JEE Main 2025: இன்னும் சில நாள்தான்; ஜேஇஇ மெயின் பொறியியல் நுழைவுத் தேர்வுக்கு விண்ணப்பிச்சுட்டீங்களா? எப்படி?

NTA JEE Mains 2025: ஜேஇஇ மெயின் எனப்படும் முதல்கட்ட நுழைவுத் தேர்வு ஜனவரி 22 முதல் 31ஆம் தேதி வரை நடைபெற உள்ளது.

Written By : மாய நிலா | Updated at : 17 Nov 2024 01:21 PM (IST)

NTA JEE Mains 2025: Session 1 Registration Ends Next Week, Check Steps To Apply JEE Main 2025: இன்னும் சில நாள்தான்; ஜேஇஇ மெயின் பொறியியல் நுழைவுத் தேர்வுக்கு விண்ணப்பிச்சுட்டீங்களா? எப்படி?

ஜேஇஇ மெயின் தேர்வு

Source : एबीपी लाइव

ஜேஇஇ மெயின் எனப்படும் பொறியியல் கூட்டு நுழைவுத் தேர்வுக்கு விண்ணப்பப் பதிவு நடந்து வரும் நிலையில், தேர்வர்கள் விண்ணப்பிக்க நவம்பர் 22 கடைசித் தேதி ஆகும்.

தேர்வர்கள் அன்று இரவு 9 மணி வரை விண்ணப்பிக்க அவகாசம் வழங்கப்பட்டு உள்ளது. நள்ளிரவு 11.50 மணி வரை விண்ணப்பக் கட்டணத்தைச் செலுத்தலாம்.

2 கட்டங்களாக ஜேஇஇ நுழைவுத் தேர்வு

மத்திய அரசின் கல்வி நிறுவனங்களான என்.ஐ.டி., ஐ.ஐ.டி., ஐ.ஐ.ஐ.டி. உள்ளிட்ட கல்வி நிறுவனங்களில் சேர ஜே.இ.இ. எனப்படும் கூட்டு நுழைவுத் தேர்வு நடத்தப்படுகிறது. இந்தத் தேர்வு 2 கட்டங்களாக, ஜேஇஇ மெயின் (முதல்நிலை), அட்வான்ஸ்டு (முதன்மைத் தேர்வு) என்று பிரித்து நடத்தப்படுகிறது. இதற்கிடையே 2025- 26ஆம் கல்வி ஆண்டில், 2025 ஜேஇஇ மெயின் தேர்வுகள் இரண்டு அமர்வுகளாக நடைபெற உள்ளன. முதல் அமர்வு 2025 ஜனவரி மாதத்திலும் இரண்டாம் அமர்வு ஏப்ரல் மாதத்திலும் நடைபெற உள்ளது.

தேர்வு தேதிகள் என்ன?

ஜேஇஇ மெயின் எனப்படும் முதல்கட்ட நுழைவுத் தேர்வு ஜனவரி 22 முதல் 31 வரை நடைபெற உள்ளது. தேர்வு 13 மொழிகளில் அதாவது ஆங்கிலம், தமிழ், இந்தி, அசாமி, பெங்காலி, குஜராத்தி, கன்னடம், மலையாளம், மராத்தி, இந்தியன், பஞ்சாபி, தெலுங்கு மற்றும் உருது ஆகியவற்றில் நடைபெற உள்ளது. இந்தத் தேர்வு முடிவுகள் பிப்ரவரி 12ஆம் தேதி வெளியாக உள்ளன.

விண்ணப்பிப்பது எப்படி?

தேர்வுக்கு ஆன்லைன் மூலம் மட்டுமே விண்ணப்பிக்க முடியும். ஆன்லைன் வழியாக கிரெடிட்/ டெபிட் / நெட் பேங்க்கிங் / யூபிஐ மூலம் விண்ணப்பிக்கலாம்.

அதற்கு, https://jeemain.nta.nic.in/ என்ற இணைப்பை க்ளிக் செய்ய வேண்டும். அதில் பெயர், மொபைல் எண், இ மெயில் முகவரி உள்ளிட்ட தேவையான விவரங்களை உள்ளிட்டு, விண்ணப்பிக்கலாம். எனினும் விண்ணப்பக் கட்டணத்தைச் செலுத்த வேண்டியது முக்கியம்.

தேர்வு மையங்கள் எங்கே?

தேர்வு மையங்கள் குறித்த விவரம் 2025 ஜனவரி மாதம் வெளியாகும் என்று தெரிவிக்கப்பட்டுள்ளது. பொதுவாக தேர்வு தேதிக்கு 3 நாட்கள் முன்னதாக, ஹால் டிக்கெட் வெளியிடப்படும்.

தேர்வு முடிவுகள் 2025, பிப்ரவரி 12ஆம் தேதி வெளியாகும் என்று தெரிவிக்கப்பட்டுள்ளது.

கூடுதல் தகவல்களுக்கு: https://jeemain.nta.nic.in/

தொலைபேசி எண்: 011- 40759000

இ- மெயில்: jeemain@nta.ac.in

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.