Oviya: ஓவியா ஆர்மியே உயிர்கொள்.... விரைவில் வாராவாரம் டிவி நிகழ்ச்சியில் ஓவியா!
பிக் பாஸ் ஐந்து சீசன்களைக் கடந்தும் முதல் சீசனில் பங்குபெற்று ரசிகர்களின் இதயங்களை வென்று சிம்மாசனம் போட்டு இன்று வரை ஆட்சி செய்யும் ஓவியா மீதான க்ரேஸ் கொஞ்சமும் குறையவில்லை
பிக்பாஸ் தொடங்கி எண்ணற்ற ரசிகர் பட்டாளத்தைக் கொண்டிருக்கும் நடிகை ஓவியா, விரைவில் தொலைக்காட்சி நிகழ்ச்சியின் நடுவராக பங்கேற்க உள்ளதாகத் தகவல்கள் வந்துள்ளன.
பிக் பாஸ் ஐந்து சீசன்களைக் கடந்தும் முதல் சீசனில் பங்குபெற்று ரசிகர்களின் இதயங்களை வென்று சிம்மாசனம் போட்டு இன்று வரை ஆட்சி செய்யும் ஓவியா மீதான க்ரேஸ் கொஞ்சமும் குறையவில்லை!
இதயங்களை வென்ற ஓவியா!
தமிழில் ’களவாணி’ படத்தின் மூலம் அறிமுகமான ஓவியா, தன் நடிப்பு தாண்டி பிக் பாஸ் நிகழ்ச்சியில் வெளிப்படுத்திய தன் குணத்தின் மூலமும், எளிமையாகப் பழகும் விதத்தாலும், மலையாளம் கலந்த தன் கொஞ்சும் தமிழ் பேச்சாலும் மாபெரும் ரசிகர் பட்டாளத்தைப் பெற்றார்.
பாமக தலைவர் அன்புமணி ராமதாஸ் ”ஓவியாவைக் காப்பாற்ற வாக்களித்த மக்கள், எனக்கு வாக்களித்திருந்தால் நான் அவர்களைக் காப்பாற்றியிருப்பேன்” என மேடையிலேயே தெரிவித்தார். அந்த அளவுக்கு மாபெரும் ஆர்மியை ஓவியா கொண்டிருந்தார்.
மீண்டும் சின்னத்திரை எண்ட்ரி?
View this post on Instagram
எனினும் பிக் பாஸ் நிகழ்ச்சி முடிந்து தொடர்ந்து படங்களில் பெரிதாக கவனம் செலுத்தாத ஓவியா, மக்கள் கொண்டாடும் தன் இயல்பை இன்று வரை கெட்டியாகப் பிடித்தபடி அவ்வப்போது திரையில் தோன்றி தன் ரசிகர்களை மகிழ்வித்து வருகிறார்.
இந்நிலையில், ஜீ தமிழ் தொலைக்காட்சியில் விரைவில் ஒளிபரப்பாக உள்ள ’டான்ஸ் ஜோடி டான்ஸ்’ நிகழ்ச்சியில் நடுவராக ஓவியா பங்கேற்க உள்ளதாகத் தகவல்கள் வெளிவந்துள்ளன.
இந்த நிகழ்ச்சியின் முதல் எபிசோடுக்கான ஷூட்டிங் நடந்து முடிந்துள்ள நிலையில், நிகழ்ச்சியில் ஓவியாவுடன் நடன இயக்குநர் பாபா பாஸ்கர், நடிகைகள் சினேகா, சங்கீதா ஆகியோரும் நடுவர்களாக இணைந்துள்ளனர்.
ஓவியா ஆர்மி ஹேப்பி!
முன்னதாக டிஸ்னி ஹாட்ஸ்டாரில் ஓவியா பங்கேற்பார் எனத் தெரிவிக்கப்பட்ட நிலையில், அவர் கொரோனா தொற்று காரணமாக பங்கேற்கவில்லை எனத் தகவல்கள் வெளியாகின.
இந்நிலையில், தற்போது ஜீ தமிழ் நடன நிகழ்ச்சியில் பல ஆண்டுகளுக்குப் பிறகு வாராவாரம்
தோன்றி தன் மழலைப் பேச்சாலும் கனிவான குணத்தாலும் ஓவியா அனைவரையும் மகிழ்விப்பார் என அவரது ரசிகர்கள் எதிர்பார்த்துக் காத்துள்ளனர்.
தலைப்பு செய்திகள்
ட்ரெண்டிங் செய்திகள்
