NEET UG 2026: இன்னும் 2 நாட்கள்தான்.. நீட் தேர்வு விண்ணப்பம் நீட்டிப்பு- ஆனா இனி கிடையாது!
NEET UG 2026 Registration: நீட் தேர்வுக்கு விண்ணப்பிக்க கடைசி வாய்ப்பு! தேதி நீட்டிப்பு..தவறவிட்டால் என்ன நடக்கும்? உடனே தெரிந்து கொள்ளுங்கள்!
இளநிலை மருத்துவப் படிப்புகளில் சேர நடத்தப்படும் நீட் நுழைவுத் தேர்வுக்கு விண்ணப்பிக்கும் அவகாசத்தை என்டிஏ நீட்டித்துள்ளது. இதன்படி மார்ச் 11ஆம் தேதி வரை தேர்வர்கள் விண்ணப்பிக்கலாம்.
முன்னதாக மார்ச் 8ஆம் தேதி வரை மாணவர்கள் விண்ணப்பிக்க அவகாசம் அளிக்கப்பட்டு இருந்த நிலையில் தற்போது அவகாசம் நீட்டிக்கப்பட்டுள்ளது. மார்ச் 11 இரவு 9ஆம் தேதி வரை விண்ணப்பிக்கவும் நள்ளிரவு 11.59 மணி வரை கட்டணத்தைச் செலுத்தவும் அவகாசம் அளிக்கப்பட்டு உள்ளது.
மீண்டும் அவகாசம் கிடையாது
குறிப்பிட்ட கால அவகாசத்துக்குள் விண்ணப்பிக்க வேண்டும் என்றும் இனி மீண்டும் அவகாசம் அளிக்கப்படாது எனவும் தேர்வை நடத்தும் தேசியத் தேர்வுகள் முகமை தெரிவித்துள்ளது.
எம்பிபிஎஸ், பிடிஎஸ் உள்ளிட்ட இளங்கலை மருத்துவப் படிப்புகளிலும் சித்த மருத்துவம், ஆயுர்வேதம், ஹோமியோபதி உள்ளிட்ட ஆயுஷ் படிப்புகளுக்கும் நீட் தேர்வு கட்டாயம் ஆக்கப்பட்டது. தேசிய தகுதி மற்றும் நுழைவுத் தேர்வு என்று இந்தத் தேர்வு அழைக்கப்படுகிறது.
தேர்வுக்கு விண்ணப்பிப்பது எப்படி?
- ஆன்லைனில் மட்டுமே விண்ணப்பிக்க முடியும். பிற வகைகளில் அனுப்பப்படும் விண்ணப்பப் படிவம் ஏற்கப்படாது.
- ஒரு தேர்வர் ஒரு படிவத்தை மட்டுமே சமர்ப்பிக்க வேண்டும். ஒன்றுக்கு மேற்பட்ட படிவம் இருந்தால், அனுமதிச் சீட்டு ரத்து செய்யப்படும் அல்லது நிறுத்தி வைக்கப்படும், அல்லது தேர்வு எழுதத் தடை விதிக்கப்படும்.
- இ மெயில் முகவரி, மொபைல் ஆகியவை உங்களுடையதாக அல்லது உங்கள் பெற்றோர்/ பாதுகாவலரின் விவரமாக இருக்க வேண்டும். அந்த எண், இ மெயில் முகவரிக்குத்தான் விவரங்கள் அனுப்பப்படும்.
- அனைத்து கேள்விகளுக்கும் உரிய விடையை அளிக்க வேண்டும். இல்லாவிட்டால் விண்ணப்பம் ஏற்கப்படாது.
- வருங்காலத் தேவைக்காக, கட்டணம் செலுத்தியது உள்ளிட்ட முக்கிய விவரங்களை ஸ்க்ரீன் ஷாட் எடுத்து வைத்துக்கொள்ள வேண்டும்.
கூடுதல் தகவல்களுக்கு: https://cdnbbsr.s3waas.gov.in/s37bc1ec1d9c3426357e69acd5bf320061/uploads/2026/02/20260208399987696.pdf
தலைப்பு செய்திகள்
ட்ரெண்டிங் செய்திகள்
