=675)
பிக்பாஸ் புகழ் லாஸ்லியா மற்றும் ஜெய்பீம் படப்புகழ் லிஜோமோல் ஜோஸ் ஆகியோர் நடிப்பில் உருவாகியிருக்கிறது “அன்ன பூரணி” திரைப்படம்
Komala Hari Pictures மற்றும் One Drop Ocean Pictures நிறுவனங்களின் தயாரிப்பில், அறிமுக இயக்குநர் லயோனல் ஜோஸ்வா இயக்கத்தில், லிஜோமோல் ஜோஸ், லாஸ்லியா, மெட்ராஸ் ஹரிகிருஷ்ணன் நடிப்பில் திரில்லர் ட்ராமாவாக உருவாகியுள்ள திரைப்படம் “அன்ன பூரணி”. இப்படத்தின் ஃபர்ஸ்ட்லுக்கை பிரபல இயக்குநர் வெற்றிமாறன் மற்றும் நடிகர் ஜெயம் ரவி ஆகியோர் சமூக வலைத்தள பக்கங்களில் வெளியிட்டனர்.
எங்கெல்லாம் அன்பினாலும் அதிகாரத்தினாலும் ஒரு பெண் அடக்கப்படுகிறாளோ அங்கெல்லாம் ஓர் #அன்னபூரணி தேவைப்படுகிறாள்! Happy to reveal First Look of #ANNAPOORNI @lionaljoshua @dop_hector @jose_lijomol @thehari___ @rajiv_dmk #Losliya #KHPICTURES #ODOPICTURES #GovindVasanthaMusical pic.twitter.com/c4nXk3LetY
— Jayam Ravi (@actor_jayamravi) October 24, 2022
லாஸ்லியா மற்றும் ஜெய் பீம் படத்தில் யதார்த்தமான நடிப்பை வெளிப்படுத்திய லிஜோமோல் ஜோஸ் இந்தப்படத்தில் முதன்மையான கதாபாத்திரத்தில் நடித்தனர். இவர்களுடன் மெட்ராஸ் ஹரிகிருஷ்ணன், தோழர் ராஜீவ் காந்தி ஆகியோரும் நடித்துள்ளனர்.
படத்தின் கதை!
குடும்ப அமைப்பிற்குள் வாழும் ‘பூரணி’, குடும்ப அமைப்பிற்கு வெளியே வாழும் ‘அனா’ஆகிய இருவரின் பயணமே இந்தப்படம். பெண்கள் குடும்ப அமைப்பிற்குள் அனுபவிக்கும் சிரமங்களை, கருத்து சொல்லும்படியாக இல்லாமல் ரசிகர்களுக்கு பிடிக்கும் வண்ணம், ஒரு மாறுபட்ட திரில்லர் ட்ராமாவாக இந்தப்படம் சொல்லி இருக்கிறதாம். பிரபல பாடலாசிரியரான யுகபாரதி இந்தப்படத்தின் பாடல்களை எழுதியதுடன் படத்திற்கான வசனங்களையும் எழுதியுள்ளார்.
இந்தப்படத்திற்கு ‘96 படப்புகழ் கோவிந்த் வஸந்தா இசையமைத்து இருக்கிறார். இப்படத்தின் படப்பிடிப்பு பணிகள் முடிந்த நிலையில், இறுதி கட்ட பணிகள் தீவிரமாக நடந்து வருகிறது. இப்படத்தின் இசை உரிமையினை TIPS MUSIC பெற்றுள்ளது. படத்தின் டிரெய்லர், இசை மற்றும் திரை வெளியீடு குறித்த அறிவிப்புகள் விரைவில் அதிகாரப்பூர்வமாக வெளியாகும் என்று தெரிவிக்கப்பட்டுள்ளது.
View this post on Instagram
முன்னதாக சூர்யா நடித்து தயாரித்து வெளியான ஜெய்பீம் படமானது உலக அளவில் மிகப்பெரிய கவனம் பெற்ற பல்வேறு விருதுகளையும் வென்றது. பழங்குடியின மக்களின் மீது காவல்துறை செலுத்தும் கோர அதிகாரத்தை வெளிச்சமிட்டு காட்டிய இந்தத்திரைப்படத்தில் கதாநாயகியாக லிஜோமோல் ஜோஸ் நடித்து இருந்தார். யதார்த்தமான நடிப்பை வெளிப்படுத்திய இவருக்கு திரையுலகில் பலரின் பாராட்டைப் பெற்றது.
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)