Watch video : நீலாம்பரியாக மாறிய நடிகை அஞ்சு குரியன்.. வெள்ளை சேலையில் கெத்து நடை!

அஞ்சு குரியன் தற்போது விஜய் நடிப்பில் வெளியான பீஸ்ட் படத்தின் BGM க்கு படையப்பா படத்தில் வரும் நீலாம்பரி கதாபாத்திரம் போல் நடந்து வந்த வீடியோவும் இணையத்தில் படு வைரலாகி வருகிறது.

Written By : முகேஷ் | Updated at : 31 May 2022 08:56 PM (IST)

அஞ்சு குரியன்

நடிகை அஞ்சு குரியன் தமிழ், மலையாளம் மற்றும் தெலுங்கு படங்களில் நடித்துள்ளார். தமிழில் நிறைய படங்களில் நடிக்கவில்லை என்றாலும் அஞ்சு குரியனுக்கு தமிழில் ஏராளமான ரசிகர்கள் உண்டு. அவரது சமூக ஊடகங்களான இன்ஸ்டாகிராம் பக்கத்திலும் ஏராளமான ரசிகர்கள் பின்தொடர்கிறார். இவரது இன்ஸ்டாகிராம் பக்கத்தில் அவ்வபோது இவர் அட்டகாசமான போட்டோஷூட்கள் மற்றும் ரீல் வீடியோக்களால் வெளியிடுவார். அதுவும் இணையத்தை ஒரு கலக்கு கலக்கும்.

அல்போன்ஸ் புத்திரன் இயக்கிய ‘நேரம்’ படத்தில் சிறிய வேடத்தில் நடித்து மலையாள திரையுலகில் அறிமுகமானவர் அஞ்சு குரியன். அவர் பல இசை ஆல்பங்கள் மற்றும் குறும்படங்களிலும் நடித்துள்ளார். ஒருசில படங்களிலேயே, அஞ்சு குரியன் கவனத்தை ஈர்த்து, தனது பாத்திரங்களின் மூலம் பார்வையாளர்களின் இதயங்களில் ஒரு தனி இடத்தை உருவாக்கினார். சத்யன் அந்திகாட் இயக்கிய ‘ஞன் பிரகாசன்’ படத்தில் இவரது கதாபாத்திரம் ரசிகர்கள் மத்தியில் பெரும் வரவேற்பைப் பெற்றது. ‘ஞன் பிரகாசன்’ படத்தில் அவர் நடிகர் ஃபஹத் பாசிலுடன் நடித்தார். அதேபோல், நிவின் பாலி மற்றும் நஸ்ரியா நடிப்பில் வெளியான 'ஓம் சாந்தி ஓஷானா' படத்திலும், திலீப் நடித்த 'ஜாக் & டேனியல்' திரைப்படத்தில் ஒரு முக்கிய கதாபாத்திரத்தில் நடித்தார்.