Crime : சென்னையில் பயங்கரம்.. பெண் சிசுக்கொலை முயற்சி? உள்துறை அமைச்சக பெண் பணியாளர் அளித்த புகார்..

பெண் குழந்தை பெற்றெடுத்ததற்காக கணவர் மற்றும் அவரது குடும்பத்தார் மேலும் 5 லட்சம் வரதட்சணை கோரி கொடுமைப்படுத்தியதாக புகாரளித்துள்ளார்

வரதட்சணை குறித்த தொகுப்பு.

 பெண் குழந்தை பெற்றெடுத்த பெண்ணிடம் கணவனும் அவரது குடும்பத்தினரும் சேர்ந்து 5 லட்ச ரூபாய் கூடுதல் வரதட்சணை கேட்டு கொடுமைப்படுத்தியதாக புகார் பதிவாகியுள்ளது

பெண் சிசுக்கொலைக்குத் தூண்டுதல்

சென்னை, வில்லிவாக்கத்தைச் சேர்ந்த 31 வயது பெண் ஸ்ருதி. இவர் முன்னதாக காவல் நிலையத்தில் அளித்த புகாரில், தனது கணவரும் அவரது குடும்பத்தினரும் சேர்ந்து கடந்த ஆண்டு தான் கருவுற்றிருக்கும்போது ஒருவேளை பெண் குழந்தை பிறந்தால் கொன்று விட வேண்டும் என மிரட்டியதாகவும், தொடர்ந்து தனக்கு பெண் குழந்தை பிறந்ததை அடுத்து தன்னை 5 லட்ச ரூபாய் வரதட்சணை வாங்கி வருமாறு வற்புறுத்தியதாகவும் தெரிவித்துள்ளார்.

மேலும் படிக்க: Crime : முதலிரவில் இயற்கைக்கு மாறான பாலியல் துன்புறுத்தல்.. அதிர்ச்சியில் விபரீதம்.. தேடப்படும் சைக்கோ மணமகன்..

திருமணத்தின்போது 136 சவரன் வரதட்சணை

உள்துறை அமைச்சக அலுவலகத்தில் பணிபுரியும் அப்பெண் தன் கணவர் மோகன கிருஷ்ணன் உள்பட அவரது குடும்பத்தைச் சேர்ந்த மூன்று பேர் மீது வரதட்சணைக் கொடுமை மற்றும் குடும்ப வன்முறை செய்ததாக காவல் நிலையத்தில் புகார் அளித்துள்ளார்.

இவர் திருமணமானது முதல் தனது கணவருடன் அவரது வீட்டிலேயே வசித்து வந்துள்ளார். இந்நிலையில், 2018ஆம் ஆண்டே இவர்களுக்குத் திருமணமான நிலையில், திருமணத்தின்போது ஏற்கெனவே 136 சவரன் தங்க ஆபரணங்கள், 4 லட்ச ரூபாய் பணம் ஆகியவற்றை தான் வரதட்சணையாகக் கொடுத்ததாகவும் தனது புகாரில் தெரிவித்துள்ளார்.

இவரது புகாரையடுத்து காவல் துறையினர் வழக்குப் பதிவு செய்து விசாரணை மேற்கொண்டு வருகின்றனர்.

---

மேலும் படிக்க: அண்ணே பிஸ்கட் தீந்துபோச்சுன்னே.. திருட வந்துவிட்டு தண்ணியை குடித்துவிட்டு சென்ற திருடர்கள்.. இதுதான் காரணம்..

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண