Crime: நாடக ஒத்திகையின்போது 11 வயது சிறுமிகளிடம் சில்மிஷம்.. கைது செய்யப்பட்ட 20 வயது இளைஞர்!

20 வயது இளைஞர் ஒருவர் 11 வயது சிறுமிகளிடம் தவறாக நடந்துகொண்டதற்காக நேற்று காவல்துறையினரால் கைது செய்யப்பட்டுள்ளார். 

மாதிரிப்படம்

20 வயது இளைஞர் ஒருவர் 11 வயது சிறுமிகளிடம் தவறாக நடந்துகொண்டதற்காக நேற்று காவல்துறையினரால் கைது செய்யப்பட்டுள்ளார். 

மும்பையில் உள்ள தனியார் பள்ளி ஒன்றில் வருடந்தோறும் நடைபெறும் ஆண்டு விழா இந்தாண்டும் நடைபெற்றுள்ளது. அந்த ஆண்டு விழாவில் மாணவ, மாணவிகள் தங்கள் திறமைகளை வெளிபடுத்த நாடகம் ஒன்றில் நடத்தியுள்ளனர். ஆண்டு தினத்தில் நாடகம் ஒன்றை ஒத்திகை பார்த்துக் கொண்டிருந்த 11 வயது சிறுமிகளை தவறான முறையில் தொட்டு அவர்களின் ஆடைகளில் காலர் மைக்கை பொருத்தியதாக கூறப்படுகிறது. 

இதையடுத்து, பாதிக்கப்பட்ட ஐந்து சிறுமிகளில் ஒரு சிறுமி வீடு திரும்பியவுடன், தங்களுக்கு நடந்த சம்பவம் குறித்து பெற்றோரிடம் தெரிவித்துள்ளனர். இதைக்கேட்டு அதிர்ச்சியடைந்த சிறுமியின் பெற்றோர்கள் உடனடியாக அருகிலிருந்த காவல்நிலையத்திலும், பள்ளி தலைமையாசிரியரிடமும் புகார் அளித்தனர்.

இதைத் தொடர்ந்து, குற்றம் சாட்டப்பட்டவர் மற்ற நான்கு மாணவர்களையும் ஆபாசமான முறையில் தொட்டது தெரிய வந்ததாக போலீஸார் தெரிவித்தனர். காலர் மைக்குகளை சப்ளை செய்வதற்காக ஆடிட்டோரியத்தில் பணியமர்த்தப்பட்ட நபர் தான் இந்த வேலையை செய்துள்ளார் என்று அந்த நபர் மீது தலைமை ஆசிரியர் காவல்துறையில் புகார் அளித்தார்.

இதுகுறித்து காவல்துறை அதிகாரி ஒருவர் தெரிவிக்கையில், "பள்ளிக் குழந்தைகளுக்கு நல்ல தொடுதல் மற்றும் கெட்ட தொடுதல் பற்றி கற்பிக்கப்படுகிறது, இதனால் அவர்கள் அத்தகைய குற்றங்களை அறிந்து கொள்ள முடியும். அதிபரின் புகாரின் அடிப்படையில், நாங்கள் வெள்ளிக்கிழமை எஃப்ஐஆர் பதிவு செய்து, குற்றம் சாட்டப்பட்டவரை சனிக்கிழமை கைது செய்தோம்” என்று தெரிவித்தார். 

தொடர்ந்து, கைது செய்யப்பட்ட அந்த நபர் செஷன்ஸ் நீதிமன்றத்தில் ஆஜர்படுத்தப்பட்டு, டிசம்பர் 12ம் தேதி வரை போலீஸ் காவலில் வைக்க உத்தரவிட்டார்.

போக்சோ சட்டம் : 

கடந்த சில ஆண்டுக்களாக 16 வயதுக்குட்பட்ட சிறுமிகளுக்கு எதிரான பாலியல் வன்கொடுமை நாளுக்குநாள் அதிகரித்து வருகிறது. தினந்தோறும் இதுபோன்ற செய்திகள் சமூக ஊடங்கள் வாயிலாகவும், தொலைக்காட்சிகள் வாயிலாகவும் நாம் காதுகளில் வந்து தஞ்சமடைக்கின்றது. இத்தகைய கொடுமைகள் இனி எந்தவொரு சிறுமிகளுக்கும் நடைபெற கூடாது எனவும், பொதுமக்கள் கடுமையான சட்டம் கொண்டு வரப்பட வேண்டும் எனவும் கருத்து தெரிவித்து வருகின்றனர். 

இதுபோன்ற தவறு செய்பவர்களுக்கு காவல்துறையினரால் போக்சோ சட்டம் பதியப்பட்டு கைது செய்யப்படுகின்றனர். இந்த நிலையில், போக்சோ சட்டம் என்ன என்பது பற்றி இங்கு தெரிந்து கொள்வோம்.

18 வயதிற்க்குட்பட்ட ஆண், பெண் குழந்தைகளை பாதுகாக்கப்படுபதற்கு கொண்டுவரப்பட்டதே இந்த போக்சோ சட்டம். இந்த சட்டம் எந்த அளவிற்கு பாதுகாப்பானது. இதன் சட்டம் மற்றும் ஷரத்துகள் பின்வருமாறு : 

• Penetrative sexual Assault - பலவந்தமான பாலியல் வன்கொடுமை செய்தல்
• Aggravated penetrative sexual assault - தீவிரமான ஊடுருவும் பாலியல் தாக்குதல்
• Sexual Assault - பாலியல் தொல்லை
• Aggravated Sexual Assault - எல்லைமீறிய பாலியல் தொல்லை
• Sexual Harassment - பாலியல் தொந்தரவு
• Taking pornographic pictures of children - குழந்தைகளை வைத்து ஆபாச படம் எடுத்தல்

இந்த ஆறுவகை பாலியல் குற்றங்களும் இந்த போக்சோ சட்டத்தின் கீழ் வருகின்றனர்.

1. 18 வயதிற்குட்பட்ட குழந்தைகளை பாலியல் வன்கொடுமை செய்தால் 7 ஆண்டு முதல் ஆயுள் தண்டனை
2. இதே குற்றத்தை பெற்றோர், பாதுகாவலர் செய்தால் 10 ஆண்டுகள் சிறை
3. 12 வயதிற்கு கீழான குழந்தைகளை வன்கொடுமை செய்தால் - மரண தண்டனை (இந்த சட்டம் 2018ம் ஆண்டு கொண்டு வரப்பட்டது)