அக்ரீமெண்ட் போட்டு டார்ச்சர்...மனைவியை வைத்து மிரட்டும் எரும சாணி விஜய்..இளம் நடிகை வெளியிட்ட வீடியோ

யூடியூபராக இருந்து நடிகரான நடிகர் விஜய்குமார் மற்றும் அவரது மனைவி மீது இளம் நடிகை அனுகிரஹா உழைப்புச் சுரண்டல் மோசடி குற்றச்சாட்டு வைத்துள்ளார்

எரும சாணி விஜய்

Source : X

ஜியோஹாட்ஸ்டாரில் ஸ்ட்ரீமாகி வரும் ரெஸார்ட் வெப் சிரிஸில் நடிக்க வைப்பதாக சொல்லி தன்னை 8 மாதங்கள் முடக்கி வைத்ததாக இளம் நடிகை அனுகிரஹா குற்றச்சாட்டு வைத்து வீடியோ வெளியிட்டுள்ளார். எரும சானி யூடியுப் தொடர் மூலம் பிரபலமான விஜயகுமார் ராஜேந்திரன் மற்றும் அவரது மனைவி நக்‌ஷ்த்ரா இருவரை குற்றம்சாட்டி அவர் இந்த வீடியோவில் தனக்கு ஏற்பட்ட அனுபவங்களை பகிர்ந்துள்ளார். 

யூடியூபில் எரும சானி என்கிற சேனல் மூலம் பிரபலமானவர் நடிகர் விஜய் ராஜேந்திரன் . இவர் நடித்துள்ள ரெஸார்ட் வெப் சீரிஸ்  தற்போது ஜியோஸ்டார் வெப் சீரில் ஸ்ட்ரீமாகிக் கொண்டிருக்கிறது.  இந்த சீரிஸில் நாயகியாக நடிக்க வாய்ப்பு தருவதாக  எரும சானி விஜய் தன்னை ஒப்பந்தம் செய்து  படப்பிடிப்பும் துவங்காமல் , சம்பளமும் தராமல் 8 மாதங்கள் அலைகழித்ததாக இளம் நடிகை அனுகிரஹா வீடியோ வெளியிட்டுள்ளார். இந்த சீரிஸ் விஜயகுமார் தலைமையில் உருவாவதாக சொல்லப்போய் தான் அவரிடம் கேட்டேன். ஆனால் அவர் தயாரிப்பாளர்களை கைகாட்டுகிறார். நான் கேரளாவில் இருந்து சிறு கிராமத்தில் இருந்து சினிமா கனவை சுமந்து வந்த பெண். என்னைப் போன்ற ஒரு நடிகரை இப்படி உழைப்புச் சுரண்டல் செய்துள்ளார்கள். ஒரு வருடத்திற்கான அக்ரீமெண்ட் போட்டு வேறு எந்த படத்திலும் நடிக்கவிடாமல் முடக்கிவிட்டார்கள். அவர்கள் சொன்னதை நம்பி சாப்பாடு இல்லாமல் , தங்க இடமில்லாமல்   நான் கஷ்டப்பட்டேன். 4 மாதங்களாக சம்பளம் வரவில்லை என கேஷியரிடம் கேட்டாள் விஜய் தான்  நிறுத்தச் சொன்னார்கள் என்கிறார்கள். கடந்த இரண்டு வாரங்களாக தூக்கமில்லாமல்  வலிப்பு வந்து மருத்துவமனையில் அனுமதிக்கப்பட்டேன். 

எனக்காக என் நண்பர் விஜயிடம் பேசி நான் மருத்துவமனையில் இருக்கும் தகவலை தெரிவித்தார். உங்கள் குழுவில் வேலை செய்யும் பெண் மருத்துவமனையில் இருக்கிறார் என்று சொன்னால் அவர் எப்படி இருக்கிறார் என்று ஒரு வார்த்தைக்கூட கேட்காமல் 'சரி அப்படியென்றால் அவர் நடிக்க வரவேண்டாம்' என்று சொல்லியிருக்கிறார் விஜய்" 

விஜய் மட்டுமில்லாமல் அவரது மனைவி நக்‌ஷத்ரா தன்னை தகாத முறையில் பேசிய  ஆதாரங்கள் தன்னிடம் இருப்பதாகவும் விஜய் தொலைக்காட்சி , ஜியோ ஹாட்ஸ்டார் மற்றும் தயாரிப்பாளர்கள் க்ளோபல் வில்லேஜர்ஸ் தனக்கு இந்த விஷயத்தில் ஒரு தீர்வை சொல்லவில்லை என்றால் தான் சட்டரீதியாக நடவடிக்கை எடுக்கவும் தயார் என அவர் கூறினார். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Anugraha S Nambiar (@anugraha_s_nambiar_)