TN TRB Recruitment 2024: விண்ணப்பித்துவிட்டீர்களா? உதவிப் பேராசிரியர் பணிக்கு 4000 பணியிடங்கள்- நாளையே கடைசி!
TN TRB Assistant Professor Recruitment 2024: அரசு கலை, அறிவியல் மற்றும் கல்வியியல் கல்லூரிகளில் உதவிப் பேராசிரியர் பணியில் சேர்வதற்கான தேர்வுக்கு விண்ணப்பிக்க நாளையே கடைசித் தேதி ஆகும்.
அரசு கலை, அறிவியல் கல்லூரிகளில் உதவிப் பேராசிரியர் பணியில் சேர, 4000 பணியிடங்கள் அறிவிக்கப்பட்டுள்ள நிலையில், விண்ணப்பிக்க நாளையே கடைசித் தேதி ஆகும். தேர்வர்கள் https://trb.tn.gov.in/ என்ற இணைப்பை க்ளிக் செய்து, தேர்வுக்கு விண்ணப்பிக்கலாம்.
தமிழ்நாடு அரசு கலை மற்றும் அறிவியல் கல்லூரிகள் மற்றும் கல்வியியல் கல்லூரிகளில் மொத்தமுள்ள 10,079 ஆசிரியர் பணியிடங்களில் சுமார் 7500 உதவிப் பேராசிரியர் பணியிடங்கள் காலியாக உள்ளன. இதில் 4 ஆயிரம் பணி இடங்கள் நிரப்புவதற்கான அறிவிப்பு வெளியானது.
நாளையே கடைசி
இதற்காக பணி இடங்களுக்கு மார்ச் 28 முதல் விண்ணப்பித்த நிலையில், தேர்வர்கள் நாளை (மே 15) வரை விண்ணப்பிக்கலாம் என்று தெரிவிக்கப்பட்டுள்ளது. இதற்கான தேர்வு ஆகஸ்ட் 4ஆம் தேதி நடைபெறலாம் (உத்தேசத் தேதி) என்றும் தெரிவிக்கப்பட்டுள்ளது.
ஏற்கெனவே விண்ணப்பிப்பதற்கான அவகாசம் நீட்டிக்கப்பட்ட நிலையில், நாளையே கடைசித் தேதியாக இருக்கும் என்று எதிர்பார்க்கப்படுகிறது.
காலி இடங்கள் விவரம்
ஏற்கெனவே காலியாக உள்ள இடங்கள் - 72
பற்றாக்குறை காலியிடங்கள் - 4
மாற்றுத்திறனாளிகளுக்கான சிறப்பு ஆசிரியர் இடங்கள் – 3
தற்போதைய காலி இடங்கள் – 3921
மொத்த இடங்கள் – 4000
வயது வரம்பு
உச்ச வயது வரம்பு அதிகம் அறிவிக்கப்படவில்லை. 01.07.2024 அன்று 57 வயது நிறைவடையாத தேர்வர்கள் அனைவரும் இதற்கு விண்ணப்பிக்கலாம்.
கல்வித் தகுதி
* குறைந்தபட்சம் 55 சதவீத மதிப்பெண்களுடன் கூடிய முதுநிலைப் பட்டம் அவசியம். எனினும் எஸ்சி/ எஸ்டி/ எம்பிசி / டிஎன்சி / பிசி தேர்வர்களுக்கு 5 சதவீதத் தளர்வு உண்டு.
* நெட் எனப்படும் தேசிய தகுதித் தேர்வில் அல்லது ஸ்லெட் எனப்படும் மாநில தகுதித் தேர்வில் தேர்ச்சி அவசியம்.
* அல்லது பிஎச்டி பட்டம் பெற்றிருக்க வேண்டும்.
எழுத்துத் தேர்வில் தேர்ச்சி பெற்ற பிறகு நடத்தப்படும் நேர்காணலில் கலந்துகொள்ள வேண்டியது அவசியம்.
விண்ணப்பிப்பது எப்படி?
* தேர்வர்கள் https://www.trb.tn.gov.in என்ற இணைப்பை க்ளிக் செய்யவும்.
* அதில், https://trb1.ucanapply.com/register?sub_id=eyJpdiI6Im1LNkpYRWllbEtMS013Q2RPU2EzYXc9PSIsInZhbHVlIjoibG9WQWViTmRVY1JqMGI3UHdhT0l2QT09IiwibWFjIjoiNzI5NzIyNWU3ZGRhYTY1ZDI3ZDk4M2M1OTcyNGNhZGE4YWJhMjVkZTg2N2M3ZDdjM2I4MGY1MTU1YWE5NWE4MCIsInRhZyI6IiJ9 என்ற இணைப்பை க்ளிக் செய்யவும்.
* சரியான மொபைல் எண் மற்றும் இ- மெயில் முகவரியை அளித்து முன்பதிவு செய்யவும்.
* பிறகு, பெயர், விண்ணப்பிக்கும் பணியிடம், பாடம், பிறந்த தேதி, சமூகம், முகவரி உள்ளிட்ட அனைத்துத் தகவல்களையும் சரியாக உள்ளிடவும்.
முழுமையான விவரங்களைப் பெற https://trb.tn.gov.in/admin/pdf/1492415566AP%20Notification%20Final%2013.03.2024.pdf என்ற இணைப்பை க்ளிக் செய்யவும்.
தொலைபேசி எண்கள்: 1800 425 6753 (10:00 am – 05:45 pm)
தலைப்பு செய்திகள்
ட்ரெண்டிங் செய்திகள்
