Thalapathy 66 Update: விஜய் ரசிகர்களே.. தளபதி 66 படத்தை இயக்கும் இயக்குநர் இவர்தான் - வந்தாச்சு அஃபீஷியல் அப்டேட்..

தளபதி 66-ஆவது  படத்தைத் தயாரிப்போம் என்பதை பகிர்ந்து கொள்வதில் மகிழ்ச்சி.

தளபதி 66

நடிகர் விஜய்யின் 66-ஆவது படத்தை தெலுங்கு இயக்குநர் வம்சி பைடிபள்ளி இயக்கப்போகிறார் என்று தகவல் வெளியான நிலையில், தற்போது அதுகுறித்த அதிகாரப்பூர்வ அறிவிப்பு வெளியாகியுள்ளது. இந்த படத்தை பிரபல தெலுங்கு தயாரிப்பாளர் தில் ராஜூ தயாரிக்கிறார். இதுதொடர்பான ஸ்ரீ வெங்கடேஷ்வரா கிரியேஷன்ஸ் டுவிட்டர் பக்கத்தில், “அதிகாரப்பூர்வமாக்க நாங்கள் காத்திருந்த செய்தி. எங்களுக்கு மிகவும் பெருமையான தருணம். தளபதியுடன் மதிப்புமிக்க தளபதி 66-ஆவது படத்தை தயாரிப்போம் என்பதை பகிர்ந்து கொள்வதில் மகிழ்ச்சி” எனப் பதிவிடப்பட்டுள்ளது.

The news we have been waiting to make official !!!

A very proud moment for us. Happy to share that we will be producing the prestigious #Thalapathy66 with Thalapathy @ActorVijay sir and @directorvamshi pic.twitter.com/dvR1XxESwb

— Sri Venkateswara Creations (@SVC_official) September 26, 2021

இதுகுறித்து இயக்குநர் வம்சி தனது டுவிட்டர் பக்கத்தில், நடிகர் விஜய்யின் 'தளபதி 66’  படம் எனது அடுத்த படம்  என்ற தகவலை உங்களுடன் பகிர்கிறேன். இந்த படத்தை தில்ராஜு, ஹிரிஷ் ஆகியோர் தயாரிக்கின்றனர்’ எனப் பதிவிட்டுள்ளார்.

 

#Thalapathy66... Sharing with you all an exciting update about my next film with The #Thalapathy @actorvijay Sir, Produced by #DilRaju garu & #Shirish garu under my home banner @SVC_official pic.twitter.com/R24UhFGNlW

— Vamshi Paidipally (@directorvamshi) September 26, 2021

வம்சி முன்னதாக கார்த்தி மற்றும் நாகார்ஜூனா நடிப்பில் வெளியான ‘தோழா’ என்ற படத்தை இயக்கியிருந்தார் என்பது குறிப்பிடத்தக்கது. சமீபத்தில் நடைபெற்ற SIIMA விருது வழங்கும் நிகழ்ச்சியில் கலந்துக்கொண்ட இயக்குநர் வம்சியிடம் தளபதி 66 குறித்த அப்டேட் ஏதாவது சொல்லுங்கள் என கேள்வி முன்வைக்கப்பட்டது. அதற்கு பதிலளித்த அவர் “ விரைவில் அதுகுறித்த அப்டேட் உங்களை வந்து சேரும் அப்போது நீங்கள் படம் குறித்து தெரிந்துகொள்ளலாம். இப்போதே நாங்கள் அது குறித்த அறிவிப்பை வெளியிட்டு உங்கள் எதிர்பார்ப்பை நீர்த்துப்போக செய்ய விரும்பவில்லை “ என குறிப்பிட்டிருந்தார். இதனைத்தொடர்ந்து, அதிகாரப்பூர்வ அறிவிப்பு இன்று வெளியானது.

தளபதி 66 படத்தின் பூஜையை அடுத்த மாதம் பிரம்மாண்டமாக நடத்தி முடித்துவிட்டு,படப்பிடிப்பை அடுத்த ஆண்டு  தொடங்க திட்டமிட்டுள்ளார்களாம் படக்குழு. படத்தை 2022 தீபாவளி பண்டிகைக்கு வெளியிடலாம் என திட்டமிட்டுள்ளார்களாம். விஜய் நடிப்பில் தற்போது உருவாகியுள்ள பீஸ்ட் படத்தை சன் பிக்சர்ஸ் நிறுவனம் தயாரித்துள்ளது. நெல்சன் இயக்கத்தில் உருவாகிவரும் பீஸ்ட் படத்தில் விஜய்க்கு ஜோடியாக பூஜா ஹெக்டே நடித்து வருகிறார். இது தவிர , செல்வராகவன், யோகி பாபு உள்ளிட்ட பல முக்கிய நடிகர்கள் நடித்துள்ளனர். படம் வருகிற பொங்கல் பண்டிகை அன்று விஜய் ரசிகர்களுக்கு ட்ரீட்டாக அமையும் என எதிர்பார்க்கப்படுகிறது.