Vettaiyan: வேட்டையன் படத்தில் என்ன கதாபாத்திரம்? நடிகை மஞ்சுவாரியர் பரபரப்பு பேட்டி

வேட்டையன் படத்தில் தனது கதாபாத்திரம் என்னவென்று பிரபல நடிகை மஞ்சுவாரியர் பேட்டி அளித்துள்ளார்.

மஞ்சுவாரியர் - ரஜினிகாந்த்

Source : twitter

தமிழ் திரையுலகின் சூப்பர்ஸ்டாராக உலா வருபவர் ரஜினிகாந்த். இவரது நடிப்பில் உருவாகியுள்ள திரைப்படம் வேட்டையன். ஜெய்பீம் படம் மூலமாக தமிழ் சினிமாவின் தரமான இயக்குனர் என்று புகழ்பெற்ற இயக்குனர் ஞானவேல் இயக்கத்தில் இந்த படம் உருவாகியுள்ளது.

வேட்டையன் படத்தில் என்ன கதாபாத்திரம்?

ரஜினிகாந்த் படம் என்றாலே பொதுவாக எதிர்பார்ப்பு அதிகளவில் இருக்கும். ஜெய்பீம் இயக்குனர் இயக்கத்தில் உருவாகியுள்ள படம் என்பதால் எதிர்பார்ப்பு இன்னும் அதிகரித்தது. இந்த படத்தில் ரஜினிகாந்துடன் அமிதாப்பச்சன், மஞ்சு வாரியர், பகத் பாசில் என மிகப்பெரிய நட்சத்திர பட்டாளமே நடிக்கின்றனர்.

மலையாள திரையுலகின் முன்னணி நடிகையான மஞ்சுவாரியர் வேட்டையன் படம் குறித்து தனியார் தொலைக்காட்சி ஒன்றுக்கு பேட்டி அளித்துள்ளார். அவரிடம் வேட்டையன் படத்தில் அவரது கதாபாத்திரம் குறித்து கேட்கப்டட்டது. அதற்கு அவர், “வேட்டையன் படத்தில் எனது கதாபாத்திரத்திற்கான படப்பிடிப்பு முடிந்துவிட்டது. ரஜினிகாந்துடன் மனைவியாக நடிக்கிறேன். அது முழுக்க முழுக்க ரஜினிகாந்தின் படம். அதில் கூடுதல் சிறப்பு என்னவென்றால் ஜெய்பீம் படத்தை இயக்கிய ஞானவேல் இயக்கியுள்ள படம் என்பது ஆகும். ரஜினிகாந்த் போன்ற மிகப்பெரிய ஸ்டாரை ஞானவேல் போன்ற இயக்குனர் இயக்கும்போது தரமான கதையாக அமையும். படப்பிடிப்பு முழுவதும் முடிந்துவிட்டது.”

இவ்வாறு அவர் கூறினார்.

மிகுந்த எதிர்பார்ப்பு:

மலையாள திரையுலகின் முன்னணி நடிகையாக இருக்கும் மஞ்சுவாரியர், வெற்றிமாறன் இயக்கிய அசுரன் படம் மூலமாக தமிழில் அறிமுகமானார். அதன்பின்பு, அஜித்குமாருடன் இணைந்து துணிவு படத்தில் முக்கியமான கதாபாத்திரத்தில் நடித்தார். தற்போது, ரஜினிகாந்துடன் இணைந்து வேட்டையன் படத்தில் நடித்துள்ளார். வேட்டையன் படத்தின் மீது மிகுந்த எதிர்பார்ப்பு ஏற்பட்டுள்ளது.

மஞ்சுவாரியருக்கு தொடர்ந்து தமிழில் பல படங்களில் நடிக்க வாய்ப்புகள் குவிந்து வருகிறது. அவரும் நல்ல தரமான கதைகளை மட்டுமே தேர்வு செய்து நடித்து வருகிறார். மலையாளத்திலும் அவருக்கு இளம் கதாநாயகிகளுக்கு சவால் விடுக்கும் அளவிற்கு படங்கள் குவிந்து வருகிறது. விடுதலை 2ம் பாகத்திலும் மஞ்சுவாரியர் முக்கிய கதாபாத்திரத்தில் நடிப்பதாக தகவல்கள் வெளியாகியுள்ளது. இவரது நடிப்பில் எம்புரான் என்ற படமும் படப்பிடிப்பில் உள்ளது. வேட்டையன் படத்தில் அசுரன் படம் போலவே மஞ்சுவாரியருக்கு கனமான கதாபாத்திரம் வழங்கப்பட்டுள்ளதாகவும் கூறப்படுகிறது.

மேலும் படிக்க: Wayanad : ரூ.25 லட்சம் வழங்கிய ஃபகத் ஃபாசில்...மம்மூட்டி ரூ.20 லட்சம்.. வயநாட்டை அணைக்கும் பிரபலங்கள்..

மேலும் படிக்க: BOAT Movie Review: சிம்புதேவனின் போட் கரை சேர்ந்ததா? கடலில் மூழ்கியதா? முழு திரை விமர்சனம்