Jai Music Debut | இசையமைப்பாளர் ஆனார் நடிகர் ஜெய்.. வைரமுத்து வரிகளில் மிரட்டும் முதல் பாடல்!

ஜெய் இசையமைப்பாளராக வேண்டும் என்ற நோக்கத்தில்தான் திரைத்துறைக்கு வந்தாராம், எதிர்பாராத விதமாகத்தான் கதாநாயகன் அவதாரம் எடுத்துள்ளார்.

இசையமைப்பாளர்_ஜெய்

கடந்த 2002-ஆம் ஆண்டு வெளியான பகவதி திரைப்படத்தில் விஜய்க்கு தம்பியாக நடித்ததன் மூலம் தமிழ் சினிமாவில் அறிமுகமானவர் நடிகர் ஜெய். அதன் பிறகு சென்னை 28 படத்தில் முக்கியமான கதாபாத்திரத்தில் நடித்தார். அதிலும் இவரது கதாபாத்திரம் வெகுவாக பேசப்பட்டது. அதன் பிறகு சுப்ரமணியபுரம் என்ற படத்தில் கதாநாயகனாக நடித்தார். அந்த படமும் சூப்பர் டூப்பர் வெற்றியடைந்தது. பின்னர் எங்கேயும் எப்போதும், புகழ், பலூன் உள்ளிட்ட  25 படங்களில் நடித்துள்ளார்.  தற்போது மிகுந்த எதிர்பார்ப்புக்கு மத்தியில் சுசீந்திரன் இயக்கும் சிவ சிவா படத்தில் கதாநாயகனாக நடித்து வருகிறார் ஜெய். இந்த படத்தில் கூடுதல் சுவாரஸ்யம் என்னவென்றால் படத்தில் கதாநாயகனாக நடிப்பது மட்டுமல்லாமல் படத்திற்கு இசையமைத்துள்ளார். 

படத்தில் ‘காடமுட்ட’ என்ற பாடலுக்கு ஜெய் இசையமைத்துள்ளார். பாடலுக்கான வரிகளை வைரமுத்து எழுத, ஆகாஷ் இந்த பாடலை பாடியுள்ளார். இந்த பாடல் தற்போது வெளியாகி பலரை கவர்ந்துள்ளது. பாடலை கேட்ட இயக்குநர் வெங்கட் பிரபு, நடிகர் ஆர்யா, நடிகை நிக்கி கல்ராணி உள்ளிட்ட திரைத்துறையினர் ஜெய்க்கு வாழ்த்துக்களை தெரிவித்துள்ளனர்.

Tap your feet By watching This Melodious Folk song #KaadaMutta from #ShivaShivaa in @Actor_Jai's Musical !!

➡https://t.co/MZW0qm3m2f @Dir_Susi @meenakshigovin2 @lendi_studios @aishwaryas24 @VelrajR @mukasivishwa @Actormuthukumar @ajay250193 @saregamasouth @DoneChannel1

— venkat prabhu (@vp_offl) September 20, 2021

Tap your feet By watching This Melodious Folk song #KaadaMutta from #ShivaShivaa in @Actor_Jai's Musical !!
Really proud of u brother 🤗🤗😘 Keep rocking

➡https://t.co/IPRKep9jTU @Dir_Susi @meenakshigovin2 @lendi_studios @aishwaryas24 @VelrajR @mukasivishwa @Actormuthukumar

— Arya (@arya_offl) September 20, 2021

Super happy to launch this Melodious Folk song #KaadaMutta from #ShivaShivaa in @Actor_Jai's Musical !!

➡https://t.co/rE0TXs1MxC @Dir_Susi @meenakshigovin2 @lendi_studios @aishwaryas24 @VelrajR @mukasivishwa @Actormuthukumar @ajay250193 @saregamasouth @DoneChannel1

— Nikki Galrani (@nikkigalrani) September 20, 2021

இது குறித்து ஜெய் கூறுகையில் தனது 19 வருட கனவு நிறைவேறிவிட்டதாக பெருமிதம் தெரிவித்துள்ளார். ஆரம்பத்தில் ஜெய் இசையமைப்பாளராக வேண்டும் என்ற நோக்கத்தில்தான் திரைத்துறைக்கு வந்தாராம், ஆனால் எதிர்பாராத விதமாக கதாநாயகன் ஆனதால் தனது நீண்ட நாள் கனவான இசையமைப்பாளர் அவதாரத்தை எடுக்க முடியாமல் போனது என்றும் தற்போது அது நிறைவேறிவிட்டது என்றும் மகிழ்ச்சி தெரிவிக்கிறார். சிவ சிவா படத்தின் டீசர் சமீபத்தில் வெளியிடப்பட்டது. இந்த படத்தில் ஜெய், 'சுப்ரமணியபுரம்' பட ஸ்டைலில் தாடி வைத்து, கைலியை மடித்து கட்டி, கிராமத்து இளைஞராக நடித்துள்ளார் . ஜெய் நடிப்பில் இறுதியாக வெளியான படங்கள் எதிர்பார்த்த வெற்றியை கொடுக்கவில்லை என்பதால் , சிவ சிவா படத்தை மிகவும் நம்பிக்கையுடன் நடித்துக்கொடுத்துள்ளாராம்.  படம் முழுக்க முழுக்க கிராமத்து பின்னணியில் எடுக்கப்பட்டுள்ளது. இந்த படத்தில் ஜெய்க்கு ஜோடியாக மீனாட்சி கோவிந்தராஜன் மற்றும் ஆக்ஷனா சிங் ஆகியோர் நடித்துள்ளனர். முக்கிய கதாபாத்திரத்தில் நடிகர் பால சரவணன், காளி வெங்கட், உள்ளிட்ட பலர் நடித்துள்ளனர். இப்படத்தை லெண்டி ஸ்டூரியோ ( Lendi Studio ) எஸ்.ஐஸ்வர்யா தயாரித்துள்ளார்.