மனைவியுடன் 14 கி.மீ. கிரிவலம் சுற்றிய பிரபல நடிகர் - வைரலாகும் புகைப்படம்

திருவண்ணாமலையில் மனைவியுடன் கிரிவலம் வந்த அருண் விஜய்

மனைவியுடன் அருண் விஜய் சாமி தரிசனம்

திடீரென திருவண்ணாமலை கோவிலில் தனது மனைவியுடன் கிரிவலம் சென்ற அருண் விஜய்யின் புகைப்படம் இணையத்தில் பகிரப்பட்டு வருகிறது.  

தமிழ் சினிமாவில் முன்னணி நடிகர்களில் ஒருவராக இருப்பவர் அருண் விஜய். இவரின் நடிப்பில் கடந்த ஆண்டு வெளிவந்த யானை படம் நல்ல வரவேற்பை பெற்றது. ஹீரோ கேரக்டரை காட்டிலும் வில்லனாக வரும் அருண் விஜய் ரசிகர்களால் ஈர்க்கப்பட்டார். தற்போது திரைக்கு வர இருக்கும் மிஷன் சாப்டர் -1 படத்தில் நடித்துள்ளார். 

ஏ.எல். விஜய் இயக்கியுள்ள மிஷன் சாப்டர்-1 படத்தில் எமி ஜாக்சன் ஹீரோயினாக நடித்துள்ளார். இவர்களுடன் நிமிஷா சஜயன் நடித்துள்ளார். லைகா நிறுவனம் தயாரிக்கும் மிஷன் படத்துக்கு ஜி.வி.பிரகாஷ் இசை அமைத்துள்ளார். அண்மையில் வெளியான படத்தின் டீசலில், அருண் விஜய்யின் அறிமுகக் காட்சியும், எமி ஜாக்சன் சண்டையிடும் காட்சிகளும் இடம்பெற்றிருந்தன. படம் விரைவில் திரைக்கு வரும் என எதிர்பார்க்கப்படுகிறது. 

இது மட்டும் இல்லாமல் பாலா இயக்கத்தில் சூர்யா நடிப்பதாக இருந்த வணங்கான் படத்திலும் அருண் விஜய் நடித்து வருகிறார். இந்த நிலையில் தனது மனைவியுடன் திருவண்ணாமலைக்கு சென்ற அருண் விஜய், அங்குள்ள அருணாசலேஸ்வரர் கோவிலில் சாமி தரிசனம் செய்தார். ராஜகோபுரம் முன்பு அண்ணாமலையாரை வணங்கிய அவர், கோவிலை சுற்றி 14 கி.மீ தூரத்திற்கு கிரிவலம் வந்தார். நள்ளிரவில் கிரிவலம் சுற்றிய நடிகருடன் ரசிகர்கள் செல்பி எடுத்து கொண்டனர். பின்னர் இடுக்கி பிள்ளையாரை வணங்கி வேண்டுதலையும் நிறைவேற்றினார். அருண் விஜய்யின் திடீர் கோவில் விசிட் புகைப்படங்கள் இணையத்தில் பகிரப்பட்டு வருகிறது. 

மேலும் படிக்க: Maamannan: நெட்ஃப்ளிக்ஸ் ஓடிடி தளத்தில் சாதனை... உலக அளவில் டாப் 10 படங்களில் ‘மாமன்னன்’.. எகிறும் பார்வையாளர்கள்!