![ABP Premium](https://cdn.abplive.com/imagebank/Premium-ad-Icon.png)
அரசு கலை மற்றும் அறிவியல் கல்லூரிகளில் முதுகலை படிப்புகளில் சேர்வதற்கான அறிவிப்பு வெளியீடு
ஆகஸ்ட் 28ஆம் தேதி முதுகலை முதலாம் ஆண்டு வகுப்புகள் தொடங்கும் என கல்லூரி கல்வி இயக்ககம் அறிவித்துள்ளது...
![அரசு கலை மற்றும் அறிவியல் கல்லூரிகளில் முதுகலை படிப்புகளில் சேர்வதற்கான அறிவிப்பு வெளியீடு Notification for Admission to Post Graduate Courses in Government Arts and Science Colleges அரசு கலை மற்றும் அறிவியல் கல்லூரிகளில் முதுகலை படிப்புகளில் சேர்வதற்கான அறிவிப்பு வெளியீடு](https://feeds.abplive.com/onecms/images/uploaded-images/2024/07/27/81dfe62899cb5193982fe4e4159defe51722058959215184_original.jpg?impolicy=abp_cdn&imwidth=1200&height=675)
தமிழ்நாட்டில் உள்ள அரசு கலை மற்றும் அறிவியல் கல்லூரிகளில் 2024-25 ஆம் ஆண்டிற்கான முதுநிலைப் பட்டப்படிப்பு முதலாமாண்டு மாணவர்கள் சேர்க்கைக்கான விண்ணப்பங்கள் வரவேற்கப்படுகிறது. மேலும் விண்ணப்பிக்க விரும்புவோர் www.tngasa.in என்ற இணையதள முகவரியில் இன்று (27-07-2024) முதல் பதிவு செய்யலாம் என அறிவிக்கபட்டுள்ளது.
மேலும், இணையதளம் வாயிலாக விண்ணப்பிக்க இயலாத மாணவர்கள் அரசு கலை மற்றும் அறிவியல் கல்லூரிகளில் உள்ள சேர்க்கை உதவி மையங்கள் (Admission Facilitation Centre AFC) மூலம் விண்ணப்பிக்க வழிவகை செய்யப்பட்டுள்ளது.
விண்ணப்பக் கட்டணம் ஒரு மாணவருக்கு ரூ.58/- பதிவுக் கட்டணம் ரூ.2/- மட்டும் ஆகும்.
SC/ST பிரிவினருக்கு விண்ணப்பக் கட்டணம் ஏதுமில்லை. பதிவுக் கட்டணம் - ரூ.2/- மட்டும்.
கட்டணம் செலுத்தும் முறை :
விண்ணப்பக் கட்டணம் மற்றும் பதிவுக் கட்டணத்தை விண்ணப்ப தாரர்கள் Debit Card/ CreditCard/ NetBanking/ UPI மூலம் இணையதளம் வாயிலாக செலுத்தலாம்.
இணையதளம் வாயிலாகக் கட்டணம் செலுத்த இயலாத மாணாக்கர்கள் கல்லூரிச் சேர்க்கை உதவி மையங்களில் "The Director, Directorate of Collegiate Education, Chennai – 15" என்ற பெயரில் 27/07/2024 அன்று அல்லது அதற்குப் பின்னர் பெற்ற வங்கி வரைவோலை மூலமாக அல்லது நேரடியாகச் செலுத்தலாம்.
மாணவர்கள் சேர்க்கை வழிகாட்டி மற்றும் கால அட்டவணையை மேற்குறித்த இணையதளம் வாயிலாக அறிந்துகொள்ளலாம் என தெரிவிக்கபட்டுள்ளது.
தரவரிசை, இன்று முதல் ஆகஸ்ட் 7ஆம் தேதி வரை அரசு கலைக் கல்லூரிகளில் முதுகலை படிப்புகளுக்கு விண்ணப்பிக்கலாம். மேலும், தரவரிசை பட்டியல் ஆகஸ்ட் 10ஆம் தேதி வெளியிடப்படும்.
சிறப்பு பிரிவு மாணவர்களுக்கான கலந்தாய்வு ஆகஸ்ட் 13 மற்றும் 14 ஆகிய தேதிகளை நடைபெறும் இதில் மாற்றுத்திறனாளிகள் விளையாட்டு வீரர்கள், முன்னாள் ராணுவத்தினர் வாரிசுகள் இதில் பங்கேற்பார்கள். பொதுக் கலந்தாய்வு ஆகஸ்ட் 19 முதல் ஆகஸ்ட் 8ஆம் தேதி வரை நடைபெறும்.
தமிழ்நாட்டில் உள்ள அரசு கலை மற்றும் அறிவியல் கல்லூரிகளில் 2024-25 ஆம் ஆண்டிற்கான முதுநிலைப் பட்டப்படிப்பு முதலாமாண்டு மாணவர்கள் சேர்க்கைக்கு விண்ணப்பிக்க விரும்புவோர் www.tngasa.in என்ற இணையதள முகவரியில் இன்று முதல் பதிவு செய்யலாம்
ஆகஸ்ட் 28ஆம் தேதி முதுகலை முதலாம் ஆண்டு வகுப்புகள் தொடங்கும் என கல்லூரி கல்வி இயக்ககம் அறிவித்துள்ளது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)