Stock Market Update: வாரத்தின் முதல் நாள்! ஏற்றத்துடன் தொடங்கிய இந்திய பங்குச்சந்தைகள்... ஏற்றத்தில் ரிலையன்ஸ், டாடா பங்குகள்...

Stock Market Update: கடந்த 2 வாரங்களாக சற்று ஏற்றத்துடன் சென்று கொண்டிருந்த பங்குச் சந்தை, இந்த வார தொடக்கத்திலும் ஏற்றத்துடன் தொடங்கியுள்ளது

stock market, பங்குச் சந்தை

Stock Market Update: இன்று காலை தொடங்கிய இந்திய பங்குச் சந்தைகளானது ஏற்றத்துடன் தொடங்கியுள்ளன.

அமெரிக்கா, இந்தியா உள்ளிட்ட மத்திய வங்கிகள் வட்டி விகிதங்களை குறைக்கும் என எதிர்பார்க்கப்படும் நிலை மற்றும் கச்சா எண்ணெய் விலை குறையும் சூழல் உள்ளிட்டவை காரணமாக பங்குச் சந்தைகள் ஏற்றம் கண்டுள்ளன.

இந்நிலையில், இன்று காலை தொடங்கிய மும்பை சந்தை குறியீடான சென்செக்ஸ், 563.09 புள்ளிகள் அதிகரித்து 60,522.94 ஆக புள்ளிகளாக உள்ளது. தேசிய பங்குச் சந்தை குறியீடான நிஃப்டி 161.55 புள்ளிகள் அதிகரித்து 17,948.35 புள்ளிகளாக உள்ளது.

Sensex advances 563.09 points to 60,522.94 in early trade; Nifty climbs 161.55 points to 17,948.35

— Press Trust of India (@PTI_News) October 31, 2022

உலகளவில் நிலவி வரும் பொருளாதார மந்த நிலை காரணமாக பெரும் வீழ்ச்சியில் சென்றிருந்த பங்குச் சந்தைகள், கடந்த சில தினங்களாக ஏற்றம் கண்டு வருவதால், முதலீட்டாளர்கள் மற்றும் நிறுவனங்கள் சற்று ஆறுதல் அடைந்துள்ளன. 

லாபம்- நஷ்டம்

டாடா, ரிலையன்ஸ், ட்ரெண்ட், பிர்லா சாப்ட், தீபக் நைட்ரேட், எம்&எம், மைன்ட் ட்ரீ, டெக் மகேந்திரா, டைட்டன் உள்ளிட்ட நிறுவனங்களின் பங்குகள் ஏற்றம் கண்டுள்ளன.

இன்டல்லேக் டிசைன், பந்தன் பாங்க், எம்&எம் ஃபைனான்சியல், எல்ஐசி ஹவுசிங் ஃபைனான்ஸ், எஸ்பிஐ உள்ளிட்ட நிறுவனங்களின் பங்குகள் சரிவை கண்டுள்ளன.

மத்திய வங்கிகள் கூட்டம்:

இந்நிலையில், அமெரிக்க மத்திய வங்கி மற்றும் இந்திய ரிசர்வ் வங்கி கூட்டம் இந்த வாரத்தில் நடைபெறவுள்ளது. கூட்டத்தில் வட்டி விகிதத்தில் குறைப்பது தொடர்பான முக்கிய முடிவுகள் எடுக்கப்படும் என எதிர்பார்க்கப்படுகிறது. இதன் காரணமாக இந்திய பங்குச் சந்தைகள் சற்று ஏற்றம் கண்டு வருகிறது.

மேலும், உலகளவில் பெரும் தாக்கத்தை ஏற்படுத்திய ரஷ்யா - உக்ரைன் போர், கொரோனா தொற்று காரணமாக பொருளாதார மந்த நிலை ஏற்பட்டது. தற்போது சீனாவில் கொரோனா தொற்று பரவல் அதிகரித்து வருவதாக கூறப்படுகிறது. இதன் காரணமாக, பல பகுதிகளில் ஊரடங்கு அமல்படுத்தப்பட்டுள்ளதாக கூறப்படுகிறது. இதனால், கச்சா எண்ணெய் தேவை குறைய வாய்ப்புள்ளதால், கச்சா எண்ணெய்யின் விலை குறையும் சூழல் உள்ளது. இதனால் டாலருக்கு எதிராக ரூபாய் மதிப்பு வலுவடையும் சூழல் ஏற்பட்டுள்ளது

வலுவடையும் ரூபாய் மதிப்பு:

இதையடுத்து ரூபாய் மதிப்பு, டாலருக்கு எதிராக சற்று வலுவடைந்து வருகிறது.

Rupee rises 13 paise to 82.34 against US dollar in early trade

— Press Trust of India (@PTI_News) October 31, 2022

இந்நிலையில் இன்று டாலருக்கு எதிரான இந்திய ரூபாயின் மதிப்பு 13 காசுகள் அதிகரித்து 82.34 என்ற அளவில் உள்ளது.