Kuiko Movie: "ஊர்ல எல்லா கோயிலுக்கும் நல்லது பண்றாரு” .. அமைச்சர் சேகர்பாபுவை பாராட்டி ‘குய்கோ’ படத்தில் வசனம்..!
நடிகர் யோகிபாபு நடித்துள்ள ‘குய்கோ’ படத்தில் தமிழ்நாடு அமைச்சர் சேகர்பாபுவை பாராட்டி வசனம் ஒன்று வைக்கப்பட்டுள்ளது கவனம் ஈர்த்துள்ளது.
நடிகர் யோகிபாபு நடித்துள்ள ‘குய்கோ’ படத்தில் தமிழ்நாடு அமைச்சர் சேகர்பாபுவை பாராட்டி வசனம் ஒன்று வைக்கப்பட்டுள்ளது கவனம் ஈர்த்துள்ளது.
விஜய் சேதுபதி நடித்த ஆண்டவன் கட்டளை படத்திற்கு திரைக்கதை எழுதிய டி.அருள்செழியன் இயக்குநராக அறிமுகமாகியுள்ள படம் “குய்கோ” . இந்த படத்தில் விதார்த், யோகி பாபு, இளவரசு, முத்துக்குமார், பிரியங்கா, துர்கா, வினோதினி வைத்தியநாதன் உள்ளிட்ட பலரும் நடித்துள்ளனர். மேலும் ஏஎஸ்டி பிலிம்ஸ் நிறுவனம் தயாரித்துள்ள குய்கோ படத்துக்கு அந்தோணி தாசன் இசையமைத்துள்ளார். இந்த படம் நேற்று (நவம்பர் 24) தியேட்டரில் வெளியானது.
மாடு மேய்ப்பவர் என்ற காரணத்தால் ஊரை விட்டு செல்லும் யோகிபாபு துபாயில் ஒட்டகம் மேய்த்து பணம் சம்பாதிக்கிறார். இதனிடையே தன் தாயின் மரணத்திற்காக சொந்த ஊருக்கு திரும்புகிறார். தன் தாயை ஒருநாள் முழுக்க கடைசியாக நன்றாக பார்த்துக் கொள்ள வேண்டும் என மெனக்கெடுகிறார். அவரின் முடிவில் என்னென்ன விஷயங்கள் நடைபெற்றது என்பதை நகைச்சுவையாக காட்சிப்படுத்தியுள்ளனர்.
Happy to share the TRAILER of #KUIKO 🐪 Best wishes to the entire team! Releasing In Cinemas this FRIDAY, 24TH NOVEMBER!
— VijaySethupathi (@VijaySethuOffl) November 21, 2023
▶️ https://t.co/3StXkF4IRO#குய்கோ 🐪 @vidaarth_actor @iYogiBabu @darulchezhian @anthonydaasan @rajeshyadavdop @Ram_Pandian_90 @realilavarasan… pic.twitter.com/sXLjQe4vvK
துபாயில் இருந்து வந்தவுடன் கெத்து காட்டுவது, எதற்கெடுத்தாலும் பணத்தை வாரி இறைப்பது, ஊரில் உள்ள பிரச்சினைகளுக்கு பதில் சொல்வது என படம் முழுக்க யோகிபாபு அட்ராசிட்டி தான். இடைவேளை காட்சியில் தான் யோகிபாபுவே எண்ட்ரீ கொடுக்கும் நிலையில் இரண்டாம் பாதி முழுக்க ஒரே காமெடி சரவெடி தான். இப்படியான நிலையில் இந்த படத்தில் தமிழ்நாடு அரசின் இந்து சமய அறநிலையத்துறை அமைச்சர் சேகர்பாபுவை பாராட்டி வசனம் ஒன்று வைக்கப்பட்டுள்ளது.
அதன்படி, யோகிபாபுவுக்கு சேகர், பாபு என இரண்டு நண்பர்கள் உள்ளனர். இவர்கள் உள்ளூர் கோயிலின் உண்டியலை உடைத்து பணத்தை திருடி விடுவது போன்ற காட்சிகள் இடம் பெற்றிருக்கும். இதுதொடர்பாக உள்ளூர் மக்களில் ஒருவர் தகவல் சொல்ல வருவான். அப்போது பேசும் யோகிபாபு, ‘அந்த சேகர் பாபு ஊர்ல உள்ள எல்லா கோயிலுக்கும் நல்லது பண்றாரு’ . இவனுக்க அவரோட பேரை இரண்டாக பிரிச்சி வச்சிகிட்டு என்ன மாதிரியான பிரச்சினை பண்றாங்க’ என பேசுவது போன்ற காட்சி இடம் பெற்றிருக்கிறது. இதற்கு தியேட்டர்களில் ரசிகர்கள் மத்தியில் பலத்த கைதட்டல்கள் விழுந்தது குறிப்பிடத்தக்கது.
மேலும் படிக்க: Kuiko Movie Review: காட்சிகளுக்கு காட்சி சிரிப்பலை.. யோகிபாபுவின் ’குய்கோ’ பட விமர்சனம் இதோ..!
தலைப்பு செய்திகள்
ட்ரெண்டிங் செய்திகள்
