69th National Film Awards: புஷ்பராஜ் முதல் கங்குபாய் வரை.. தேசிய விருதுகளை பெற்றுக் கொண்ட இந்தியப் பிரபலங்கள்!

69th National Film Awards: நடிகர் அல்லு அர்ஜூன் புஷ்பா திரைப்படத்திற்காக சிறந்த நடிகருக்கான தேசிய விருதை குடியரசுத் தலைவர் திரெளபதி முர்முவிடமிருந்து பெற்றுக் கொண்டார். 

ஆலியா பட், அல்லு அர்ஜுன் image source: twitter

2021ஆம் ஆண்டுக்கான 69வது தேசிய திரைப்பட விருதுகள் வழங்கும் விழா (69th National Film Awards) கடந்த ஆகஸ்ட் 24ஆம் தேதி அறிவிக்கப்பட்டது. தமிழ், இந்தி, மலையாளம், தெலுங்கு, கன்னடம் உள்ளிட்ட மொழிகளில் வெளிவந்த படங்களைக் கொண்டு சிறந்த நடிகர், சிறந்த நடிகை, சிறந்த திரைப்பட இயக்குநர், சிறந்த பாடகர், சிறந்த படத்தொகுப்பு, தொழில்துறை வல்லுநர்கள் என பல்வேறு பிரிவுகளில் தேசிய திரைப்பட விருதுகள் அறிவிக்கப்பட்டன.

விருது வென்ற தமிழ் படங்கள்

தமிழில் இயக்குநர் மணிகண்டன் இயக்கிய கடைசி விவசாயி திரைப்படம் சிறந்த தமிழ் மொழித் திரைப்படம் விருதைப் பெற்றுள்ளது. இந்தப் படத்தில் நடித்த மறைந்த நடிகர் நல்லாண்டிக்கு சிறப்பு பிரிவில் விருது அறிவிக்கப் பட்டது. நடிகர் ஆர். பார்த்திபன் இயக்கி, ஏ.ஆர்.ரஹ்மான் இசையமைத்த ‘இரவின் நிழல்’ படத்தின் பாடலுக்காக ஸ்ரேயா கோஷலுக்கு விருது அறிவிக்கப்பட்டது.

டெல்லியில் விருது வழங்கும் நிகழ்ச்சி

இந்நிலையில் இன்று டெல்லியில் தேசிய விருதுகள் வழங்கும் விழா நடைபெற்று வருகிறது. தமிழ் மட்டுமில்லாமல் இந்தி, தெலுங்கு , மற்றும் பிற மொழிகளில் இந்த விருது அறிவிக்கப்பட்டுள்ள பிரபலங்களும் இந்த நிகழ்ச்சிக்கு வருகை தந்துள்ளார்கள். 

விருதை பெற்றுக் கொண்ட அல்லு அர்ஜுன்

#WATCH | Allu Arjun receives the Best Actor Award for 'Pushpa: The Rise', at the National Film Awards. pic.twitter.com/FemqdiV41y

— ANI (@ANI) October 17, 2023

இந்த நிகழ்ச்சியில் கலந்துகொண்ட நடிகர் அல்லு அர்ஜூன் புஷ்பா திரைப்படத்திற்காக சிறந்த நடிகருக்கான தேசிய விருதை குடியரசுத் தலைவர் திரெளபதி முர்முவிடமிருந்து பெற்றுக் கொண்டார்.  சிறந்த நடிகருக்கான தேசிய விருது வெல்லும் முதல் தெலுங்கு நடிகர் அல்லு அர்ஜூன் என்பது குறிப்பிடத் தக்கது. 

விருது வென்ற தேவி ஸ்ரீ பிரசாத்

இதனைத் தொடர்ந்து புஷ்பா திரைப்படத்துக்கு இசையமைத்த இசையமைப்பாளர் தேவிஸ்ரீ பிரசாத், சிறந்த இசையமைப்பாளருக்கான தேசிய விருதை குடியரசுத் தலைவரிடமிருந்து பெற்றுக் கொண்டார்.

THE MAN WHO SHOOK THE ENTIRE NATION WITH THE CHARTBUSTER ALBUM ❤️‍🔥❤️‍🔥

ROCKSTAR @ThisIsDSP receives the 'Best Music Direction - Songs' Award at the '69th National Film Awards' Ceremony for #PushpaTheRise 🎼🎼

Icon Star @alluarjun @iamRashmika #FahadhFaasil @aryasukku… pic.twitter.com/aIwaBpJYd3

— Mythri Movie Makers (@MythriOfficial) October 17, 2023

சிறந்த நடிகை

சிறந்த நடிகைக்கான தேசிய விருதை பாலிவுட் நடிகை அலியா பட் பெற்றுக்கொண்டார். சஞ்சய் லீலா பன்சாலி இயக்கிய கங்குபாய் கத்தியாவாடி படத்திற்காக இந்த விருது அவருக்கு வழங்கப்பட்டுள்ளது.

விருது வென்ற மாதவன்

#WATCH | Producer Varghese Moolan and actor-director R. Madhavan receive the Best Feature Film Award for 'Rocketry: The Nambi Effect', at the National Film Awards. pic.twitter.com/e8ASoc3amR

— ANI (@ANI) October 17, 2023

நடிகர் மாதவன் இயக்கி, நடித்த ராக்கெட்ரி தி நம்பி எஃபெக்ட் சிறந்த திரைப்படத்துக்கான தேசிய விருது அறிவிக்கப்பட்டுள்ளது. இந்திய விண்வெளி அமைப்பான இஸ்ரோவின் முன்னாள் விஞ்ஞானி நம்பி நாராயணனின் வாழ்க்கையை அடிப்படையாகக் கொண்டு இந்தப் படத்தில் நடிகர் சூர்யா சிறப்புத் தோற்றத்தில் நடித்திருந்தார். நடிகை சிம்ரன் ஹீரோயினாக நடித்திருந்தார். இப்படத்துக்கு சிறந்த  திரைப்படத்துக்கான விருது அறிவிக்கப்பட்டுள்ளது..

விருது வென்ற பிற நடிகர்கள்

இதனைத் தொடர்ந்து சிறந்த துணை நடிகருக்கான தேசிய விருதை இந்தி நடிகர் பங்கஜ் திரிபாதி பெற்றுக் கொண்டார்.