Local Body Election | குப்பைகளை அள்ளி வாக்குகளை ஸ்கோர் செய்த பாஜக வேட்பாளர்

6 ஆவது வார்டை தூய்மை இந்தியா திட்டத்தின்கீழ் சுகாதாரமாக மாற்றுவேன் என்று கூறி முழக்கமிட்டு பொதுமக்களிடம் வாக்குசேகரித்தார்

குப்பைகளை அள்ளும் பாஜக வேட்பாளர்

தமிழ்நாட்டில் நகர்ப்புற உள்ளாட்சி தேர்தல் வருகின்ற பிப்ரவரி 19 ஆம் தேதி நடைபெற உள்ள நிலையில் அதற்கான வேட்பு மனு தாக்கல் கடந்த மாதம் 28 ஆம் தேதி துவங்கி பிப்ரவரி 4 ஆம் தேதி வரை வேட்பு மனுக்கள் பெறப்பட்டது. அதனைத் தொடர்ந்து வேட்புமனு பரிசீலனை ஆனது, பிப்ரவரி 5ஆம் தேதி காலை தொடங்கி மாலை வரை நடைபெற்றது. மயிலாடுதுறை மாவட்டத்தில் நகர்ப்புற உள்ளாட்சி தேர்தலில் மயிலாடுதுறை, சீர்காழி ஆகிய 2 நகராட்சிகள், குத்தாலம், தரங்கம்பாடி, மணல்மேடு, வைதீஸ்வரன்கோயில் ஆகிய 4 பேரூராட்சிகளில் உள்ள 123 வார்டு உறுப்பினர்கள் பதவிகளுக்கு போட்டியிட 858 வேட்பாளர்கள் வேட்புமனு தாக்கல் செய்திருந்தனர். 

இந்நிலையில், அம்மனுக்கள் மீதான பரிசீலனை நடைபெற்றது. மனுக்கள் சரிவர நிரப்பப்படாதது, கையெழுத்து இல்லாதது, சரியான ஆவணங்கள் இல்லாதது, முன்மொழிவாளர் இல்லாதது உள்ளிட்ட பல்வேறு காரணங்களால், வேட்புமனு பரிசீலனையில் 20 மனுக்கள் நிராகரிக்கப்பட்டு 838 மனுக்கள் ஏற்கப்பட்டன. 

மயிலாடுதுறை நகராட்சியில் உள்ள 36 வார்டுகளில் 4 மனுக்கள் நிராகரிக்கப்பட்டு 286 மனுக்கள் ஏற்கப்பட்டது. சீர்காழி நகராட்சியில் 24 வார்டுகளில் 3 மனுக்கள் நிராகரிக்கப்பட்டு 147 மனுக்கள் ஏற்கப்பட்டன. குத்தாலம் பேரூராட்சியில் 15 வார்டுகளில் 11 மனுக்கள் நிராகரிக்கப்பட்டு 118 மனுக்களும் இதேபோன்று மணல்மேடு பேரூராட்சியில் 15 வார்டுகளில் 2 மனுக்கள் நிராகரிக்கப்பட்டு 101 மனுக்களும் ஏற்கப்பட்டன. 

தரங்கம்பாடி பேரூராட்சியில் 18 வார்டுகளில் 105 மனுக்களும், வைத்தீஸ்வரன்கோவில் பேரூராட்சியில் 15 வார்டுகளுக்கு 81 வேட்புமனுக்களும் எவ்வித நிராகரிப்பு இன்றி அனைத்தும் வேட்புமனுக்களும் ஏற்றுக்கொள்ளப்பட்டது. வேட்பு மனு பரிசீலனை நிறைவடைந்தது. சில வேட்பாளர்கள் வேட்புமனுக்கள் திரும்ப பெற்ற நிலையில், கட்சி மற்றும் சுயேச்சை வேட்பாளர்கள் தீவிர வாக்குசேகரிப்பில் களம் இறங்கியுள்ளனர்.

இந்நிலையில்  மயிலாடுதுறை நகராட்சியில் பாஜக சார்பில் 15 வேட்பாளர்கள் போட்டியிடும்  வேட்பாநகர்புற உள்ளாட்சி தேர்தல் களம் சூடுபிடித்துள்ளது. வேட்பாளர்கள் தீவிர வாக்குசேகரிப்பில் ஈடுபட்டுள்ளனர். 

அந்த வகையில் மயிலாடுதுறை நகராட்சியில் 6 வது வார்டில் போட்டியிடும் பாஜக வேட்பாளர் பாரதிகண்ணன் நூதனமுறையில் பொதுமக்களிடம் வாக்குசேகரித்தார். 6 வயது வார்டுக்கு உட்பட்ட தோப்புதெருவில் வீடுவீடாக சென்று வாக்குசேகரித்த வேட்பாளர் வார்டில் உள்ள குப்பைகளை கூட்டி கைகளால் அள்ளி அப்புறப்படுத்தினார். 6 வது வார்டை தூய்மை இந்தியா திட்டத்தின்கீழ் சுகாதாரமாக மாற்றுவேன் என்று கூறி முழக்கமிட்டு பொதுமக்களிடம் வாக்குசேகரித்தார். இந்தமுறை தனக்கு வாய்ப்பு தாருங்கள் தினந்தோறும் குப்பைகள் நல்லமுறையில் அப்புறப்படுத்தப்படும் என  அவர் வாக்காளர்களிடம் வாக்கு சேகரிப்பில் ஈடுபட்டார். முன்னதாக நேற்று வாக்காளர்களுக்கு தாமரை மலர் கொடுத்து வாக்கு சேகரிப்பில் ஈடுப்பட்டது குறிப்பிட்டதக்கது.