NEET Exam 2024: நீட் நுழைவுத் தேர்வுக்கு விண்ணப்பித்துவிட்டீர்களா? இன்றே கடைசி! எப்படி விண்ணப்பிக்கலாம்?
NEET UG Registration 2024: நாடு முழுவதும் இளங்கலை மருத்துவப் படிப்புகளில் சேர நடத்தப்படும் நீட் தேர்வுக்கு விண்ணப்பிக்க இன்றே (மார்ச் 9) கடைசி ஆகும்.
நாடு முழுவதும் இளங்கலை மருத்துவப் படிப்புகளில் சேர நடத்தப்படும் நீட் தேர்வுக்கு விண்ணப்பிக்க இன்றே (மார்ச் 9) கடைசி ஆகும். நீட் தேர்வு மே 5ஆம் தேதி ஆஃப்லைன் முறையில் நடைபெற உள்ளது.
நீட் தேர்வு
நாடு முழுவதும் எம்பிபிஎஸ் (பொது மருத்துவம்), பிடிஎஸ் (பல் மருத்துவம்), பிஎஸ்எம்எஸ் (சித்த மருத்துவம்), பிஏஎம்எஸ் (ஆயுர்வேதம்), பியுஎம்எஸ் (யுனானி), ஓமியோபதி உள்பட இளங்கலை மருத்துவப் படிப்புகளுக்கும் முதுகலை மருத்துவப் படிப்புகளுக்கும் தேசிய அளவில் நுழைவுத் தேர்வு நடத்தப்பட்டு வருகிறது. ஆண்டுதோறும் ஒருமுறை நடத்தப்படும் இந்தத் தேர்வு, நீட் (தேசிய தகுதி மற்றும் நுழைவுத் தேர்வு) தேர்வு என அழைக்கப்படுகிறது. இந்த நுழைவுத் தேர்வை என்டிஏ எனப்படும் தேசியத் தேர்வுகள் முகமை நடத்துகிறது.
இதில் குறைந்தபட்ச மதிப்பெண்களைப் பெறும் மாணவர்கள் மட்டுமே, மருத்துவப் படிப்புக்குத் தகுதியானவர்கள் ஆவர். நீட் எழுதாமல் யாராலும் மருத்துவக் கல்லூரிகளில் சேர முடியாது. நீட் தேர்வில் மாணவர்கள் பெறும் மதிப்பெண்களைக் கொண்டு, கலந்தாய்வில் உரிய மருத்துவக் கல்லூரிகள் ஒதுக்கப்படும்.
மே 5-ல் தேர்வு
2024ஆம் ஆண்டுக்கான நீட் தேர்வு மே 5ஆம் தேதி நடைபெற உள்ள நிலையில், தேர்வு முடிவுகள் ஜூன் 14ஆம் தேதி வெளியாக உள்ளன. நீட் தேர்வு 3 மணி நேரம் 20 நிமிடங்களுக்கு.. அதாவது 200 நிமிடங்களுக்கு நடைபெற உள்ளது. மே 5 அன்று மதியம் 2 மணி முதல் 5.20 மணி வரை நேரடி முறையில் நடைபெறும் தேர்வுக்கு, ஆன்லைன் மூலம் மட்டுமே விண்ணப்பிக்க முடியும். பிப்ரவரி 9ஆம் தேதி இதற்கான விண்ணப்பப் பதிவு தொடங்கிய நிலையில், இன்று (மார்ச் 9) வரை மாணவர்கள் விண்ணப்பிக்கலாம்.
விண்ணப்பக் கட்டணம் எவ்வளவு?
பொதுப் பிரிவினருக்கு - ரூ.1,700
EWS/ OBC - NCL பிரிவினருக்கு - ரூ.1,600
பழங்குடியின / பட்டியலின / மாற்றுத் திறனாளிகள் / மாற்றுப் பாலினத்தவர் ஆகியோருக்கு - ரூ.1000
இந்தத் தொகையை சரக்கு மற்றும் சேவை வரியுடன் (ஜிஎஸ்டி) செலுத்த வேண்டும்.
விண்ணப்பிப்பது எப்படி?
* முதல்முறை விண்ணப்பிக்கும் மாணவர்கள், https://neet.ntaonline.in/frontend/web/registration/index என்ற இணைப்பை க்ளிக் செய்து முன்பதிவு செய்ய வேண்டும்.
* சரியான இ- மெயில் முகவரி, தொலைபேசி எண்ணை மட்டுமே உள்ளிட வேண்டும்.
* முன்பதிவு படிவத்தைப் பூர்த்தி செய்த பிறகு, விண்ணப்பப் படிவத்தை நிரப்ப வேண்டும்.
* விண்ணப்ப எண் மற்றும் கடவுச் சொல்லை உள்ளிட்டு, விண்ணப்பிக்க வேண்டும். இதற்கு, விண்ணப்பதாரரின் பாஸ்போர்ட் அளவு புகைப்படம், கையெழுத்து, கைரேகை ஆகிய ஆவணங்களை ஸ்கேன் செய்து சமர்ப்பிக்க வேண்டும்.
* முதல் இரண்டு படிவங்களையும் பூர்த்தி செய்த பிறகு, விண்ணப்பக் கட்டணத்தைச் செலுத்த வேண்டும். அதன்பிறகே விண்ணப்பப் படிவம் உறுதிசெய்ய வேண்டும். சரியான தகவல்களை மட்டுமே தேர்வர்கள் உள்ளிட வேண்டும்.
தேர்வு முறை
தேர்வு குறித்த முழுமையான விவரங்களை அறிய: https://exams.nta.ac.in/NEET/images/neet-ug-2024-draft-ib-09022024.pdf என்ற தகவல் வழிகாட்டியைக் காணலாம்.
தொடர்புகொள்ள- தொலைபேசி எண்: +91-11-40759000
மின்னஞ்சல் முகவரி: neet@nta.ac.in
கூடுதல் விவரங்களுக்கு: https://neet.nta.nic.in/
தலைப்பு செய்திகள்
ட்ரெண்டிங் செய்திகள்
