12th Supplementary Result: பிளஸ் 2 துணைத் தேர்வு விடைத்தாள் நகல் வெளியீடு; பெறுவது எப்படி?

பிளஸ் 2 துணைத் தேர்வு விடைத்தாள் நகல் இன்று வெளியாகி உள்ளது. மாணவர்கள் https://apply1.tndge.org/senior-secondary-private-provisional-marksheet-02092021 க்ளிக் செய்து, நகலைப் பெற்றுக் கொள்ளலாம்.

மாணவர்கள் | கோப்புப்படம்

பிளஸ் 2 துணைத் தேர்வு விடைத்தாள் நகல் இன்று வெளியாகி உள்ளது. மாணவர்கள் https://apply1.tndge.org/senior-secondary-private-provisional-marksheet-02092021 என்ற இணைப்பை க்ளிக் செய்து, நகலைப் பெற்றுக் கொள்ளலாம். அதேபோல நாளை முதல் மறு கூட்டல்‌ அல்லது மறு மதிப்பீட்டிற்கு விண்ணப்பிக்கலாம் என்றும் அரசுத்‌ தேர்வுகள்‌ இயக்ககம் அறிவித்துள்ளது. 

இதுகுறித்து அரசுத்‌ தேர்வுகள்‌ இயக்ககம் தெரிவித்து உள்ளதாவது:

‘’மேல்நிலை இரண்டாமாண்டு துணைத்‌ தேர்வு, ஜூன்‌ / ஜூலை மாதங்களில் நடைபெற்றது. இந்தத் தேர்வு முடிவுகள் அண்மையில் வெளியான நிலையில் விடைத்தாள்‌ நகல்‌ கோரி விண்ணப்பித்த மாணவர்களின்‌ விடைத்தாள்‌ நகலினை இன்று (09.08.2023 - புதன்கிழமை) பிற்பகல்‌ முதல்‌ www.dge.tn.gov.in என்ற இணையதளத்திற்குச்‌ சென்று பெறலாம். 

பெறுவது எப்படி?

தேர்வர்கள்Notification-ஐ Click செய்தவுடன்‌ HSE Second Year Exam, JUNE/JULY- 2023 - Scan Copy Download" என்ற வாசகத்தினை "Click" செய்தால்‌ தோன்றும்‌ பக்கத்தில்‌ தங்களது பதிவெண்‌ மற்றும்‌ பிறந்த தேதியினைப்‌ பதிவு செய்து தாங்கள்‌ விண்ணப்பித்த பாடங்களுக்குரிய விடைத் தாள்களின்‌ நகலினைப்‌
பதிவிறக்கம்‌ செய்து கொள்ளலாம்‌.

விடைத் தாள்களின்‌ நகலினை பதிவிறக்கம்‌ செய்த பிறகு மறுகூட்டல் அல்லது மறுமதிப்பிட்டிற்கு விண்ணப்பிக்க விரும்பினால்‌, இதே இணையதள முகவரியில்‌ “Application for Retotalling / Revaluation” என்ற தலைப்பினை க்ளிக் செய்து வெற்று விண்ணப்பத்தினைப்‌ பதிவிறக்கம்‌ செய்து கொள்ள வேண்டும்‌.

தேர்வர்கள்‌ மேற்படி பதிவிறக்கம்‌ செய்யப்பட்ட விண்ணப்பப் ‌படிவத்தினை பூர்த்தி செய்து, அதனை 10.08.2023 (வியாழக்கிழமை) முற்பகல்‌ 11.00 மணி முதல்‌ 12.08.2023 (சனிக்கிழமை) வரையிலான நாட்களில்‌ மாலை 5.00 மணிக்குள்‌ சம்பந்தப்பட்ட மாவட்ட அரசுத்‌ தேர்வுகள்‌ உதவி இயக்குநர்‌ அலுவலகத்திலும்‌, புதிதாக தோற்றுவிக்கப்பட்ட மாவட்டங்களில்‌ (தென்காசி, கள்ளக்குறிச்சி, திருப்பத்தூர்‌, இராணிப்பேட்டை, மயிலாடுதுறை, செங்கல்பட்டு ) முதன்மைக் கல்வி அலுவலர்‌ அலுவலகத்திலும்‌ ஒப்படைக்க வேண்டும்‌. மறுகூட்டல்‌ மற்றும்‌ மறுமதிப்பீட்டிற்கான கட்டணத்தினை மாவட்ட அரசுத்‌ தேர்வுகள்‌ உதவி இயக்குநர்‌/ முதன்மைக் கல்வி அலுவலர்‌ அலுவலகத்தில்‌ பணமாகச்‌ செலுத்த வேண்டும்‌.

மறுமதிப்பீடு
பாடம்‌ (ஒவ்வொன்றிற்கும்‌) - ரூ. 505/-

மறுகூட்டல்‌-॥
உயிரியல்‌ பாடம்‌ மட்டும்‌ - ரூ.305/-
ஏனைய‌ பாடங்கள்‌ (ஒவ்வொன்றிற்கும்‌) - ரூ.205/-’’

இவ்வாறு அரசுத் தேர்வுகள் இயக்ககம்  தெரிவித்துள்ளது.

கூடுதல் விவரங்களுக்கு: https://www.dge.tn.gov.in/