Crime : ஒரு தலை காதல்.. நீட் தேர்வு எழுதிமுடித்து காத்திருந்த மாணவிக்கு நடந்த கொடூரம்..மதுரையில் பட்டப்பகலில் பயங்கரம்..
மதுரையில் ஒரு தலை காதல் விவகாரம் தொடர்பாக இளம் பெண் பட்டப்பகலில் கழுத்தறுத்து கொலை செய்யப்பட்டுள்ளார். இது குறித்து குற்றம்சாட்டப்படும் இளைஞரை காவல்துறையினர் தேடிவருகின்றனர்.
மதுரை மாநகராட்சிக்கு உட்பட்ட பொன்மேனி பகுதியைச் சேர்ந்தவர் பாண்டியன் என்கின்ற பாண்டி. இவர் சொந்தமாக மளிகைக் கடை வைத்து பிழைத்து வருகிறார். இவருக்கு 19 வயதில் அபர்ணா என்ற மகள் உள்ளார். கடந்த ஆண்டு பிளஸ்-2 தேர்ச்சி பெற்ற நிலையில் மருத்துவர் ஆகவேண்டும் என்ற கனவோடு, நீட் தேர்வு எழுதிவிட்டு மருத்துவத்தை படிப்பு சேர்வதற்காக காத்திருக்கிறார். இந்த நிலையில் இவர் விராட்டிபத்து பகுதியில் பாட்டி வீட்டில் தங்கி பள்ளிக்கு சென்று வந்தபோது அதே பகுதியைச் சேர்ந்த ஹரிஹரன் என்ற வாலிபர் அபர்ணாவை ஒரு தலைபட்சமாக காதலித்து வந்ததாக சொல்லப்படுகிறது.
இந்த நிலையில் கடந்த ஒரு வாரத்திற்கு முன்பு அபர்ணாவின் வீட்டுக்கே வந்து திருமணம் செய்து வைக்க வேண்டும் என கேட்டுள்ளார். ஆனால் அவருடைய தந்தை அதற்கு மறுத்துள்ளார். இதனால் கடந்த 2 நாட்களாக வீட்டிற்கு வத்து தகராறு செய்து வந்துள்ளார். இந்த நிலையில் இன்று மதியம் வீட்டிற்கு வந்த ஹரிஹரன் தனியாக இருந்த அபர்ணாவை திருமணம் செய்ய வரும்படி கட்டாயப்படுத்தியபோது, அபர்ணா வர மறுத்ததால் அவர் மறைத்து வைத்திருந்த கத்தியை வைத்து அபர்ணா கழுத்து கை உள்ளிட்ட பல்வேறு பகுதியில் சரமாரியாக குத்தி விட்டு தப்பி ஓடி உள்ளார்.
ரத்த வெள்ளத்தில் வீட்டில் இறந்த நிலையில் கடந்த அபர்ணாவை கண்ட உறவினர்கள் எஸ்.எஸ்.காலனி., போலீசார் அளித்த தகவலை தொடர்ந்து சம்பவ இடத்திற்கு வந்த காவல்துறையினர் உடலை மீட்டு உடற்கூறாய்வுக்கு அரசு ராஜாஜி மருத்துவமனைக்கு அனுப்பி வைத்தனர். மேலும் தடயங்களை சேகரித்து தப்பி ஓடிய விராட்டிபத்து பகுதியைச் சேர்ந்த ஹரிஹரனை காவல்துறையினர் தேடி வருகிறார்கள். மேலும் அபர்ணாவிற்கும் அதே பகுதியை சேர்ந்த முனீஸ்வரன் என்பவருக்கும் கடந்த பத்து தினங்களுக்கு முன்பு நிச்சயதார்த்தம் முடிந்த நிலையில் ஆகஸ்ட் மாதம் திருமணம் நடைபெற இருந்தது குறிப்பிடத்தக்கது. ஒரு தலை காதலுக்காக இளம் பெண் மதுரையில் கொலை செய்யப்பட்ட சம்பவம் பெரும் பரபரப்பை ஏற்படுத்தி உள்ளது.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Illegal Relationship | மனைவி உயிரோடுதான் இருக்காங்க குழந்தையுடன் கணவன் தலைமறைவு போலீஸார் விசாரணை!
தலைப்பு செய்திகள்
ட்ரெண்டிங் செய்திகள்
